مناسبة القصيده انه كان رحمه الله حصل بينه وبين شخص نقاش من غيرقبيلة الدواسر قال انتوا يادواسر جيتوا واخذتوا سنام نجد قال احنا يوم اليمن مزدهر واحنا فيه وكنا ملوكه وماخذين اطيبه ويوم انتهى الازدهار فيها تركناها حنا واغلب القبايل تركته مثل قبايل الجزيره العربيه اللي توزعت في ربوعها جنوب وبالشمال وغربها كذلك ولاتنسى ان فيه قبايل كثيره تركت اليمن مثل الضياغم وال ابوهلال وهذا على سبيل المثال وليس الحصروهي الان ويقصد القبايل في الجزيره العربيه ومنهم منهو في دول عربيه اخرى مثل ال ابوهلال وحنا تركناها طيب و جينا واخذنا اطيب وهو سنام نجد وماخذناه عطا من احد ولا لأحد فيه منه خذناه بالسيف وبطش القوه والشجاعه اللي وهبنا اياها الله سبحانه ولايهونون القبايل الأخرى ومن غير قصور فيهم وبالثميدي اللي صوت انفجاره يرعب العدا وبعزوة زايديه كلن يعرفها ويهابها ويحسب احسابها بالنسبه لنا ثمن نجد عندنا غالي قدموا ابوانا واجدادنا فيه اروع الملاحم والبطولات وفقدنا الكثير منهم اسكنهم الله جنات الخلد ثمنا لهذا الوطن الغالي لين انتزعناه منهم بالقوه والسطوه حتى تسيدنا سنام نجد وصاروا اللي مايقون علينا هجروها وتركوها لنا وفيه من القبايل من مدوا يمانيهم لنا وعاشوامعنا وبيننا معززين مكرمين بجيرتناوالنا الشرف بجيرتهم واصبحوا منا وفينا نعتز ونفتخر فيهم كبيرهم وصغيرهم وكانت ديار الدواسرمهيوبة من جميع القبايل العزيزه والعظيمه بالجزيره العربيه اللي لهم منا كل الاحترام والتقديربدون استثناء .

انـشـد عـن الـعـراف حـيث انـك غلطان = تنــبــــيك عـن مــايــجـهـلــنـك خـبــاره
حـنـا سـكـنـا الـسـد فـي مـاض الازمان = يــوم اليمـن كلاً حــكــى بـــازدهــــاره
من ســد مــارب جـيـت مـافيـه جـحـدان = جــيـــنـا ومـن نــجــد.ن خــذيـــنـا خـيـاره
خـذنـاه في قومــاً لـهـا النـصـر عـنـوان = وكــسـب الـفـخـر لبسه وزايـــد شعـاره
خـذنــاه فـي شـلـفـا عـطيـبات الأكــوان = وثـمـــيـــديـــا كـــن الـنـجـــوم انفــجـاره
خـذنــاه في جيـشـاً وخـيـلا وفــرســــان = بــالــيـــوم والـلـيـلـه يـشـــنـون غـــــاره
غــاراتـهـم يشـبـع بهــا الـذيب سرحان =من ظرب من بالهوش ترخص عمــاره
وتشري الفخر والمجد في غال الاثمان = بـــأرواحـهــم لــو هــي عـليـهـم خســاره
واليــوم حــد الخــــــرج لا دون نجـران = دار لــنــا وديـــــار بـــــدواً وحــضــاره
دار لـــنا نعــتز بـــــه بـــين الاوطـــان = يــــومــــا كــــلاً يــفـتــخــر فـي ديـــاره
دار لنـا من وقـت عـــادا وعــــدنــــان = والــجــار يــهــمــل بـه ويوخــــذ بثــاره
مزارعاً وبيـوت بــــــدوا وقـطــعـــان = وهـــدب الــجــريــد الـلـي تـعدل انهــاره
وقــطعانــا ترعى الحيا حيث ماكـــان = ومـــاطـــاب مــن نـبـتـا رعـينـا قـفــاره
نــرعى بها جـوسـا على كل عـــــدوان = لاطــار مــن صــم الـحــوافــر غـبــــاره
يــبرا لهــا قـوما على الخيل شجعــــان =عـــــادة كــبــارا وارثــيــنه صـغــــاره
قــومــاً تنال المجــد في كل مـيـــــدان = ومـــوعـــــودة مــن ربــهــا بأنـتصاره
دواسـراَ في يـوم زوغــات الاذهـــان = كـــالــعـــارض اللي راسخــات جـداره
ونجمـا مراجـيمـا لمن كــان شيطــان =ويــرجــم بــهـــم مـن راد ربــي دمـاره
ومن قــدم الحسنـى نجـازيـه باحسان = وشــرا عــلى الا شـرار يقـــدح شراره
وصـلاة ربـي عـــد مــاكـاينـا كـــان = واعـــداد مــا ليـلــه يســوقـــــه نـهــاره
عـلـى النـبي مـن خلـقـة آدم إلــى الأن = اللى لـــديــن الــحــق جــــاب الـبشـاره
راعٍ الشـفـاعه عــنـد ربـــه للانسـان =يـــومـــاً لاتــنفـــع يـميـــنــا يســــاره

الشاعر : دخيل الله بن محمد ابن دخيل الله الشكره رحمه الله
وادي بــــــــرك