ماكتب تاريخهم سرد من وحي الخيال = طرزوه اللي تضيع هقاوي من هقا
منزل ال بريك فالمدح في روس العلال= وش بقى ياهامة الجود بالله وش بقا
يكفي إنكم يالمطانيخ متعبة العيال = ضلعنا اللي من لجابه على العليا رقا
بإسمكم ثنتين تنشاق مافيها جدال = جنة الصاحب ونار على الضد وشقا
وعند بن قاسي وريث الفخر وافي الخصال= عيدنا عيدين وافراح واحباب ولقا
جعلنا ممن توفق بماضية الليال = وجعلنا ممن تقافوا عن النار عتقا
وجعل فيصل يفرح بشوفة عيال العيال = ويرزقه ربي صلاح وتوافيق وتقا

العيد بهجه وعيدنا اليوم عيدين = وبحفلة ابو فيصل تزين القصايد
محمد ولد فيصل نسل العريبين = الدوسري راع الخصال الحمايد
عيال البريك اللي تضد المعادين= تاريخهم سجل بشتى الجرايد
حماية المظهور يوم اللقا الشين= يوم الطراد ويوم كسب الفوايد
يوم الخيول تجول وسط الميادين = عدوانهم راحوا مثل الطرايد
آل بريك اللي على الموت جسرين = عاداتهم يثنون يوم الشدايد
وأرجع لموضوعي وانا خاطري زين = جينا نشارك ياعسى العيد عايد
مشينا من الدوحة وللحفل ناوين = وحقن علينا نشارك اهل العوايد
و(ليلة حياتي) تحتفي بالرياحين = والعود الأزرق حط كوم ورجايد
ومزعفراتن في يدين الغلامين = من كيس ابو محمد وهذي عوايد
وكل الرياض اليوم غنت طرب زين = فرحانتن بالعرس ومعه المعايد
محمد ولد فيصل هذا أحمر العين = الله يتمم له بخير الفوايد
ومبروك ارددها واسجل عنواين = مبروك ننشرها بروس النوايد
مبروك ثم مبروك للمستمعين = ومبروك نذكرها بنص القصائد
ومبروك لأبوية طليق الحجاجين = فيصل ابو محمد ونعم السنايد
والنعم في حقه وعندي براهين = ذكره مع اهل الطيب شايع وزايد
وعياله على دربه بالفعل ماشين = الله يراعيهم من ظروف الصوايد
وحبيت اشارك واتبع الحق والدين= والبي الدعوة بزين القصايد

مرحبا ترحيب يضفي على الحفلة عموم=عد ماتذري الذواري وهمال المطر
من حضر في حفلنا مرحبا به ومعزوم = في قدومه نفرش الورد والزل الحمر
افتخر في حفل ربعي محطمت الرقوم = الدواسر عزوة العز رواد الفخر
خلد التاريخ سطوة قويين العزوم = مثلما خلد روايات تغلب مع بكر
روس قوم عانقت بالنسب سادات قوم = فايزين بالكرم والمراجل والظفر
يامدابيس الوغى يامطوعت الخصوم = باسكم عند الشدايد يلين له الصخر
اعتلا نجم فيصل على كل النجوم = قام حضه باقتران الثريا والبدر
خذت قسمك يالبريكي من خيار القسوم = بنت شيخ في المواقف يشد به الظهر
درة ماجابها من يغوص ومن يعوم = دونها سبع الضلمات وامواج البحر
وإلا تحد صف النشاما محققت الحلوم = كل منهم لابن عمه ليا احتاجه ذخر
جعلها جمعا على العز والطاعة تدوم= الفتاً بين الأكارم على طول العمر
شهرت الشاعر على لابته من غير لوم= تلحق الطيب ليا صار له علم وخبر
حسب عرف القبيلة والعوايد والسلوم= من حلم بالنصر من دون ربعه ماانتصر
شاعر يعتب على الشعر ويسد اللزوم = يفقد ليا غاب ويشاف لامنه حضر
صارم يخلف هقاوي مرفعة الخشوم = وحربتاً تروي شبا العود من دم النحر
في المواقف مايزلب مواجيب القروم = ودون ربعه ينثني ما يدور للعذر
وأحمد الله عند قومي مقدر ومحشوم = ومن يقدر موقف الطيب له عندي قدر
ما تغير لو تغير مواقيف الرخوم = كالبحر بالموج لا هاج له مد وجزر
والضماير تسقط الحق والواقع ضلوم = والبصاير تبصر الحق ويزيغ البصر
الزمن دوار والناس معطى ومحروم = والوسيلة صارت اشد من فعل القدر
الوسايل ترفع الطايح اللي مايقوم= لين تبني بيت حلمه على سطح القمر
مكرفون مكبر الصوت والتصوير زوم= والفلاش يوصل النور وألوان الصور
قايمة البوم الصور صورت مليون بوم = واحدة في الكرت والباقية في المختصر
ياقنوات الفضا ماتخلقين معدوم = لو تتمين النواقص إلى يوم الحشر
موقفك ماينجحد في دفاع وفي هجوم= خذتي الاضواء على اهل الصحافة والنشر
في زمن غمط الحقايق وتزوير الختوم = قطرت من غيثهم تيبس العود الخضر
الهدوم اجداد مير البلا تحت الهدوم = لو درابه طالب الخير يمديه انتحر
السلام اختام والناس معطى ومحروم = يازمان العولمة ويش باقي ماظهر

ساق رجلي يم حفلة مداغيش الرجال=الزحول اللي للامجاد والعز عشقا
ماكتب تاريخهم سرد من وحي الخيال = طرزوه اللي تضيع هقاوي من هقا
منزل ال بريك فالمدح في روس العلال= وش بقى ياهامة الجود بالله وش بقا
يكفي إنكم يالمطانيخ متعبة العيال = ضلعنا اللي من لجابه على العليا رقا
بإسمكم ثنتين تنشاق مافيها جدال = جنة الصاحب ونار على الضد وشقا
وعند بن قاسي وريث الفخر وافي الخصال= عيدنا عيدين وافراح واحباب ولقا
جعلنا ممن توفق بماضية الليال = وجعلنا ممن تقافوا عن النار عتقا
وجعل فيصل يفرح بشوفة عيال العيال = ويرزقه ربي صلاح وتوافيق وتقا
لين يبقا ذكر الاجواد متعبة الدلال = عصبة خلقة مع الطيب والعز وسقا

الدعوة اللي جاتني مرسوله = على الهوا مباشر من اغلا دوله
دولة قطر وربوعي اللي فيها = ربع تنومسنا بمجد جوله
واليوم يامحمد لزوم البي = دعوة بني عم علي مرسوله
سلام ياجمع الرجال الحاظر = تسليمة من خاطري منقوله
نقيتها واعلنتها بلساني = لجل المعزب واجل منهم جوله
بضيافة اللي طيبهم معروفي = اهل الظفر واهل السطر والطوله
وقت اللقا ماتنجحد وقفتها = رجالهم كسب الثنا محصوله
وافعالهم يوم الجهل مثبوته = صبيهم لاقال قول يطوله
مثبتين حدودهم بيديهم = في كل دار الهم رسوم ونوله
في الوادي الهم ديرة ورسومي = ضلعان برك تثبت لما اقوله
وان جيت لام اسليم تلقا منهم = رجال والربوا بعد منزوله
والساحل الشرقي بنوبه قبه = ويشهد قطر باللي به من زحوله
هذي ديار مكرمين الضيفي = اللي ليامن مرهم نادوله
وهذي ديار اللي تعز الجيرة = تاسم عصاه ولا يجي احدا حوله
هذي ديار اللي تعرف الخوة = خويهم يلقى الترف وتعوله
هذي ديار اللي تضد اعداها = يرجع ذليل والندم محصوله0
هذي ديار اللي تضم الجالي = بارواحهم دون الوجه فدوله
دار حموها محتمين الهية = دار البريكي واختم بها الجوله

بإسم الإله اللي رقيبن علينا=المطلع والعالم بكل الأحوال
ندعيه ونساله ونرفع يدينا=يلطف بنا يوم القيامه والأهوال
أهو الكريم ومن مدودهعطينا=له الثنا والشكر ماهلهمال
والله على جزل القصيديهدينا=والله يجنبنا هزيلات الأمثال
وليا دعانا راعي الطيب جينا=مانعتذر حتى ولو عندنا أشغال
حنا علشان النشاما عنينا=نتعب ركايبنا ولو المدىطال
سلام ياحفلٍ جمع غانمينا=ربعٍ لهم في قمة المجد منزال
حفل الرجال أهل الكرم الأكرمينا =وافين للوافي كريمين وأبطال
يآربعنا آل بريك حنا لفينا=حشمه لدعوتكم وتقدير وإجلال
ياربعنا اللي دايمٍ حاضرينا =وقت الشدايد لاصفق جالٍ بجال
في مامضى يومن غبرالسنينا=ملفى ومزبانٍ لمن حده الجال
ومشاركتنا الحفل واجب علينا=أقل مأقدم لذربين الأفعال
ومبروك ياحفلٍ جمع له ثنينا=وجعل السعد يارب لأهل الوفا فال

يا هجوسي لا تعذر وجد باللي تجيد=جودنا بالقاف شرعن جدير بالذكر
نصخر البيت المعاند ولو انه عنيد=لا ومرته قال لي طوع ما يعصي الامر
وبعد ذا يا مرحباً عد ما مال الجريد =بالنيابة نبدي الكم تراحيب المطر
يوم جانا داعي الحفل ما قلنا بعيد=نطوي الخد البعيدة ولا نبدي العذر
والله ان الليل عيدٍ فيا عيدن سعيد=فرحتن عمت بلاد الحرمين وقطر
وان مدحنا فيصل الشيخ ما جبنا جديد=تبرك جمال المدايح لكساب الظفر
زايدياً مارثت قومٍ اتضد الضديد=هم جبابرة الأرضين مسخين العمر
انشدو وادٍ سكناه في وقت شديد =من عصور الجد زايد وحن نرعى الخطر
ومثل ما قال ابن هشال في البيت الفريد=دوسروه بالاسم هذا ودوسر واندسر
شاعر يبدي شعوره وعزمه من حديد=دام خطلان اليماني يردون الخطر
مضرب الامثال دوسر هل العلم الوكيد=ذروةٍ للعز والمجد يا اصحاب الفكر
هم هل النالات والجود والمد المديد=لا عطينا مستحقٍ عفا عنه الفقر
ويوم جانا حكم اخو نورة بحكمٍ مجيد=حن نجدد بيعة كل عام مع شهر
دام حكمك يا ابو متعب عسى عمرك مديد=ومع ولي العهد سلمان ذا الموقف كبر
ويالله انك ترحم النايف العود المكيد=قاهر العدوان شبحة بعيد فالنظر