|
اريد الرد ياخواني .
بسم الله الرحمن الرحيم
السلام عليكم ورحمة الله وبركاته اخواني . وعيال عمي . وش حالكم جميع . اريد ان اسأل عن البدارين وش سالفتهم بالظبط . البعض منهم يقولون انهم حروب والبعض يقولون انهم دواسر وفي ناس منهم يقولون انهم قبيلة مستقله . اتمنى من اخواني معرفه وش سالفتهم بالظبط . المعروف ان البدارين انهم دواسر وامرهم السدارى . انا اسف ياخوان على الازعاج . اتمنى الرد السريع وتقبلوو تحياتي |
البدارين اصلهم معروف دواسر وزعيم الدواسر عامر بن بدران البدراني
واصلهم واضح وضوح الشمس ماعليه غبار |
اقتباس:
نعم دواسر اصل وفصل ولا فيهم شك |
السلام عليكم ورحمة الله وبركاته
لاهنت اخوي ( تركي الودعاني ) لكن البعض منهم يقول نحن حروب وفي بعضهم في الاوراق الرسميه له . يكتب البدارني الحربي . |
هم ويا الوداعين عيال عم وبعضهم راح ويا الحروب بس اساسهم دواسر |
الأخ البوزمام
البدارين من فخايذ الدواسر المعروفة من لاد سالم بن زايد وهذا شي معروف ومفروغ منه. اما بخصوص اختلاف الامر لديك بخصوص بدارين قبيلة حرب فهذا تشابه اسماء لا اكثر ولا اقل ، واسامي الفخوذ تتشابه بين القبايل ولا يدل ذاك على انهم نفس الاصل. تقبل تحياتي،، |
ياالزمامي مساك الله بالخير بالنسبه للبدارين فهم من عيال سالم بن زايد بن سالم بن زايد
وتفرقوا من الوادي بعد بعج الخطه التي سمي جد الوداعين بها مبيعيج لن عامر بن زياد حلف إن ماعاد يجلس في الوادي بعد أن بعج ولده ناصر اللي هو خاله الخطه أما من يكتب الحربي فلا علم لدي ويمكن إنه تشابه أسماء والله العالم |
محمد خذ النسب هذا يمكن يفيدك أنت وغيرك.
من بطون زايد البدارين ، وهو بدران بن سالم وهم أفخاذ وأشهرهم السدارى وهم أولاد أحمد بن محمد بن سليمان بن فوزان بن تركي بن عبد المحسن بن محمد بن خالد بن أحمد بن فارج بن ناصر بن عبدالله بن ملحم بن حسين بن عبدالوهاب بن عامر بن سويد بن سليمان بن محسن بن زيد بن عامر بن غالب بن محسن بن جواد بن صدير(سدير) بن شاكر بن هجال بن مشجع بن حمدان بن غايد بن بدر بن خميس بن عامر بن زياد بن بدران بن سالم بن زايد ( جد آل زايد) بن سالم بن زياد بن وداعة بن عمرو بن عامر بن حارثه بن امرىء القيس بن ثعلبه بن مأرب بن الأزد بن الغوث بن مالك بن نبت بن مالك بن زيد بن كهلان بن سبأ بن يشجب بن يعرب بن قحطان بن عابربن هود (عليه السلام) بن شالخ بن أرفشخد بن سام بن نوح (عليه السلام) بن لمك بن شلخ بن أخنون _إدريس_ (عليه السلام) بن اليارد بن مهلائيل بن قينان بن أنوش بن شيث بن آدم (علية السلام). |
هلا بك يا بو زمام.... الله لا يهينك ادخل على هالرابط وان شاء الله بتلقى اللي يسرك
http://www.aldawasser.com/vb/showthread.php?t=993 |
اخوي بالنسبة للبدارين الدواسر
معروف نسبهم ومعروفة اقسامهم وديارهم وهم عيال عمنا منا وفينا والي مايعرف بدارين الدواسر مايعرف السما فهم اشهر من نار على علم اما بالنسبة لبدارين حروب انا مثلك مستغرب وسمعت انهم نفسهم من بدارين الدواسر دخلوا مع حروب لا الحروب حتى فخذ المصارير عندهم!!!! هذا الي انا ابي اعرف وش سالفته؟؟؟؟ |
هلا والله اخوي محمد آل بوزمام
بالنسبه للبدارين الي مع الحروب فهم من بدارين الدواسر نزيعه مع حرب وكذلك العمور مع حرب وهم دواسر وهذا شي طبيعي ففي كل قبيله من قبائل الجزيره العربيه تجد ان هنالك افخاذ من قبائل عده انظمت الى هذه القبيله وتتفق هذه الأسباب في الجلوه من الدم احياناً يطلب منهم الرحيل واحياناً يفظلون الرحيل على التصادم مع ابنا العمومه ورحل من الدواسر الكثير والكثير وليسوا البدارين من البدارين آل سالم مع حرب والعمور اهل تمره مع حرب والحناتيش المساعره ربع بن محيا مع عتيبه وال بريك مع شمر ربع القعيط والغياثين ربع الحرير مع ال مره من الغييثات وال مقيبل مع السهول من الفرجان والهوامل الهوامله الفرجان مع مطير والمنديل العمور مع بني خالد والمنيعي المخاريم مع اكلب وآل حفيظ الشكره مع المناصير فحسب وانما غيرهم وغيرهم ولكن هنالك اشخاص تندثر اسماؤهم يذهبون وهو خائفون اما رجل واحد و طليبه ابن عمه يضطر الى تغيير اسمه والتخفي او ماشابه ذلك,, وكما مع القبائل معنا الكثير والكثير مع ال حسن لوحدهم اثناعشر رجل صاروا قبائل ولا ترك احداً بني عمومته لظعفهم انما هذه نزغات الشيطان ومن قال انا سيد الملا ظامه العنا,,ومن قال انا ضيم الرجال يظام وعيال العجز يعجّزون وهذا شئ طبيعي ولاهوب عيب,, والحمد لله على الأسلام صار الشعب سعودي كله وكلهم اخوان,, واعذروني على الأطاله مشكوووووووورين |
الساعة الآن 06:08 PM
 |
Powered by vBulletin® Copyright ©2000 - 2024, Jelsoft Enterprises Ltd.
---