يطير ياللي ما يوني رفيفه = احمل سلامي يوم بالجو حايم
وصل سلامي للوجيه النظيفة = وصل سلام عد وبل الغمايم
لبو فهد سلمان هاك اتعريفه = راع المكارم والوفا والغنايم
والعدل والناموس يبقى وليفه = وان كبرت القاله يشد العزايم
حر شلع فوق الجبال المنيفة = مايعوقه المشراف والا السمايم
هيبة وعز ومجد دايم حليفة = له طلة تمحى جميع الظلايم
هاز الصعايب والامور الكليفة = وجاته مطيعه من عصور قدايم
خمسين عام ونجد يفخر بطيفة = ويمرها طيفه بوسط النسايم
اسمه باسم نجد المسمى رديفه = كل الوطن في حب سلمان هايم
يانجد شيخك مايحصل وصيفه = لاجا نهار فيه حذف العمايم
تبقين يانجد العذية شريفة = ما دنسوك اهل البغي والجرايم
اهل العقول الناقصات السخيفة = ماتهز نجد وشيخها حي قايم
عز لداره نجد درعه وسيفة = قسمه لداره من خيار القسايم
العود طيب والخليفة خليفة = عبدالعزيز اللي يفك الخصايم
عسى كتابه باليمين النظيفة = في جنة الفردوس نازل وقايم

المشاركة الأصلية كتبت بواسطة محمد بن حمد الشكرة (المشاركة 612096) اررررحب ياابو شالح صح الله لسانك مدد بليا عدد على قصيدتك الجزلة ماشاء الله عليك شاعرن تغرف من محيط ومجاراة تستحق القراءة والحمد لله على سلامة سيدي حاكم نجد/سلمان بن عبد العزيز واسأل الله ان يطول عمره ويخليه ذخر للاسلام والمسلمين ولاعدمناك ياذيبان ولاتحرمنا من جديدك تقديري,,,,

يانجد شيخك مايحصل وصيفه////////لاجا نهار فيه حذف العمايم

انشهد انك صادق في ماقلت صح لسانك وبيض الله وجهك

المشاركة الأصلية كتبت بواسطة ابو زيد الغييثي (المشاركة 612099) الحمد الله على نجاح عملية أمير نجد و صح السانك ملاييين يا ابو شالح

المشاركة الأصلية كتبت بواسطة أبونواف الدوسري (المشاركة 612114) الحمد لله على سلامته ومايشوف شر بإذن الله.. وصح السانك أخي شافي النتيفات.. تقبل الله طاعتكم...

المشاركة الأصلية كتبت بواسطة مبارك بن الجوير (المشاركة 612131) والعدل والناموس يبقى وليفه وان كبرت القاله يشد العزايـم حر شلع فوق الجبال المنيفـة مايعوقه المشراف والا السمايم صح الله لسااااااانك يابوشالح من هنا لساااااااابع سمااااء شاعر وبقلب مخلص ولاء" ووفاء".. هذي عادات الرجال الطحاطيح صدق الولاء طيب الوفاء له فريضة يسلم راااااسك ياشافي وعسى عمرك طوييل ويسلم معه منطووووقك الجزل مفردة ومعنى.. سعدت بمروري وانا اخوووك تقبله عسى الله يسعد ايااااامك...