|
الشيخ الفارس شجاع بن منيف بن قويد
هو الفارس الشيخ شجاع بن منيف بن قويد قاد كثير من المغازي التي تكللت بالنصر وكسب من الأجناب نوادر الابل وكانت ابله وضح (عفر) اشتهر بها وهي من اطيب الابل كسبها في احد مغازيه وهي موجوده مع احفاده الى وقتناء الحاضر ومن أحفاده الشيخ شداد بن ضبيب بن شجاع بن قويد شيخ قبيله آل تميم القوده وريس مركز طويق عندماء راى الذويبي وضح الشيخ شجاع قال له قصيده وشبه محبوبته بها وهذا دليل على جمال وطيب ابل الشيخ شجاع يقول الذويبي في قصيدته التي اشهر من نار على علم
أحب نوره وأحب فهيد =من حب مركوز الانهادي يا عنق ريم تقود الصيد =لا قادت الصيد ينقادي يا شبه وضحاً مع إبن قويد =شيخ الدواسر هل الوادي وفيه ابيات اخرى مشابهه لها لا اعرف للأسف قائلها يقول
غديت كني رضيع الديد=من بينكم يالقحاطيني قلبي غدتبه عنود الصيد=امس الضحى راح قسميني ياشبه عفراء مع بن قويد=من بوش ناس قديميني [size="5"][font="comic sans ms"][center]ومن السوالف التي حصلت على الشيخ شجاع كانت ديارنا عليها وقت والشمال جايها ربيع ذهبو آل تميم ومعهم كثير من من اهل الابل ونزلوا في الخلطا من فوق الحريق وعندما علم بهم الشيخ شبيب بن حجنه قال هذه الابيات
من عين الوضحاء الشقاح=اللي جرسها له دنين ذبت طويق مشيها صوفاح=تمشي وتهجرع بالحنين ياليت من واجه كوكاح= انا وربع محتسين ]واعد قومه. الجيش وهو ثمانين من غير الخيل ومعه اربعه اعقدا وتجهو غازين يبون شجاع وجماعته ليرد مغاتيره اللتي ليست هذه المره الاولى لمحاولة ردها وعندما اتو بالقرب من احد العدود ذهب احد رجالهم لعل ان ياتي بالخبر اين مكان شجاع وجماعته فوجد اثنين وسالهم وقالوا نعم اهل المغاتير نزلوا في الخلطا واغارو عليهم في الصباح وكان الموجودين مايقارب الثلاثين ودارة المعركه وذبح صلال بن ربيعان ذبحه عجب بن فيحان بن قويد ونصرهم الله واقامو بأسر من اسروا واما شجاع فأخذ يطارد شبيب وكلاً يرمي الثاني ولم يصاب احد منهم وأخذو يترادون بأبيت يقول شجاع
غوجي يلافح بالسبيب=مثل القنا قوايمه ارجي عليه اطرح شبيب=دام الحرايب قايمه فرد شبيب
كروش تغذى بالحليب=على الطراد مهايمه حاذور من شلفا شبيب =تجيك مثل الحايمه فقال شبيب ياشجاع نجمك راكب نجمي لهلحين وانا على كروش واودعك العيال اللي على الرحول ام افريده ان لحقت عليهم فخلهم يجوني واوعدك ماعاد اجيك وبالفعل هذي آخر غزوه لشبيب ومن قصصه ايضا أشترى الشيخ والفارس شجاع بن منيف حصانا وقاموا ناس يهرجون فيه احد يذم الحصان واحد يمدحه فقال الشيح يحدو على حصانه
شريت غوج ماعلي اخلاف=واللي عذلنا مانطيع غوجي كما سبع الخلا نقاف=تلقاه من بري صنيع ارجيه يثني والرمك زلاف=لادبرن متغاوزات الريع يالله ياللي فوق الامه طاف=عسى هروجي ماتضيع وهذي قصيده من الشاعر ناصر بن ربيعان ال بوسباع الدوسري بعدما توفى شجاع رحمه الله وكان في نجد وشاف بعض الامثال الذي قدحصل فيها لشجاع صولات وجولات فقال هذه القصيده
بادين رجمن طويـل يعنـي مـن رقـاه=يهيض الي قدلـه اسنينـن مـن قبايلـه يوم شفت الحزم وادياره الي مـن وراه=ماوعيت الي ادموعـي هميلـن سايلـه جاني الطرقي يعدالهوايـل مـن خـلاه=مالقـى كـون الخلاوالوقـوت الهايلـه ويـن دارامتيهيـن العشايرفـي قــراه=يـوم نبتـه والتعاجيـب فـي مسايلـه يعجبك شوف الدبش والمقاطروالطـراه=ورنة اجماله وصاكت صهيـل اصايلـه يعجبك شوفت دبشهم اوخيله فـي قفـاه=وعـج خيلـه شـارك فـي سناسلايلـه وين اخومشعاء وعصره عسى الجنة مداه=يوم عصره صـدرات الصديراتخايلـه هم هل البل يام كلن يجي طـاري نبـاه=وهم هل القالات واهل العلـوم الطايلـه عفرابـن حجنـه خذهابفعلـه واخويـاه=وذي تواليهـا تبـدوا بـهـا عوايـلـه ريشة امطيرن خذوهاعلـي غـم العـداه=عقـب يـوم طايلـن كثيرتـن هوايلـه هم هل القالات واهل الفعايل في البـداه=ورشيتن تتلاسلف مـن مضـت فعايلـه قيضهم في وسط غرسن مواكلهم جنـاه=و لبـردوا يتلـون عربـن اذراهامايلـه فارسن خيالهم شاطرينـن فـي الرمـاه=فـوق قبـن ماغشاهاالفلـت متحايـلـه من امناهم طرحت اشيخ واخذ الي وراه=ياخذونـه يـوم كلـن علـى دلايـلـه مـات ميتهـم عسـى حيهـم ياخذبقـاه=وحيهم مايختلـف مـن اسلـوم اوايلـه ماخلق ربي على الارض من شي محاه=وتالـي الدنيـاء وماكـان فيهـا زايلـه خابرن لك واحد في الجهل يوكل عشـاه=وانتفخ ذالحيـن وابليـس اللـي شايلـه عقب ماشاخت الاررنب تبدلـت الحيـاه=والذيابه دينـت عقـب ماهـي صايلـه عقبهـا يالله بختمـان خيـر والنـجـاه=من لهووب النـار يامستجيـب لسايلـه |
رد: الشيخ الفارس شجاع بن منيف بن قويد
رحم الله الشيخ الفارس شجاع بن منيف بن قويد .
والنعم به وبربعه . ولا هنت يا طويل العمر على الموضوع الجميل . |
رد: الشيخ الفارس شجاع بن منيف بن قويد
بيض الله وجهك على طرح هذه النبذه
عن الفارس شجاع بن قويد |
رد: الشيخ الفارس شجاع بن منيف بن قويد
الاخ طويل الذراع بيض الله وجهك وطول الله عمرك على ذكر هذه القصص والقصائد وذكر بعضا من سيره الشيخ الفارس شجاع بن قويد لك جزيل الشكر |
رد: الشيخ الفارس شجاع بن منيف بن قويد
لاهنت ياطويل الذراع على طرح نبذه عن سيرة الفارس شجاع بن قويد
جزيل الشكر والتقدير |
رد: الشيخ الفارس شجاع بن منيف بن قويد
لاهنت ياطويل الذراع على سرد بطولات شجاع
ولاهي غريبه على ربعنا......... تحياتي لك |
رد: الشيخ الفارس شجاع بن منيف بن قويد
لاهنت ياطويل الذراع
على أيراد هذه النبذه عن الشيخ / شجاع بن منيف تحياتي وتقديري |
رد: الشيخ الفارس شجاع بن منيف بن قويد
السلام عليكم ورحمة الله وبركاته.... والله وسبعين نعم بالامير شجاع بن منيف بن قويد من غير قصور في الدواسر.. لاهنت اخوي(( طويل الذراع)) وبيض الله وجهك ...\ تقبل مروري وتحياتي.... سلمان بن فارس بن قويد |
رد: الشيخ الفارس شجاع بن منيف بن قويد
رحم الله الشيخ الفارس شجاع بن منيف بن قويد .
والنعم به وبربعه . ولا هنت يا طويل`الذراع على الموضوع الجميل . |
رد: الشيخ الفارس شجاع بن منيف بن قويد
اقتباس:
منقال مايهون مرحبابك يالبريكي وتشرفت بمرورك الكريم اخوك طويل الذراع |
رد: الشيخ الفارس شجاع بن منيف بن قويد
اقتباس:
مرحبابك يالنتيفي نورت متصفحي بمرورك اشكرك وجزاك الله خير |
رد: الشيخ الفارس شجاع بن منيف بن قويد
اقتباس:
هلابك اخ ابو زابن شرفتني وبهجتني بمرورك لك من الشكر اجزله |
رد: الشيخ الفارس شجاع بن منيف بن قويد
اقتباس:
هلا بك اخ خالد من قال مايهون طال عمرك على المرور ةالردود تشرفت بمرورك |
رد: الشيخ الفارس شجاع بن منيف بن قويد
اقتباس:
مرحبا بك يا ابو سلطااان هذه الردود اللي تبهج الخاطر نورت الموضوع لاهنت لاهنت |
رد: الشيخ الفارس شجاع بن منيف بن قويد
اقتباس:
من قال مايهووون حيالله ابو مطلق شكرا لك على مرورك وردودك |
رد: الشيخ الفارس شجاع بن منيف بن قويد
اقتباس:
مرحبابك يابن قويد يستاهل الشيخ شجاع الله يرحمه ماقيل فيه اذا عندك يابو فارس زياده للموضوع مانستغني لاهنت على مرورك وكلامك الطيب |
رد: الشيخ الفارس شجاع بن منيف بن قويد
كففففففو في ذمتي
ولا هنت يا طويل الذراع ولعلي اضيف هذه الاضافة اللي اسمعها من بعض الشيبان يقولون ان ابراهيم الاسلومي احد فريس يام وهو فارس مشهور شجاع وحظه طيب ولا يدخل في هيه الا كاسب المهم انه نوا بغزو على الدواسر ومعه من فريس يام اللي معه وقال روحوا وشوفوا ابل الدواسر ان كان معها ابل وضح فمنب غازيناها ذا السنة ويوم راحوا وعودوا قالوا اول البل وضح قال ها عودنا هذي ابل شجاع بن منيف مالنا نصيب من ابل الدواسر ذا السنة ولا هنت ياطويل الذراع على هذه السيرة الطيبة |
رد: الشيخ الفارس شجاع بن منيف بن قويد
رحم الله الشيخ الفارس شجاع بن منيف بن قويد
ولاهنت على نقل قصص الشيخ الفارس شجاع بن قويد لك جزيل الشكر |
رد: الشيخ الفارس شجاع بن منيف بن قويد
اقتباس:
من قال مايهون سلمك الله يابو شافي على المرور لك من الشكر اجزله |
رد: الشيخ الفارس شجاع بن منيف بن قويد
اقتباس:
ارحب يابن ذيب ولا عليكم زود وشكرا لك وبيض الله وجهك على هذه الزياده وبطولات الشيخ شجاع رحمه الله كثيره ولم نذكر الا القليل |
رد: الشيخ الفارس شجاع بن منيف بن قويد
مشكور اخوي طويل الذراع علي ماقمت به من ذكربعض نبذ عن الفارس الشيخ شجاع بن منيف بن قويد 0
هذا الفارس والشيخ شجاع بن منيف بن قويد مهمانتكلم فيه رحمه الله لانوصل له منتهى ولاكن نذكربعض مانقدرعليه ونفتخرفيه نحنويادواسر امام كل القبايل كان رحمه الله شجاع علي اسمه يتميزبذرابته خاض كثيرن من المعارك وقادكثيرن من الغزوات وشارك مع الملك عبدالعزيزفي غزوات كثيره وكان رحمه الله مايصدرون اهل الوادي بحلالهم حتى تصدرمغاتيره وإذصدرجنوب صدروجنوب وإذاصدرشمال صدروشمال وهذي قصيده من الشاعر<ناصربن ربيعان ال بوسباع الدوسري>بعدماتوفى شجاع رحمه الله وكان في نجدوشاف بعض الامثال الذي قدحصل فيها لشجاع صولات وجولات فقال هذه القصيده
بادين رجمن طويل يعني من رقاه =يهيض الي قدله اسنينن من قبايله يوم شفت الحزم وادياره الي من وراه=ماوعيت الي ادموعي هميلن سايله جاني الطرقي يعدالهوايل من خلاه = مالقى كون الخلاوالوقوت الهايله وين دارامتيهين العشايرفي قراه =يوم نبته والتعاجيب في مسايله يعجبك شوف الدبش والمقاطروالطراه =ورنة اجماله وصاكت صهيل اصايله يعجبك شوفت دبشهم اوخيله في قفاه = وعج خيله شارك في سناسلايله وين اخومشعاء وعصره عسى الجنة مداه =يوم عصره وصدرات الصديراتخايله هم هل البل يام كلن يجي طاري نباه = وهم هل القالات واهل العلوم الطايله عفرابن حجنه خذهابفعله واخوياه =وذي تواليها تبدوا بها عوايله ريشة امطيرن خذوهاعلي غم العداه =عقب يوم طايلن كثيرتن هوايله هم هل القالات واهل الفعايل في البداه =ورشيتن تتلاسلف من مضت فعايله قيضهم في وسط غرسن مواكلهم جناه =و لبردوا يتلون عربن اذراهامايله فارسن خيالهم شاطرينن في الرماه =فوق قبن ماغشاهاالفلت متحايله من امناهم طرحت اشيخ واخذ الي وراه = ياخذونه يوم كلن على دلايله مات ميتهم عسى حيهم ياخذبقاه =وحيهم مايختلف من اسلوم اوايله ماخلق ربي على الارض من شي محاه=وتالي الدنياء وماكان فيها زايله خابرن لك واحد في الجهل يوكل عشاه=وانتفخ ذالحين وابليس اللي شايله عقب ماشاخت الاررنب تبدلت الحياه =والذيابه دينت عقب ماهي صايله ربي انك تنصر الدين وتذل الطغاه=واحمد اللي عز الاسلام من فضايله عقبها يالله بختمان خير والنجاه=من لهووب النار يامستجيب لسايله هذي بعض ماقدرت اشارك به من قصص الشيخ شجاع رحمه رحمة واسعه وانتضروا المزيد |
رد: الشيخ الفارس شجاع بن منيف بن قويد
اقتباس:
لاهنت وبيض الله وجهك |
رد: الشيخ الفارس شجاع بن منيف بن قويد
اقتباس:
يامرحبابك وحياك الله بيض الله وجهك والله يطول بعمرك على المرور وعلى الزياده وصح الله السان الشاعر ناصر السباعي والسانك اشكرك جزيل الشكر واتمنى ان تتحفنى بما عندك عن الشيخ الفارس شجاع بن قويد |
رد: الشيخ الفارس شجاع بن منيف بن قويد
الله يبيض وجهك ياطويل الذراع على هذه المعلومات النادره عن هذا الفارس المشهور وعلى ما اعتقد انكم لو جلستوا سنين لتحصوا مواقف ومآثر البطوليه لن توفيه حقه .فبيض الله وجهك يالقرم.
|
رد: الشيخ الفارس شجاع بن منيف بن قويد
اقتباس:
يامحمد خميس اعده من اخواني=احمل سلامي لبو شيخه لياجيته فعله جبرنا نحبه ياكحيلاني=كريم سبلا لاجيت مشرع بيته هداج من يارده ماراح ضمياني=حاتم زمانه وبان بفعله وصيته والله ماوفيه من هرج على الساني=بعجز وانا اكتب من افعاله ولا اوفيته صح السان النتيفي وتستاهل يابو مطر لك جزيل الشكر على المرور بيض الله وجهكم |
رد: الشيخ الفارس شجاع بن منيف بن قويد
كفو يابن قويد
|
رد: الشيخ الفارس شجاع بن منيف بن قويد
يامحلاالممشامعاعثعثن ممطور
مع اول مغاتيرن لفتنامن الحجنه كسبهالناعودن ابوقته مضاله دور شجاع العور كم للعدى درهمت هجنه رحمك الله رحمة واسعه ايهاالبطل ولاهنت اخوي طويل اذراع |
رد: الشيخ الفارس شجاع بن منيف بن قويد
يستاهل المدح الامير الفارس المعروف شجاع بن منيف أخو مشعاء ,,,
وسمعت انه يخير قومه في رد الغزو وهو لحاله عند ابلهم وحلالهم,او انه ينطح القوم معهم واربعين عند الحلال,, فعلا اسم على مسمى وارجو البحث والتوثيق لسيرته رحمه الله واموات المؤمنين رحمة واسعه,,,,,,,,, |
رد: الشيخ الفارس شجاع بن منيف بن قويد
|
رد: الشيخ الفارس شجاع بن منيف بن قويد
ونعم بـ ال تميم ال قويد واميرهم شجاع الله يرحمه امير مشهور وربعه مشهورين بالشجاعه والمغازي وكسب الابل
وكان اغلب اهل الوادي مايصدرون بالابل الا لين يصدر بالابل شجاع بن منيف وجماعته |
رد: الشيخ الفارس شجاع بن منيف بن قويد
يستاهل الشيخ شجاع بن قويد ،،، وهكذا الأقلام تحفظ حقوق الأفذاذ وأشكرك ياطويل الذراع وبيض الله وجهك
|
رد: الشيخ الفارس شجاع بن منيف بن قويد
شكرن جزيرن طويل الذراع
وبيض ألله وجهك على ماطرحت من نبذالفارس أشيخ شجاع بن قويد وننتظرطلتك |
رد: الشيخ الفارس شجاع بن منيف بن قويد
الفارس عبدالله بن سعد السبيعي يمدح آل قويد الدواسر ويفخر بفعل ربعه السودة
-------------------------------------------------------------------------------- ياراكـــب من فــــــــــــوق كور المـــــعنى علايقة تشــــــــدي لبز التجـــــــــــاجـــير يسرح ويمـــــسي آل قـــــــــــــويد منـــا شيخــــان قطـــــعان تسج المخاضـــــــير وشجــــاع شـــــوق اللي كفوفه تحــــــنا خيـالهم لا عـــــــورجوا بالمـــــظاهــــير وينصا لنا متــــــــرك زبون ا لمـــجـــنى ومنصى لربعه في الليـــالي المعاســـــير قله ترى اللي قد شــــــــحنهم شــــحنـــا وإنا قضــــــــــــــــينا عبــرة بالزوافـــير يوم التــــــــــــــــقينا انا وسـربة يمنـــا نطل الزنــــــايج مثل طي علــــى بيـــر أشمالنا بأحــــــــــــــــبالهن يهــــملــنا وأيماننا ترمي بســـــــــو المــــقاديــر ياليت فيحــــــــــــان يخايل ضــــــــعنا يوم التقينا بين عــــــــــذال ومـــــشير ياطير ياللــــــــــي في يعــومه تثـــــنا دوك اللــــحم ترهيه ربعــن منـــــاعير ضاعت اعلوم ابن العــجي يوم بنـــــا وده يســــوي له جنـــاحين ويطــــير ويوم ابن لغــده لحــــــــــــــــجه تمنا ضيع جــماره يوم جنه مــــــــــناحير ومناحي على خيل اليــمن جـــاه جنا من عقـــب ماجنــــدل بداح المـــهيتير واكفت بزيد هــــارب عن طـــــــــعنا واكفت باخو نوره ذعار المشـــــاهير ولالا ابن غرفان شوي شطـــــــــــنا شفق على خيال جل المــــــــــعاشير والمدح لجـــــــــــملة ربوعي يثنــا رماحهم غب المـــــــــلاقا بواكــــير ال قويد شيوخ الدواسر شجاع ابن قويد ومترك ابن قويد فيحان ابن باحص مناحي ابن باحص زيد ابن شفلوت اخو نوره معيض ابن عبود ابن غرفان الرجبان الدواسر بداح المهيتير فارس مشهور من قحطان ابن لغده فارس وشاعر من فرسان قحطان ابن العجي شاعر وفارس من قحطان الشاعر والفارس عبدالله ابن سعد الملقب بخاتم الشارات قبل 200 عام تقريبا الرواة حدجان بن دحيم وفضل ابن بطي ومحمد ومسفر ابن قشموط وذياب ابن دحيم |
رد: الشيخ الفارس شجاع بن منيف بن قويد
ومن بعض سيرته رحمه الله
وبعدمرالسنين وتجاورأشيخ شبيب وأشيخ شجاع فعزم شبيب شجاع وقامت بنته تطل على شجاع فنقطع الرواق وقال أبوهاهبي هل عشقتي احدمنهم فقالت لوالله بس أبي أشوف ذلي أخذأبلك وهذاكبره وكان رحمه لله قصيرالقامه فقال أوه ابك والله يهذاك اليوم أنه أكبرعلي من جبل أطويق ومن بعض قصصه رحمه الله كان فيه رجال من قبيلة قحطان يقال لهم الجاطا حصل بينهم وبين قبيلة قتل وزبنوعلى أشيخ شجاع بااهلهم وحلالهم وأرسل الملك عبالعزيزخوياه الى شجاع وقال لهم خلوه يسلم حلالهم فقال شجاع بلغوه هذولى نساء وأطفال وحلالهم ياالله ينقذهم فرجعووبلغوعبدالعزيز فقال أخونوره يامزبنت المجرم والله ان أجيك من حيث ماتعلم وأيام قليله قام خدام في ألاماره الوادي بذبح شارع بن وسام فلماصاح الصايح قالووش فيه قالوألخوياأذبحوشارع فقال أخومشعاءفركب على حصانه ولحق بهم وذبح ألاول والثاني طق على رجليه ولحقه مع أشاويه وقتله وغضب عليعه الملك عبدالعزيزوقام يحاول مسك شجاع الى انه لم يقدرفقال لشيوخ القبايل أجتماع فيه غزو وحضروالقبايل ولم دخل أشيخ شجاع قال البواب حطوسلاحكم فلماحطوه ودخلوقال الحارس ارنب تبي العريش والعريش من غاربهافعرف شجاع ولاكن قده داخل وأمسكوه وقال عبدالعزيزخلوالقبايل يروحون الى شجاع وأخوه سعدربطوهم وشلوهم وأتجهوبهم لسجن القويعيه وقام عبدالعزيز يلحق شجاع وهومربوط فوق الذلول ويعتزي أخونوره والله لومامسكتك ياعويرأن أعوي في قبري وكررهاوعندأخرمره قال شجال أنت ماجيتني على ظهرالخيل جيتني بخدعه وبعد تركه حتى وصلووقام بسجنه وعندأحداليالي قامويشدون الهجن في الفجرعازم على نقله لرياض وقتله وقام بعض الى أرجال الذي يعرفون شجاع وبلغوه قالوأهرب فقام برمي عمامته ورالسوروطلع فوق السوروسحب أخوه سعد وهربوعلى أرجولهم حتى وصلوالى بن معيدهديان من قحطان وقاموبكرامتهم وأعطايهم ذلول وذهب شجاع لجماعته وأخذيتوعدعبدالعزيزفاأرسل أحدوجهاه وهوبن حشر وقال خلوه يجي وله وجهي فذهب له وأكرمه وصارصحبه حتى توفورحمهم الله جميعا ومن قصصه غزا عقيد من يام واسمه حمود الاسلوم على الدواسر وكان حلال الدواسر جنوب الوادي في الحماركان وقت صيف ولما وصلوالحمارقال لسبره شوف الى يوالينا من البل فلماشافوورجعوعليه قالو ابشربلبل والى يواليناأبل مغاتيرفقال تعرفوني أناذليل قالوتكرم قال هذي مغاتيرشجاع الأعوروالله مانجيهاونروح سالمين وأناودي نرجع ماحصلناشي ولايذبح منكم أحد ولاوقت في بيرن هيال مهوب عيبن لنقلاب فقالوتم وسند لسبيع وأخذحلالهم ماحصل عنده احد هذاماقدرة عليه لهذى الفارس الذي يفخربه كل دوسري أصيل عندألاجناب شمال المملكه وجنوبها هذا ولكم تحياتي |
الساعة الآن 10:06 AM
 |
Powered by vBulletin® Copyright ©2000 - 2024, Jelsoft Enterprises Ltd.
---