::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم قصايد مدح وفخـر في الــدواسـر :: (http://alduwaser.org/vb/forumdisplay.php?f=37)
-   -   هذه قصيده قديمه قالها الشاعر / سعد بن محمد بن لقمان ال ضويان يمدح الدواسر (http://alduwaser.org/vb/showthread.php?t=63568)

ابو فهاد الدوسري 28-08-2012 10:59 AM

هذه قصيده قديمه قالها الشاعر / سعد بن محمد بن لقمان ال ضويان يمدح الدواسر
 
بسم الله الرحمن الرحيم

السلام عليكم ورحمة الله وبركاته

هذه قصيده قديمه قالها الشاعر / سعد بن محمد بن لقمان ال ضويان الوداعين يمدح الدواسر ..,,..



يالله ياوالي على كل والي = ياخير فوق المخاليق عالي
رب على عبده حليم وغفار
بيده البساط وسترها يخرج النون=بأمره يدبرها على الكاف والنون
ماهوب في تصريف الافكار محتار
سر ياقلم واكتب على ماطرالي= واكتب لنا ابيات المثال الجلالي
في دقها والجل شاطر ومختار
مختارها قلبي عليها يهيمي=مهوب في بدع المثايل غشيمي
يقزها قز النصارى بالاقطار
ومن عقب ذا ياراكب فوق منوتي= سيارة ومظلها قد غايتي
ركابها لاجاء على السيت جبار
امبارك شوق زاهي الرقومي= غمر اذا جات المحاظر زحومي
مهوب مطفوق من الحمل جظار
يمشي مع الظهران عصر مكيني=غمر على رد الرساله فطيني
الله يجيره من صواديف الاقدار
يلفي لنا في بقيق ربع نشاما=دواسر واختصهم بالسلاما
الكل منهم للمواحيل جزار
والى بغوك تريض لاجل العزيمه= قل ياجماعه ماعن الزاد شيمه
حق علي ماطوف لكان مرار
خله على فاله يرهن ظلاله=والا زمى رجم بعيد طواله
يشدي لحر في ادوايه الى طار
تلقى الرياض وتلتقي لي جماعه= متكسبين للسبب والطماعه
الله يرجعهم على الدار تجار
سلم عليهم يانديبي وثنه= لصغيرهم واللي كبيرن بسنه
سلام احلى من لبن جرد البكار
سلم على عمي وثن التحيه= وثنه لابن لقمان زبن الونيه
هيف السمين ويحتضي شبة النار
تلقى الى منك لفيته لبابه= في ظحكة الناجذ وسهل جنابه
ومن عقبها حيل شحمها تبعثار
ومن قبلها يرويك البن الاشقر= اشقر كما الياقوت لونه مزعفر
يبرى العمس من خوا الراس لاندار
قله سلام من سراير حبيبك= مصخيه لك قلب صفا من عضيدك
ويسألك ويش اللي جرا عقبنا صار
والى نويت مغادرتك الرياضي= فاضرب حسابك لاضربت البياضي
اتبع مطامن الارض والحق على النار
اذا تعديت نساح لقيتو= لاد بن راشد عيدكم لالفيتو
لاجاو سوق الكيف يغلون الاسعار
سلم عليهم عد وبل الرفيه= واعداد مالزم الحرم من مطيه
وعداد رمل الطعس واعداد الاحجار
واذا فهقت الفرق يبين لك ديره= ديرة بني زايد حمى كل جيره
ماحط دون نخيلهم ستر واحظار
تسابقوكم بالعزيمه شمامي=الكل منهم صادق يوم قامي
ربع على ساس مطاليق واخيار
ثم انص ابو ودعان هو وعياله= سلم عليه وخصه لحاله
رجل على صفق الدهر صبار
تبشر الى منك لفيته= للطارفه واللي عناله يعزي
يذبح ثلاث وافاطرين لكم كار
والى تبينتو على شرعة البال= ديرة وداعين عدمين ورجال
حامينها من كل حاسد ومكار
حامينها بمشوك محتزينه= لاغلي سوقه جاو به مشترينه
وسلاحهم من مصنعة شغل بيطار
تبشر الى جيتو سريع يفزون = في كل درب للمواجيب يوفون
في المرجله عجلين شبان واكبار
كل يقول اليوم عندي لزومي= يختار في الجلب السمين الردومي
المرجله مانالها كون خسار
سلم على لاد المبيعيج ناصر= الحظر واللي يتبعون العشاير
مصخية من قلب صخابه والاسرار
كم راح في طوفانهم من عقيره= وكم شيخ قوم في نهار المغيره
سمي على اسمه يوم حطوه في النار
وانحر هل السليل جمال المحامل= حريبهم يصبح بكبده غلايل
شروب من عادوه كاسات الامرار
سلم وعطهم يانديبي علومك= ربع بطيب افعالهم يعجبونك
في ذبحة الحايل وسجه ومسيار
قل ماعنينا كون نبغى رضاكم= اسباب ياربعي تفرق عصاكم
ماهوب عز ياجماعه ولا كار
ماينقل المصراع رجل وحيدي= ومايفهم المعنى يكون الرشيدي
ترا العمار تفوت وتتم الاذكار
فقد قال ابن شيبان قبلي مثايل= العز في جمعا قلوب الحمايل
وان فرقت صارت عناصر وكسار
وروح من الفرعه وسند لخيران= ربع الى جا الهوش ماهم بذلان
ياطيبهم لولا تفراق الاشوار
سلم عليهم كلهم يانديبي= سلام احلى من نشاش الحليبي
وعد الشجر وعد ماهل الامطار
ثم انص اهل تمره شبوب الحرايب= اهل الصخا اهل العلوم العجايب
شيبانهم وصغارهم حرز الامدار
سلم عليهم عد وبل المخيله= وعداد مازار الحرم من قبيله
وعداد من هلل وكبر والاطيار
ثم انحر الحقبان ماضين الافعال= اهل الصخا والباس في ايام الامحال
تلقى الشحم والبر والعود والكار
وانحر هل الوادي خزام المعادي= يردون سو الموت يوم الهدادي
بيعت الارواح من دون الامدار
سلم عليهم عد ماهل او سار= وعداد الانس وعد من سار من جان
وعداد ماهل السحايب بالامطار
خاتم كلامي بالصلاة وسلامي= على النبي سيد جميع الانامي
على النبي محمد سيد الابشار

راشد المسعري 28-08-2012 11:11 AM

رد: هذه قصيده قديمه قالها الشاعر / سعد بن محمد بن لقمان ال ضويان يمدح الدواسر
 
صح لسانك يابو فهاد وبيض الله وجهك على هذه القصيدة الجزلة وبيض الله وجه شاعرها

قصيدة مميزة لاهنت مرة اخرى ،،،

شافي بن راشد النتيفات 29-08-2012 12:43 AM

رد: هذه قصيده قديمه قالها الشاعر / سعد بن محمد بن لقمان ال ضويان يمدح الدواسر
 
صح الله لسانك ولسانه ولاهنت على النقل الرائع

££بنت المناعير££ 31-08-2012 09:39 AM

رد: هذه قصيده قديمه قالها الشاعر / سعد بن محمد بن لقمان ال ضويان يمدح الدواسر
 
صح لسان الشاعر
ولاهنت ع النقل الرائع

محمد راشد النتيفات 01-09-2012 10:38 AM

رد: هذه قصيده قديمه قالها الشاعر / سعد بن محمد بن لقمان ال ضويان يمدح الدواسر
 
صح الله لسانك ولسانه ولاهنت على النقل الرائع

ابو فهاد الدوسري 13-09-2012 05:23 PM

رد: هذه قصيده قديمه قالها الشاعر / سعد بن محمد بن لقمان ال ضويان يمدح الدواسر
 
الله لايهينكم وشاكرين على المرور

بخيت الغييثي 13-09-2012 07:40 PM

رد: هذه قصيده قديمه قالها الشاعر / سعد بن محمد بن لقمان ال ضويان يمدح الدواسر
 
صح الله لسانك ولسانه ولاهنت على النقل الرائع

ابو فهاد الدوسري 20-09-2012 04:13 PM

رد: هذه قصيده قديمه قالها الشاعر / سعد بن محمد بن لقمان ال ضويان يمدح الدواسر
 
لاهنت ياخوي بخيت

كنسل مواعيدك 20-09-2012 07:56 PM

رد: هذه قصيده قديمه قالها الشاعر / سعد بن محمد بن لقمان ال ضويان يمدح الدواسر
 
صح لسانك يابوفهاد ولسان شاعرها قصيده وووووافيه الله الله ياسلام اقسم بالله انه شاش راسي من ذي القصيده وقبيله الدواسر تستاهل كل ماقيل فيها من غير قصور في قبيله الدواسر


تقبل مروري/ كنسل مواعيدك

نآصر البدراني 20-09-2012 10:56 PM

رد: هذه قصيده قديمه قالها الشاعر / سعد بن محمد بن لقمان ال ضويان يمدح الدواسر
 
صح لسان الشاعر الكبير / ابن لقمان آل ضويان


بيض الله وجهك على نقل القصيدة اخوي ..


شمسان الودعاني 20-09-2012 11:57 PM

رد: هذه قصيده قديمه قالها الشاعر / سعد بن محمد بن لقمان ال ضويان يمدح الدواسر
 
تسلم يمينك يا ابو فهاد

وايضا هاذي قصيده حبيت اشارك فيها


للشاعر
ماجد بن عيسى بن خفران المسعري
في هذه القصيدة التي يوثق فيها سلوم قبيلته وينافح عنها
والتي يرد فيها على
مزاعم خلف بن هذال ان عتيبة هم وسامة عصى الجار
انقل لكم هنا قصيدة المسعري :

يقـول مـن يـارد بقـولـه وينـشـاف

قـدم الرجـال أهـل الوجيـه الفليـحـه

أبني على ساسـاً مـن الحيـد مرصـاف

وارفـع صروحـاً فالـعـلال المشيـحـه

واليا صرفت أرهـي علـى كـل صـرّاف

فكـري ورى سبـح الكواكـب سبيـحـه

طوفان جاشي لا اصطفق واعصف اعصاف

تهـتـز مـنـه الراسـيـات الرزيـحـه

عديت مـن شـرع المعرْفـة والانصـاف

رداً يخـط بـكـل بيـضـاء صفيـحـه

خـذ يا(خلـف هـذال) رداً علـى القـاف

الـلـي تمثلـتـه بنفـسـاً بجـيـحـه

وزنك طفح كيلـه علـى ميـل واجحـاف

وزليـت لـك زلـة لسـانـاً جويـحـه

نحسبـك كـان مـن العواريـف عـرّاف

ليـن إن منـك العلـم بايـن نضيـحـه

عليـك مشروهـاً كبـر عـوف وأكتـاف

عمد الخطايـا إمـن الصفـات القبيحـه

لو اختصرت بمـدح مجمـول الاوصـاف

وتفصيـل زيـن ام الخـدود المضيـحـه

مـا لحقتـك شرهـة ولا منطقـاً حـاف

ولا طحت فـي مـوج الخطايـا القديحـة

لكـن فـي مـدحـك لربـعـك تــزلاّف

علـى السلـوم الواضحـات الصحيـحـه

وش وصلّك حـد الطمـع والتزّهـاف ؟!

تنقش على ( وسم العصا ) لك نقيحـه !

( وسم العصا ) سلم لمن مجدهـم نـاف!

روس الجبـال الراسـيـات المصيـحـه

(سلم الدواسر) مـن قديمـات الأسـلاف

ولا يقـدر أحـدن غيـرنـا يستبيـحـه

لـو ياخلـف تنشـد تواريـخ الأعـراف

تشهـد بنطـق العـامّـي والفصيـحـه

بوسم العصا نفرق على سبـع الأطـواف

سلـمٍ بطيـب الـعـز ينـفـح نفيـحـه

بأعلـى المكـارم نتسـم سلـم واهـداف

والعـز يقـدح مـن سطـرنـا قديـحـه

(دواسراً) نسقـي العـداء سـم الأتـلاف

علـى العـداء منّـا هجـاد وصبيـحـه

إليـا تعلوينـا علـى كــل مـزغـاف

علـى النقـاء واجـه نطيحـن نطيحـه

فنحورنـا خـيـل المجـاويـخ تـنـلاّف

لا تنتـداوى مــن طعـنّـا الجريـحـه

(خطلان الأيدي) ممنـة كـل مـن خـاف

ابظلـنـا عـنـه المـعـادي نزيـحـه

كـم بيرقـن جانـا جموعـه لهـا أرداف

مـن فعلنـا راحـت اجموعـه طفيـحـه

سدنـا وزدنـا بالفخـر عـز واشــراف

راياتنـا فــي كــل علـيـا مليـحـه

خوينا والجـار فـي فـي ظـل واكنـاف

عز وفخـر مــا يشتـكـون الجنيـحـه

من سلمنـا مـا يـازا الأجـواد مـزلاف

قلـب العـدو مالـه عليـنـا فريـحـه

ولا مشيـنـا بالخـفـا والتـضـعّـاف

راع الخطـا مــا نرقـبـه يستميـحـه

نضـرب علـى العايـل وراع التعجـراف

رب النـيـازك بالشـهـاب المويـحـه

من مال عـال وشـال حملـن بالاكتـاف

مـن رزحتـه يكثـر رغـاه وفحيـحـه

ومـن لا يحسّـب للعواقـب والاكــلاف

صبـح وقـا روس النـيـاب الكليـحـه

والحـق لـه سيفـاً سطيـاً وقـصّـاف

صطـي علـى صـم العظـام المتيـحـه

هـذا الكـلام اللـي لـه العقـل يكتـاف

من طــول مــاروده يكـفّـي مليـحـه

علمـاً (يابـن هـذال) يسمـع وينشـاف

اذنــك تسمّعـلـه وعيـنـك شبيـحـه

ابو فهاد الدوسري 01-10-2012 08:35 PM

رد: هذه قصيده قديمه قالها الشاعر / سعد بن محمد بن لقمان ال ضويان يمدح الدواسر
 
الله لايهينكم جميع
وصح للسان الشاعر عيسى على الرد الزين

ابو فهاد الدوسري 14-03-2013 11:47 PM

رد: هذه قصيده قديمه قالها الشاعر / سعد بن محمد بن لقمان ال ضويان يمدح الدواسر
 
جعله في الفردوس الأعلى من الجنة

ابن غزه 05-04-2013 06:26 PM

رد: هذه قصيده قديمه قالها الشاعر / سعد بن محمد بن لقمان ال ضويان يمدح الدواسر
 
يسلم يدك عالكتابه بارك الله فيك
موضوع جميل

ابو فهاد الدوسري 15-10-2013 01:58 AM

رد: هذه قصيده قديمه قالها الشاعر / سعد بن محمد بن لقمان ال ضويان يمدح الدواسر
 
الله يسلم ويعافيك


الساعة الآن 02:26 PM

Powered by vBulletin® Copyright ©2000 - 2024, Jelsoft Enterprises Ltd.
---