::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم قصايد مدح وفخـر في الــدواسـر :: (http://alduwaser.org/vb/forumdisplay.php?f=37)
-   -   قصيدة الشاعر /راشد بن زابن الدوسري (http://alduwaser.org/vb/showthread.php?t=75544)

رفيع النفس 18-05-2017 10:41 AM

قصيدة الشاعر /راشد بن زابن الدوسري
 
لك الحمديالي تعلم الغيب والاسرار
يلاهن ليا ضاقت علي مسجد لغيره
عزيز الجلال الي تحت حكمته لقدار
مفرج على المحتار لاصار في حيرة
سلامي على ربعي ال زامل سلامن حار
هل اسمن طلع في قمة المجد له سيرة
حداني تجمعهم على جزلة الاشعار
على العز والطالات غنت تباشيرة
سلامي على الي حفلهم يبهج الانظار
بقصر المعزه يوم ضاق بمسايره
اقمنا الحفل لربوعنا الي خذو بالثار
ثلاثين عام مستراحو مداويره
خوالي ال مشعي كل عزن لهم مضمار
وربعي ال زامل كل مجدن واصاطيره
بسم ال زامل حفلهم يبهج الخطار
جزيل المراجل طبقوه بحثافيره
به البن والترحيب والعود لازرق دار
تراحيب بستقبال تبهج خطاطيره
صواني عليها من الشحم نابي الفقار
وعليها ضهور الحيل من تحت قصديره
رجال ال زامل كل مجدن لهم به دار
لاجار الزمان وشان وجه بتكشيره
حزام الشجاعه كل ماثورت بغبار
نهار المصادم روس صملات وذخيره
يشهدبها البازوم يومن رصاصه ثار
حضر خمستن والقوم بعدادن كثير
غزتهم اجموعن تختبط قادها مجهار
يبي ياخذ البل وكسرو قومه وصيره
ياغازين صوب الدار حنا حمات الدار
ومنا القصير يشد يثني على الجيره
حنا ال زامل كل ماعسمت لشوار
هل العز والطالات من ديره لديره
ترانا هل الريات لاطال وقت الثار
هل الرايت البيضا على شره وخيره
حزام الرفيق لياغدى بين نار وغار
نعطيه جزل الراي بالشور ونشيره
لاشفنا الرفيق بصايب الراي كنه احتار
نصيب الهدف بالراي والي على طيره
منا ابن نبوى محمدن وافي الاشبار
عقيدن مغازيه على ضده كثيره
عقيدن خذا جزل المرجل ودمه حار
حضيضن عطاه الرب من حسن تدبيره
خذاالقيض للمسناد وسهيل للمحدار
تشتي على الحد المطرف معاشيره
ومنا عقيدالقوم ومعشي الخطار
وهو هادي ابن فهيد ماقصدي بغيره
جرين على الغارات كمن نهارن
وكسب الغنايم كل معضم مشاويره
ومنا شليغم حط روس العدى في النار
بعد مادرا ان اعداه عشوه ببعيره
اخترت الثلاثه مقصد القول بختصار
ورجال ال زامل كل منهم وله سيره
وزابن رعا الطالات يوم اخذت ابل الجار
حلال ابن هتيله رجعه طيب الجيره
حزام الخوي لاشان وجه الزمان وبار
بحد اليمن بوقت حربه واخاطيره
منا ابن هندي وصط حرب اليمن بااخطار
اسعف خويه مانسفها على غيره
هل العز والطالات لامن زمنا جار
نعز الخوي والجار يحضا بتقديره
وداعين هل مثلوتن قدر للخطار
وربع الثمان الي نتسموابها خيره
دواسر لنا وسم العصا ناسمه للجار
بوسم الثقه والجو تلوي معاصيره
زبنا ابن مطرف يشتكي وقته الغدار
وذبحنا الشريف الي كسرنا جماهيره
هاذي نشرت الاخبار يامتابع الاخبار
وختام القصيده جعل في اختامه خيره
صلو على رسولنا محمد المختا ر
على محمد الي سيرت الدين له سيره
راشد بن زابن الدوسري


الساعة الآن 11:40 AM

Powered by vBulletin® Copyright ©2000 - 2024, Jelsoft Enterprises Ltd.
---