.:. بســــم اللهـ الرحمن الرحيم .:.



هذا ما قاله الشاعر : علي بن سعيد العصيمي الهاجري


في المرحوم: فهد بن حنيف ال هندي الودعاني الدوسري ( رحمه الله )

لاهنت يالدوسري يا ذرب الأفعالي = يا مكرم الضيف يا ريف الخلاويه
يا كاسب الطيب لاخلوه الانذالي = ابو حنيف له الطولات مثنيه
مجلسه فيه الشحم مع سيحة البالي = ومزعفرات بها هيل وبريه
انت الفهد يا فهد يا مرخص المالي = سعد العواني وعز لدناويه
ومعرب الساس من عم ومن خالي = ابو حنيف صعيبات معانيه
من لابة بالملاقا تمنع التالي = لاجا نهار كثيرات عزاويه
دواسر تنطح العيال لاعالى = لاركبوا الخيل والشقراء العمانيه
لاشعيت الابل وفزعوا كل خيالي = دواسر بالملاقا تنطح الهيه
كم من عدو طوبه نايف الجالي = خلوه في المعركه يوم العكيليه
اتزبن المجرم اللي حده اللالي = عقب الوطا منزله في راس مبريه
لا صاح راعي الوفاء تاتيه الاشبالي = وسم العصاء عندهم لزبن ماريه
صلوا على المصطفى من عدد الامثالي = اعداد ما هل وبل من مناشيه