::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم مناسبات وأخــبار الـدواسـر :: (http://alduwaser.org/vb/forumdisplay.php?f=14)
-   -   فزعة الدوسري لــ العازمي ( تقرير مصور) (http://alduwaser.org/vb/showthread.php?t=76359)

فهد الغريري 11-04-2018 01:51 PM

فزعة الدوسري لــ العازمي ( تقرير مصور)
 
http://www.alduwaser.org/Bsmllah.gif

الحمد الله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين

إخواننا أعضاء وزوّار وروّاد الموقع الرسمي لقبيلة الدواسر



http://www.alduwaser.org/up/pfiles/15752/5.png


دواســر فـعـايلنا مـثل صـادق الـهمال
لـنـا سـيـرتٍ بـالطيب مـاهيب مـغلوبه

لا مــنّـه زبـنـا خـايـفٍ مـايـجيه اهـمـال
لا جانا حذف همه على راس عرقوبه

لـ عبدالله بن سالم المسعري



وقعت هذي السالفه قبل يومين بين قرية النقيرة لقبيلة العوازم ومحافظة النعيرية حيث كان هناك شخص يطارد احد ابناء قبيلة العوازم يريد قتله واثناء المطارده زبن العازمي على صاحب ابل وهو فالح بن ظافر النوامين المساعره الدوسري وزبنه وصار عراك بين ظافر بن فالح وبين المطارد وبعدها تمكن منه وسلمه للشرطه .

وبعدها ترجل الشاعر لافي بن سلمان العازمي بقصيده يصف ماحدث ويثني على فالح بن ظافر المسعري وعلى قبيلة الدواسر
http://www.alduwaser.org/upload/uplo...3444903471.jpg


بـيّـض الله وجـه مـن يـحتزم دون الـدخيل
يـمٌن الـخايف وراعـي الـخطأ يـردع خطاه

مثل ابن ظافر وظافر عسى عمره طويل
وشـايبه فـالح عـسى الله يجيره ويحماه

يـوم جـاهم طـالب الـعون والموقف مهيل
واحـتداه الـمعتدي فـي سلاحه من وراه

اعــتــزى ظــافـر وكــبّـر وقـــال الله وكــيـل
وشـايـبه فـالـح يـقول انـطحه والـعن ثـواه

ســاق روحــه مـاحسب لـلكثير ولـلقليل
مـاحسب لـلموت يـوم اعـتزى باع الحياه

ربــطــوه بــقــوة الــعــزم غــاديـلـه عــويـل
والـهـدير الـلـي مـن اول تـبدل فـي رغـاه

سـاعـةً فـيها يـبين الـشجاع مـن الـذليل
يـزبـن الـرجـال والـبـيت مـايـسهج حـمـاه

الــولــد وابــــوه وافــيـن بـالـفـعل الـجـزيـل
بـالـمكارم والـمـواقف واهــل وجـهـاً وجـاه

من سلالة روس قومً تسوي المستحيل
بـالشجاعه والـسطر حقهم محدن خذاه

يـقـدمـون ( الاد زايـــد )و وقـفـتـهم دلـيـل
الــدواسـر فـعـلـهم سـولـفـو فـيـه الــرواه

مـحـتمين الـجـار والـبوش بـالحد الـصقيل
ومـتعبين الـخيل والـجيش وزحـول الرماه

نــرفـع الـبـيـضاء لــكـم يـامـزبـنة الـدخـيـل
رفـرفت فـي قـمة طـويق وجـبال الـسراه

الـقـصـيده قـالـهـا الـعـازمـي رد الـجـمـيل
والـقـصيد بـحـور والـشـعر مـايـلحق مـداه


____________





__________


(صوت قبيلة الدواسر)
موقع قبيلة الدواسر الرسمي
www.alduwaser.org/vb

دغش بن حمد بن منصور 11-04-2018 02:18 PM

رد: فزعة الدوسري لــ العازمي ( تقرير مصور)
 
بيض الله وجهه بياضٍ يجلى ،، علمن طيب وينومس الجميع

والله يبيض وجهك يابو راشد على وقفاتك المستمره مع القبيله🌹

عبدالله الحافر الغييثي 11-04-2018 10:00 PM

رد: فزعة الدوسري لــ العازمي ( تقرير مصور)
 
مايستغرب الفعل اللي يجمل ويبيض الوجه من الاد بن مسعر

راشد المسعري 15-04-2018 10:38 AM

رد: فزعة الدوسري لــ العازمي ( تقرير مصور)
 
بيّض الله وجه من وقّف وجدّد
سلمنا اللي من عصور الجاهلية

قد حمينا حاكم جانا مهدّد
ينتظره الموت في صبح وعشيه

راشد المسعري




نآصر البدراني 09-05-2018 11:20 AM

رد: فزعة الدوسري لــ العازمي ( تقرير مصور)
 


كففففو الله يبيض وجهه

صح الله السانك ياراشد ولاهنت يابو راشد ..


الساعة الآن 02:27 AM

Powered by vBulletin® Copyright ©2000 - 2024, Jelsoft Enterprises Ltd.
---