مساجلات باللغاز
ياخو نوره تولم واحتمل لو طول المشوار = بننزل لنتخاب وكل رجلن ياخذ حسابه بعد معك استقاد السلم وانقادت لنا الأخبار = يقود القوم الابلج والكلام يقوده اسبابه أنا بنشدك عن رجل مع العالم وله مقدار = وقبل ماتستشيره ماتشوفه وانته أدرابه تشوف البيت والرجال داخل والعلوم اسرار = ولمنك بغيته تنحره واتجيه مع بابه وبيته ماله إلا باب والمدخل هو المظهار = اعجمن مايتكلم وصقه مايسمع الجابه يراجع له فتات ورجل ياخذ منهم الاشوار = ويلامنه جزم ينصف ويعطي الحق طلابه وصاحب له فتات من بني صخر رفيع الكار = أخذ عشرين يوم والثلاثه وفت حسابه عجايب كيف يابداح وقته داربه واندار = مع زرقاء اليمامه عقب ماهو يفتل اشنابه
ابن شهبان اشوفه قام يمشي سكة الأخطار = اضنه مادرا إن الضلع فيه افهود وذيابه علي شن الهجوم إبغفلة وسط النهار جهار = وانا مخطي و يلا شفت الخطاء ما والله ارضابه ترى ماهوب حق انك تولع نار ابن عمار = او ترى من شب نار القوم يمكن تحرق ثيابه مادام انك على ماقلت شاعر داهم الشعار = ونشوف إمتيح دوار الطلايب ويش يسوابه عسى ضلعك حديد صلب ولسانك كما الميشار = ويلا منك بغيت الرجم وقت الضيق ترقابه او ترى ماكل من قال القوافي شاعر بيطار = او ترى ماكل من رز الهدف في بندقه صابه او ترى ماكل من غاص البحور ايجيبله محار = ايجوز انه يجيه الحوت جايع ويتعشابه ادروب الغانمين ايمين عود لاتروح ايسار = ترى من جنب الدرب السليم انقطع اعصابه عقدت اللغز بالعقده وحليته ولاشن صار = تعسر منهجك لاشك انا والله ماهابه صحيح اللي يقول الاسم واحد والعقول اطوار = اوصحيح السيف ابو حدين الاصفر داخل جرابه لكن انا بنشدك عن رجل يحير طيب الافكار = لاهوب انسي ولاجني كفا الله شر مشهابه مشى بين السماء والخد من ديره يزور ديار = ويلا منه تعلا المدن له من طق ملسابه وله معروف مايجحد ولاكن خاينن بوار = عدو الجاهل إمن الناس والعارف من اصحابه
مشيت او بمشي ولانيب يالصاحب لها معتار = مع خط قديم مرمس مقدر تجنابه وحشر الذيب وحشر الفهد وصلاه جوف الغار = ايلين ايعض الابهم ويتغفر يطلب التابه مدام انك تسويها وتاخذ دايرة الانكار = اندينك بالأدله مايفيدك من تتقابه اتحوش لك اعلوم مالها داعي يابو بشار = وهي عندك قريبة ويش مقصودك من الجابه تقول اني عليك اهجم وانا مالي واركم ثار = ولالي من وراك حقوق ولالي عندك طلابه فنا دوبي عرفت انك تغبشها مع الاسحار = عرفنا ساكن السدر وعرفنا صحيب العابه لكن بعطيك حل اللغز وطوال العلوم اقصار = يكفي عن وجيه القوم وجه يقضي النابه ترى حله هو الكهرب لاوصلك ولع الانوار = عليك الدور والتمديد وصلك وحسب احسابه
|
رد: مساجلات باللغاز
صار حله الكهرب
وانا كنت باقول الفاكس زين انك قصرت المسافة علينا صح السنتكم ملايين |
رد: مساجلات باللغاز
اقتباس:
المشاركة الأصلية كتبت بواسطة بدو http://www.alduwaser.org/vb/al-dowas...s/viewpost.gif صار حله الكهرب وانا كنت باقول الفاكس زين انك قصرت المسافة علينا صح السنتكم ملايين صح بدنك ولاهنت على المرور |
رد: مساجلات باللغاز
صح السانك يابوخالد وصح السان الشاعر / بداح سعود الدوسري
تقبل مروري وتحياتي ,,, |
رد: مساجلات باللغاز
اقتباس:
المشاركة الأصلية كتبت بواسطة ابومبخوت الدوسري http://www.alduwaser.org/vb/al-dowas...s/viewpost.gif صح السانك يابوخالد وصح السان الشاعر / بداح سعود الدوسري تقبل مروري وتحياتي ,,, صح بدنك ولاهنت على المرور |
الساعة الآن 01:19 AM
|
Powered by vBulletin® Copyright ©2000 - 2024, Jelsoft Enterprises Ltd.
---