قصة الدوسري مع السبيعي
إليكُم هذهِ القصّة ولها قصيدة .. وقد جرت على شخص من الشوايق مِن قبيلة الدواسَر الكريمه : المذكور كان نازل مع قبيلة سْـبيع الكريمه ، ووجَد منهم كل الإكرام والتقدير وهذه عادات القبائل ومناسبة القصيدة أنه في يوم من الأيام كانوا جيرانه السبعان عازمين على حفر بئر ماء عندهم ، ولمّا عرَف الدوسري - وكان ينوي أن يزور جماعته في ديارهم - .. عزم على أن يعمل لجيرانه السبعان وليمة قبل مايسافر .. فأخذ له (( حْـوار )) من إبله علشان يذبحه لجيرانه السبعان ويعزمهم عليه قبل أن يودعهم .. وعند المساء أخذت الناقة أم الحوار تحن لفقدان حْوارْها .. وعندما سمع الدوسري حنينها .. تهيض بهذه الأبيات وهو يخاطب الناقة بأن عليها الصبر مثل ما صبر جاره (( مثيب )) حيث أن جاره مثيب له قصة .. وهو أنه تزوج فتاة وأخذت عنده مدة .. ولاحظ أنها تنفر منه حيث أنها طامح لغيره .. وما كان من مثيب إلا أن طلقها .. وتزوجت بمن تريده .. وهذه من شيم العرب .. يقول الدوسري في قصيدته :
يا فاطري يااللـي تجـر الحنينـي =قامت تجر الصـوت تبغـي نماهـا خلـي ولدهـا طايـح ٍ للقطيـنـي =وبتجعلـه حفـارة المـاء غداهـا تصبر بصبر( مثيب ) مروي السنيني =والنفس تصبر مـرة مـن هواهـا وترددت قصيدة الدوسري على ألسنة الناس وسمعها جاره (( مثيب )) الذي ورد ذكره في القصيدة .. فأجابه (( مثيب )) بهذه الأبيات وهو يوضح للدوسري بأن اللي مايبيني أنا بعَد ما أبيه .. فقال (( مثيب )) جوابا على قصيدة الدوسري وعلى نفس القافية :
يا راكـب حمـرا تصـك القرينـي =ما ذيّرَت صيد الخـلا مـن رغاهـا وســلامتكُـم تسرح صلاة الصبح من خشم( تيني ) =والقايلة مـن مـاء كثيـرٍ سقاهـا تجعـل جبـال( جريـدل ) باليمينـي =وتخلي( أم جنيب ) بأيسَـر خْطاهـا حـزّة صـلاة الصبـح والمذنينـي =واللـي بـدا فالبـرح وكّـد غياهـا تنصـا الشوايـق لابــه بينيـنـي =ربـعٍ تسـرع للنشـامـا قـراهـا قصيـري اللـي بالحكـا مقتفينـي =والناس من قبلـي تطامـح نساهـا خذيتهـا يـوم أنهـا اللـي تبينـي =وخلّيتهـا يـوم أن غيـري بغاهـا خليتـهـا للـقـرم ذرب اليميـنـي =عطيِّـةٍ مـا حـن بنبغـي جزاهـا |
رد: قصة الدوسري مع السبيعي
مشكور اخوي فيصل على القصة و الأبيات .........لاهنت و نقل طيب من الناس الطيبين الدواسر والسبعان الله يعزهم ان شاء الله ......
|
رد: قصة الدوسري مع السبيعي
فيصل بن جزاء
لاهنت وبيض الله وجهك على هذي القصة والقصيدة والنعم في الدواسر والسبعان دون اقصور في باقي القبايل تقبل فائق احترامي ابوجمال الغييثي |
رد: قصة الدوسري مع السبيعي
اخوي بوجمال لاهنت على نقل هذه القصة الجميلة بين الشايقي وصديقه السبيعي
تقبل تحياتي،، |
رد: قصة الدوسري مع السبيعي
اقتباس:
لاهنتي على المرور تقبلي خالص التقدير |
رد: قصة الدوسري مع السبيعي
اقتباس:
بو جمال الغييثي لاهنت على المرور طال عمرك تقبل تقديري واحترامي |
رد: قصة الدوسري مع السبيعي
اقتباس:
لاهنت على المرور يالغالي وانا وابو جمال الحلال واحد تقبل تقديري واحترامي |
رد: قصة الدوسري مع السبيعي
صحت السنت الشعار
ومن هذه القصائد يتبين لنا كرم اخلاقهم وطيبهم لاهنت يافيصل وبيض الله وجهك اخووووك ابو زابن |
رد: قصة الدوسري مع السبيعي
الاخ ابو زابن المسعري
لاهنت على المرور طال عمرك تقبل تقديري واحترامي |
رد: قصة الدوسري مع السبيعي
لاهنت وبيض الله وجهك على هذه القصة الجميلة وقصائدها لا تبطي بجديدك يالغالي،، مع خالص التحية و الاحترام ،،، |
رد: قصة الدوسري مع السبيعي
الاخ صالح الجعيدي
لاهنت على المرور طال عمرك تقبل تقديري واحترامي |
رد: قصة الدوسري مع السبيعي
الغالي: فيصل بن جزاء
أشكرك على إيراد هذه القصة والأبيات الجميلة , وأشكرك أيضا على هذا السرد الجميل للقصص في هذا المنتدى ، ونفخر بوجودك بيننا يابن العم ننتظر منك ومن الطيبين شرواك المزيد السوالف الطيبة ولك مني المودة والتقدير ،،، |
رد: قصة الدوسري مع السبيعي
ارررحــب
يا أبو جزاء ولاهنت يالسنافي على نقل هذه السالفة الجميله وبيض الله وجه الدوسري والسبيعي كلن على فعله ولا تحرمنا من جديدك الجزل تحياتي لك |
رد: قصة الدوسري مع السبيعي
راشد المسعري
لاهنت على المرور ياالغالي وانشاء الله عند ظنك فيني ياالقرم تقبل تقديري واحترامي |
رد: قصة الدوسري مع السبيعي
عبدالرحمن الشرافي
لاهنت على المرور طال عمرك تقبل تقديري واحترامي |
الساعة الآن 03:32 PM
|
Powered by vBulletin® Copyright ©2000 - 2024, Jelsoft Enterprises Ltd.
---