|
من مغازي بن رفعه الهواشله
في وقت مضى كانت المغازي للباديه هي وسيلة العيش الوحيده ويومٍ لك ويومٍ عليك غزى( عرفج بن رفعه الهواشله) معه جماعةٍ من الوبارين من الفرجان ومعهم (الحسني) وهو قحطاني خواله الهوامله وعايش مع الهوامله ولقب( بالحسني ) ومعهم( محمد بن ناصر المقابله )و(فهد بن سعيد المقابله). المهم انهم جميع اصغر من( القوم) واكبر من (الحنشل).. و غزوا آل مره ويوم شرفوا على( آل عازب) لا والله ان الرجال والخيل مجتمعه مستعدينٍ للمغزى و(الابل) وراهم. قال (بن رفعه الهواشله) : ياجماعه الرجال ذولا مافيهم طماعه جنبوهم بيرزقنا الله. المهم جنبوهم لاوالله ان ذيك الخلفتين رادهن ذاك الرجال على ذلول ومعهن حقه عارضوه محمد بن ناصر المقابلة والحسني وخذوهن الحسني خذا الذلول ومحمد خذا الباقيات. و(آل عازب) يشوفونهم وركبت الخيل ولحقتهم يبون هجنهم وسلاحهم وجا بينهم رمي حتى لحق الشيخ بطحان بن الكربي امير آل عازب في وقته. فحوّل( بن رفعه الهواشله) وضرب (بطحان الكربي) لهو ذابحه وبعدها من لحقهم وقف عند (بطحان) المهم الرجاجيل راحو وقصد ناصر بن رمثه الهواشله الدوسري يقول
ربعي هل الجيش لامن ثار دخاني=عند التوالي لزومن مانغايبها وان ثار قبس البلا ماهم بذلاني=كم جادلاً فرقوها من حبايبها انشد هل الخيل وين الشيخ (بطحاني)!!؟=يوم اقبلت سابقه ماهوب قاضبها عاقوه ربعٍ تعزوى (ببن وبراني)=كسابة المدح حاضرها وغايبها حريبنا ماينام اليل سهراني=كم نفس شيخٍ وفت وانا سبايبها حريبنا لاحربنا صابه جناني=لطامة الشره ماندرى عواقبها |
ونعم بصبيان الفرجان وآل حسن جميع بدون قصور في ابناء قبيلة آل مره الشجعان
والله يرحمهم جميع ويتجاوز عنهم اخوي الكبير مسعود المقابلة لاهنت على السرد التاريخي الرائع وبيض الله وجهك على مايسطره قلمك وماتقدمه من تاريخ مشرّف. تقبل تحياتي،، |
مسعود المقيبلي لاهنت يالقرم على هذه السالفه الطيبه واللتي كنت أبحث عن اللذي قتل بطحان الكربي علومك كلها غانمه والله يرحم الفارس عرفج بن رفعه الهواشله وربعه اللي غزو معه عاطر التحايا |
كفوووووووووووووووووو في بني عمنا يفعلون اكثر وفخر لجميع الدواسر وابوسعد بيض الله وجهك وسجل اعجابي فيك يالسنافي وكثر من ذا العلوم اللي تسر
|
بسم الله الرحمن الرحيم اخوي الغالي ابوسعد "مسعود المقيبلي" بيض الله وجهك على ماسطرت يمينك جعل ميجيها العطب. كفيت وفيت جعل عمرك طويل على طاعته مواضيعك جزله واسلوبك شيق واختيارك قيم. والله وكفو بالفرجان وال حسن جعلهم المعزه تقبل تحياتي وتقديري اخوك / فــــهـــــد الـــغـــريـــــري,, |
هايف العماني
ماعليك زود ولاهنت على المرور الطيب الذي تعودنا عليه من طيبك |
دغش البطي
لاهنت على كل حال ونحن هنا مكملين لبعضنا اسعدني مرورك |
تركي الودعاني
ماعليك زود ولاهنت اسعدني مرورك |
فهد الغريري
لاهنت ولاعليك زود ولك جزيل الشكر على المرور |
ربعي هل الجيش لامن ثار دخاني=عند التوالي لزومن مانغايبها وان ثار قبس البلا ماهم بذلاني=كم جادلاً فرقوها من حبايبها انشد هل الخيل وين الشيخ (بطحاني)!!؟=يوم اقبلت سابقه ماهوب قاضبها عاقوه ربعٍ تعزوى (ببن وبراني)=كسابة المدح حاضرها وغايبها حريبنا ماينام اليل سهراني=كم نفس شيخٍ وفت وانا سبايبها حريبنا لاحربنا صابه جناني=لطامة الشره ماندرى عواقبها بيض الله وجهك يالمقيبلي واشهد ان علومك غانمه تحيات اخوك ابو زيد |
ابو سعد لاهنت وبيض الله وجهك على المجهود الذي تبذله في المنتدى ونعم بالربع الحاضر والغيب
اخوك:عبدالله |
الله لايهينك يا ابوسعد على السالفه
والقصيده وكفو والله والله يرحمهم كلهم لاهنت |
لاهنت يالقرم
تحياتي,, |
ابو زيد الغييثي
لاهنت على المرور الطيب ولك مني جزيل الشكر |
عبد الله الصخيبري
الله لايهينك على المرور الطيب ولك جزيل الشكر |
الساعة الآن 05:55 PM
 |
Powered by vBulletin® Copyright ©2000 - 2024, Jelsoft Enterprises Ltd.
---