::: مـنتدى قبيلـة الـدواسـر الـرسمي ::: - الدوليات : منقية الشيخ ماجد الغنام الهواشلة الدوسري

http://www.alduwaser.org/uploaded/517.gif

الحمد لله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين

إخواننا أعضاء وزوّار ومرتادي الموقع الرسمي لقبيلة الدواسر

http://www.alduwaser.org/meeting5/AlduwasserLogo.jpg

عرف عن قبيلة الدواسر انهم هل الأبل النادره منذ القدم واشتهروا بغتنا اشهر واجمل سلالات الابل واندرها على مستوى الجزيزة العربيه سواء في المجاهيم و المغاتير ..

http://www.alduwaser.org/up/pfiles/1...%281%29%3F.JPG
الشيخ ماجد الغنام الهواشلة

http://www.alduwaser.org/up/pfiles/1...F%20%3F%3F.JPG
الشيخ غنام بن ماجد الغنام الهواشلة

هاهوا احد ملاك اندر الابل الشيخ ماجد الغنام الهواشلة الدوسري يشارك هذي السنه في جائزة الملك عبدالعزيز لمزاين الإبل في أم رقيبة هذي السنه..

يقول الشاعر محمد بن عبدالله الشرمان( شنار يام) في (الدوليات) منقية الشيخ ماجد الغنام الهواشلة

اشتعل برق المدايح وجا للشعر باب=والملاحم والمفاخر لها شيخانها

تلتعج عوص الشوارد كما عوص الركاب=ندُر يعرف نباها قبل محيانها

طفح هجوس الفرايد مناطحة الضباب=تصتفق مثل المحيطات في جيلانها

حضّرت قُدمي على الوعد وافية النصاب=مزنتن يتلا رعدها خبط ودانها

والقوافي ماتبا الا مروية. الحداب=عقب اللي كلمته ماعرف ميزانها

من مدح هزل الفعايل. غدى مدحه سراب =ومن مدح خطلان الايدي كسب شجعانها

والدواسر فخر الامداح مطعمة الحراب =الزحول اللي تدوس الخطر فرسانها

الدواسر سقم كبد الضديد اليا استناب=تصفق بشلف تقص العظام اسنانها

وقعهم يشبع به الذيب الاسحم والعقاب=تسهج العدوان لاكشرت نيبانها

مفخرة الارض الدواسر مطوعة الصعاب=نيف جبال تذرا العرب ب اركانها

قدموا لمداحم. القوم. راس مايهاب=ساطي شلفاه تلطم شبا عدوانها

من هواشلة المواقف لما اشتد الخطاب=ب الدوليه سميّت من عصر جدانها

ماجد الغنام فرز الوغا سمح الجناب=شيخ عز كلمته ماالتوت ب ارسانها

داجر الجمهاه لااصتك ناب فوق ناب=((يرتكي للمعضله واشهد انه حصانها ))

محتزم باام الواليب صافية الخشاب =اصوك جل المراجل بيدها اعنانها

اقبل وضح تهيزع كما جل الهضاب=تلتعج كن مقبس النار في زيرانها

((ضافية الاسبال فيها من الزين العجاب))=والفقاره قوس من خلف عرض امتانها

والنحور الفج من فوقها علط الرقاب=قلعه الحاكم ليا فتحت بيبانها

كّن خبط اخفافها من على سمر التراب=طايرات الميق لاثورت نيرانها

قُدمها الدولي يشادي لناطحة السحاب=يرهج الميدان ويزووم في جيلانها

جابه اللي للمخاسير ماحسب حساب=ساق فيه. من الملايين غال اثمانها

من طحاطيح الدواسر هل الراي المجاب=يعجز التاريخ يحصى عظيم اكوانها

صدرت بيض الحقايق عقب تم الجواب=والمعاني وردت في نحى شيخانها

http://www.youtube.com/watch?v=ICXAH...ature=youtu.be

كلمات: فهد بن عبدالله الصخابرة ، اداء: خالد المري (العذب)

http://www.youtube.com/watch?v=8mAOsJfTXHo

كلمات : شنار يام , اداء : ( عبيد بن ذيب الرجباني (شبل الدواسر )

كل الاماني بالتوفيق لــــ الشيخ ماجد الغنام الهواشلة الدوسري وفاله الناموس في جائزة الملك عبدالعزيز لمزاين الإبل في أم رقيبة

(صوت قبيلة الدواسر)
الموقع الرسمي لقبيلة الدواسر
www.alduwaser.org