::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: القسم الـتاريخــي الــعام :: (http://alduwaser.org/vb/forumdisplay.php?f=13)
-   -   قصيدة: حنا مع آل سعود وافين الاشبار (http://alduwaser.org/vb/showthread.php?t=75489)

ساقان الدواسر 12-05-2017 03:32 PM

قصيدة: حنا مع آل سعود وافين الاشبار
 
حنّا مع آل سعود وافين الاشبار
الشاعر: مشاري البدراني أبو عبدالله يحفظه الله

بيني وبين النوم جدران وستار
وياكثر من مثلي هالايّام ماناد
والدمع من عيني على الخدّ مدرار
يسقي المشاعر بازرق الدمع ومداد
الحمد لله والشكر دوم تكرار
راضين باللّي يكتب الله وماراد
لله حكمه في مقاسيم الاقدار
ولله حكمه في مخاليق وعباد
الموت حقّ ويشمل صغار وكبار
لابدّ من شهقه ومن قبر وحداد
يفنى الجسد ونفارق الابن والدار
ويبقى على الحياة تاريخ وامجاد
من مثل نايف لو تقصّيت الاخبار
ابو سعود مهجّدٍ كل ماكاد
من مثل نايف في ميادين الاقطار
أفنى زمانه والعمر جهد وجهاد
كم راح تيّارٍ وكم جاك تيّار!؟!
نايف وقف له وقفة السيف واطواد
لو زاد مقدارٍ ولو قلّ مقدار
نايف بنى ماحيّر الزود لو زاد
الموت لو ردّه مقاصير واسوار
والله ان نبني له مثل مابنى عاد
ولو ينفدا لو هو بمليار مليار
جبناه لو تمنى الخزاين بالانفاد
ولو العمر يعطى عطيناه الاعمار
نجلس بداله فالقبر بين الالحاد
موت الاسد يفرح به الكلب والفار
ولولاه اسد انكان ماعنه نشّاد
يالباطني عيّد ترى مابه اضرار
يزيد قدره كلّما زدت الاعياد
هو خازم الاشرار واذناب الاشرار
متحزّمٍ بالشرع في وجه الاضداد
وفقيه راعي الخزي والعيب والعار
ينبح مثل كلبٍ على الباب رصّاد
خسيت يالعميل حنّا مع الدار
والرافضي بعد له القول ينعاد
حنّا مع آل سعود وافين الاشبار
مانسمع المارق وحاقد وحسّاد
ولا لاهل إيران عبّادة النار
اللّي على الأمّه براغيث وقراد
بعد عمر ماقام للفرس عمّار
واليوم عقب كبارهم جوك الاحفاد
وحنّا لهم لو صار فالعلم ماصار
نصدر شهادة موت من قبل ميلاد
صلّوا على المبعوث والآل الاطهار
مازرفل المعنى وماصاغت الضاد



ساقان الدواسر 16-05-2017 09:13 PM

رد: قصيدة: حنا مع آل سعود وافين الاشبار
 
والنعم بشاعرنا مشاري البدراني الدوسري أبو عبدالله يحفظه الله
قصيدة جزله وتستاهل الطيب يالبدراني وماهي بغريبة منكم يالسنايد
نعم

حنّا مع آل سعود وافين الاشبار

نآصر البدراني 24-05-2017 11:46 AM

رد: قصيدة: حنا مع آل سعود وافين الاشبار
 



معليكم زود يابو صقر ولاهنت على نقل القصيده وطرحها

وصح الله لسان أبو عبدالله ويستاهل ماقلت فيه

والله يحفظ لنا الوطن والدار وأولياء الأمور ..

ساقان الدواسر 24-05-2017 01:47 PM

رد: قصيدة: حنا مع آل سعود وافين الاشبار
 
اقتباس:

المشاركة الأصلية كتبت بواسطة نآصر البدراني (المشاركة 774803)



معليكم زود يابو صقر ولاهنت على نقل القصيده وطرحها

وصح الله لسان أبو عبدالله ويستاهل ماقلت فيه

والله يحفظ لنا الوطن والدار وأولياء الأمور ..


مشرفنا الغالي : ناصر البدراني يحفظه الله
تحيه طيبه وسلام عليكم ورحمه وبركاته
والله لو بنذكر مأثر قبيلتكم قبيلة البدارين العاليه والغاليه علينا وعلى جميع الدواسر ما نوفيكم أنشهد يالبدراني أنكم تيجان ومحازم وجبال عاليه .
نعم يحق لنا أن نفخر ونفاخر بكم يا بني عمنا الغالين
وكرر شكري وتقديري الخاص لكم شخصيا وأتمني أن تقرأ ردي وأنتم في تمام الصحه والعافية وأسرتكم الكريمة تقبل فائق التقدير والاحترام ,
ابن عمك / أبو صقر

نآصر البدراني 20-07-2017 11:42 AM

رد: قصيدة: حنا مع آل سعود وافين الاشبار
 



ردك قريته ياجعل ربي يطول عمرك على طاعه

ولاهنت على الأطراء الطيّب وحنّا بليا بني عمنا ولا شيء

والكل منّا يكمّل الثاني والله يجمعنا ولايفرقنا ..


ساقان الدواسر 25-07-2017 02:45 PM

رد: قصيدة: حنا مع آل سعود وافين الاشبار
 
اقتباس:

المشاركة الأصلية كتبت بواسطة نآصر البدراني (المشاركة 775161)



ردك قريته ياجعل ربي يطول عمرك على طاعه

ولاهنت على الأطراء الطيّب وحنّا بليا بني عمنا ولا شيء

والكل منّا يكمّل الثاني والله يجمعنا ولايفرقنا ..



البدارين تيجان روس ومحازم
والدواسر جبالها المعلاه

الله يحفظكم من كل شر ويجمعنا معاكم على الطاعه والدين
كفوء يا بنى عمنا



الساعة الآن 02:36 AM

Powered by vBulletin® Copyright ©2000 - 2024, Jelsoft Enterprises Ltd.
---