::: مـنتدى قبيلـة الـدواسـر الـرسمي ::: - عذرا لطول الغياب ,,,,,, وقصيده مهداة الي ابن العم بمناسبة زواجه

- :: قسم قصائد الشعراء الموهوبين :: (http://alduwaser.org/vb/forumdisplay.php?f=40)

عذرا لطول الغياب ,,,,,, وقصيده مهداة الي ابن العم بمناسبة زواجه

السلام عليكم ورحمة الله وبركاته
اخواني واخواتي صبّحكم الله بالخير جميعا وتقبل الله منّا ومنكم صالح الاعمال
وسلام وتحيه خاصّه لكل من سئل عنّا
ابيات متواضعه اضعها هنا بمناسبة زواج ابن العم واسئل الله تعالى ان يبارك له في زواجه وان يرزقهم بالذريه الصالحه,,,,,,اللهم آمين

واقول فيها (ولا يهون ابناء العمومه )

يالله ... يالله تبارك عريسنا المقدام=تجعل السعد فـي خطوتـه دليلـه
الفين الفين مبروك يا نسل الشهـام=والفين مبروك للّـي إنتـه حليلـه
دام الفرح والعـز والهنـا بكـم دام=دام فرح ال شملان اعـوام طويلـه
تحيّه لابونـا عبدالعزيـز وسـلام=سلام من عمّر داره سلوم وفضيلـه
ياهل الذود حقبـان وروس الانـام=وقت لمّتهم فزعـه مالهـا مثيلـه
يا مرحبا من شرّف العرس واعـلام=واللّي نصا هاليـوم فهـد القبيلـه
اقبل علينا ليـل الفـرح والسـلام=ينثر عبيـره كـل يـوم(ن) وليلـه
يا جعل فرحك يدوم عام(ن)ورا عام=وياجعل شمعه ما ينطفـا يضويلـه
يامزهي الثوب ولباس البشت وسام=يغار الحلا من الثوب لا صرت عديله
العبوا يا معازيـم وشـدّوا الحـزام=عرضه وقلطه والقصيد ذالليل نشيله
المملكه والفور سيزنز ما ذاقت نيام=يوم اجتمع الحفـل جمـع الخميلـه
اسمحوا لي بخرج عن المدح والكلام=واقول كلمتين في المقيـول قليلـه
الله يرحمك يا سلطان الخير والايتام=ويسقي ثراك عالي سحاب وهميلـه
الناس تدعي لك كل صـلاة وقيـام=والله يرزقك الفردوس احلى نزيلـه
يافهد يـا واصـل البـر والارحـام=تستاهل الطيب ومالك غيره بديلـه
لك منّـي تحيـه ورد عطرهـا دام=ياعّل عطرها فوحه يسـوق عليلـه
وان كان ما جيتك ترى حالي ما يلام=عقب نزلات البـرد حالـي هزيلـه
يا قايد الفرح وانت للفـرح زمـام=ياجعل افراحك دايـم مالهـا مثيلـه
والصلاة على النبي هي مسك الختام=واحلى ختام تسبيح اللّـه وتهليلـه

وسلامتكم
اخوكم
ابونور