::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم أمـراء وفـرسان وأعـلام الـدواسـر:: (http://alduwaser.org/vb/forumdisplay.php?f=12)
-   -   بعض أعلام قبيلة الصخابرة (http://alduwaser.org/vb/showthread.php?t=4669)

ابونورة 11-09-2005 11:18 PM

بعض أعلام قبيلة الصخابرة
 
1) الشيخ والفارس سعود بن عواد وهو شيخ الصخابرة فى المغزى رحمة الله من ال سعود وجد ال عواد الموجودين الان
قال عنه الشاعر :


ابن عواد للسربه يهديها = يوم ذيك الحلول ولبس لكفاني
يودع الهجن حفيات سماريها = عقب دوف الشحم جاحيلها واني
كم عزيب خذاها من مفاليها = لين والله سهدها طير حورانى

2)
الشيخ سعدون بن محمد جد ال سعدون من ال عفيص وهو شيخ الصخابرة كافه فى ذلك الوقت وهو مقطع حق عند الدواسر وتوالت الامارة على أبناءة من بعده طينان ابن سعدون وشافى ابن سعدون

قال عنه الشاعر


دارنا رزنة محدن يدانيها = ماعليها دراويزن وجدراني
سورها الاد صخبور حواميها = بين حضر وبدوان وشواني
ابن سعدون للهرجه يقديها= شيخ قوم اطوع كل شيطاني

ابن ناصر جد المقابله فارس مشهور

الفارس عبيد بن فلاج من ال عفيص وهو من هل الست الى لحقو فى القصة المشهوره

الفارس راشد بن رشدان من المقابلة
والفارس ضويحي بن صويان من ال عفيص قال عنهم الشاعر
يوم لحق ضويحي هو وراشد=شبع ذيب الجو والى يحوم
كوس البارود والعج ثاير = عند خلفاتن عليها الوسوم
لابتى ماحسبو للخساير = يوم لحقو نطلو بالهدوم
لاد صخبور كما السم جاير =ضدهم تكثر عليه الهموم

الشاعر ناجي بن مرضي من ال صويان الصخابرة وهو من أشهر شعراء عرضات الصخابرة واخوه الشاعر محمد بن مرضي وهو جد ال مرضى رؤساء مركز البديع

بنا بن ناهض شهد له بالكرم وله صيت عند قبائل المنطقه دواسر وغير دواسر وشهدو له العجمان بالكرم عند مرورهم بديرته الساقي المسمى الان بساقى ال ناهض شرقى البديع خانتني الذاكره بحفض القصيده ولاكن أعتقد انها موجوده وركب العجمان معروف
فراج بن ناهض وسعود بن ناهض من ال ناهض الصخابرهوالد خريزان بن سعود كريم وصقار ودليله أعتمدت عليه بعثة ارامكو فى الربع الخالى وأمير الافلاج ابن زعير فى مهمات الدلاله فى الربع الخالى واعتمدت عليه البعثات الحكوميه فى توثيق بعض المعالم فى الربع الخالى ومنطقة شرقى الافلاج توفى عام 1419ه حسب مانقل لى


ودي بن جاهل جد ال جاهل فارس مشهور

ابن شاهر جد ال شاهر الصخابره عرف عنه الكرم والشجاعه ويلقب بالصعصاع
جد منصور بن دغش ال شاهر كريم وله مواقف مع البقوم والشلاوا عندما تحدرو شرقى الافلاج برعايهم عام 1399هـ تقريبا" حيث فتح لهم اشياب الما وشرع مجلسه ونخله لهم

حبيان جد ال حبيان من ال فراس فارس مشهور
ابن هران من ال مفرج الصخابره فارس مشهور
خانتنى الذاكره بأسمه وعلى مااعتقد انه محمد
راشد بن ضويحى ال فرثان من ال عفيص فارس مشهور
هجرس جد ال هجرس من الصخابره فارس مشهور ويلقب بهجرس ابا الخيل

الشاعر مسعود بن عنبر شاعر مشهور ومعروف




خانتنى الذاكره بذكر بعض الأسماء أرجو ممن لديه
ملاحظه حول ماطرح او اضافة بعض الأسماء بعرضها للنقاش او الاضافه ومن لديه تصحيح حول ماطرحته فأنا مجرد ناقل حاولت الاجتهاد بنقل الحقائق كما هي وهذه الحقائق لها تاريخ واستقيتها من بعض ابناء القبيله ومن بعض الثقات من خارج القبيله
تقطن قبيلة الصخابرة البديع وهى ديرتهم المعروفه ومنهم من استقر فى الخرج
لى اضافه على الموضوع ولاكن الوقت والذاكره لاتسعفنى

الشكري 11-09-2005 11:31 PM

والله ونعم بهم ما يحتاج الصخابره بعيدين المغزا

وال عواد اشهر من نار على علم

ومشهوره فروسيتهم


الاخ العزيز / ابو نوره

سلمت يمناك على ما نقلت من نبذه مختصره لـ اعلام وشيوخ وفرسان من قبيلتنا


و تفتخر بهم القبيله

بيض الله وجهك وبارك الله فيك

وعساك على القوه دايم الدوم


اخوك

ابو عبد الله الشكري




مترك المسعري 11-09-2005 11:42 PM

والله والنعم بالصخابرة ما فيهم شكه و افعالهم تبيض الوجهه





و لا هنت اخوي ابو نورة ..

الفارس 12-09-2005 01:27 AM

ونعم والله بالصخابره كلهم .

ولا هنت يابو نوره على الجهد الطيب والرائع

تحياتي لك :

اخوك:

............. . الفارس . ..............

سعد المقابله 12-09-2005 07:02 AM

السلام عليكم ورحمة الله وبركاته

ابونوره

يعطيك الف عافيه ولاهنت

على المعلومات الطيبه

وابن ناصر المقابله

هو محمد بن ناصر جد آل ناصر(المطاوعه)


يعطيك الف عافيه

العماني 12-09-2005 03:50 PM

بيض الله وجهك اخوي بونوره على هذه المشاركة الأكثر من رائعة عن فرسان واعلام قبيلة الصخابرة الغاليه علينا جميعا ، ونتمنى من باقي الأعضاء اللي عندهم معلومات عن قبائلهم ان يحذوا بحذوك.

تقبل تحياتي،،

دغش البطي 12-09-2005 04:15 PM

بيض الله وجهك اخوي أبونوره

على هذه المشاركة الأكثر من رائعة

واللتي تتكلم عن فرسان واعلام قبيلة الصخابرة الغاليه علينا جميعا

لاهنت وتقبل الود والتقدير

ابونورة 12-09-2005 05:04 PM

أخى الكريم ابو عبدالله الشكري
ماعليك زود وسرني مرورك ولمساتك
تقبل تحياتى

ابونورة 12-09-2005 05:07 PM

الأخوة الاعزاء خيال العبيه والفارس ولاتهونون وشكرا"على المرور والمشاركة
تقبلو تحياتى

ابونورة 12-09-2005 05:09 PM

أخى سعد المقابلة سرنى مرورك وسرنى اكثر توضيحك
تقبل تحياتى

ابونورة 12-09-2005 05:12 PM

هايف العماني
مساء الخير العفو اخى الكريم وشرفتنا بالمرور
تقبل تحياتى

ابونورة 12-09-2005 05:13 PM

أخى دغش البطي
دمت لنا أخ كريم وسرنى مرورك ومشاركتك

فهد الغريري 12-09-2005 07:22 PM

السلام عليكم ورحمة الله وبركاته

اخوي الفاضل ابونوره

بيض الله وجهك على هذي المشاركه القيمه جعلك تحيى

وتسلم اناملك التي خطته هذي النبذه والسيره العطره

اسأل الله رب العرش العظيم ان يبارك في ذريتهم

وننتظر من المزيد عسى عمرك طويل على طاعته,,

تقبل فائق تحياتي

اخوك / فهد الغريري,,

محمد ال بو زمام 12-09-2005 07:58 PM

السلام عليكم ورحمة الله وبركاته


ونعم والله بالصخابرة . لاهنت اخوي ( ابو نورة ) على السيرة الطيبه . . .


جعلك تسلم دوووم . . . اخوك ابو شجاع

عبدالله الصخيبري 13-09-2005 07:32 PM

ابو نوره لاهنت يالقرم على هذه المشاركه ويعطيك العافيه


الساعة الآن 09:09 PM

Powered by vBulletin® Copyright ©2000 - 2024, Jelsoft Enterprises Ltd.
---