|
ملحمة ابن عزرم مقطع حق الدواسر في الشمال
|
المبيعيج
جعلك ذخر وجعل ربي يخلك لاهنت على نقل هذه الملحمه الرااائعه لشيخ محمد بن ناصر الشكره جعل يمناااااك ما يجيها العطب اتحفتنا بهذه الملحمه تقبل جل التحاااااااااااااياااااا اخوكــ // مطلق بن سعود |
اول كلامي ذكـر ربـي وبسـم الله= يالله لاتكـتـب عـلـي الاثـامـي بدعت قـافٍ مـن الصـدر مبنـاه= متخيرينـه مـن حسيـن الكلامـي يالله يلـي تركـع النـاس لرضـاه= ياعالـمٍ مافـي السفـر والظلامـي طالبك رواح مـن الحجـر منشـاه= سيله على جـر المحانيـب طامـي ياخذ اسبوع وكـل سيـلٍ بمجـراه= ومن عقب سيله جاء وبـل الغيامـي جعلـه علـى داري تهشـم رفايـاه= وسيله على الرملـه يشـق العدامـي يسقـي ديـارٍ للحنازيـب مشـهـاه= يازين فـي نينـه بيـوت وجهامـي زايديـه ضـد المعـادي وبـلـواه= حمايـةٍ لاجـاء النـذر والزحامـي لانشق ثوب الصلح عقـب المسـاداه= مـن فعلهـم ترتـع ردوم السنامـي عرب على رعي المهامل امضـراه= بين السبيعـي والمطيـري ويامـي يازين شدتهـم مـع الصبـح زينـاه= في ساقة العسـاس جـاب العلامـي نرعابها في الصمان لازاف مرعـاه = لازاف عشبه مـن نبـات الوسامـي نرعابها فـي مرتـعٍ مااحـدٍ جـاه= قبل الكمـام وقبـل كتـب النظامـي جاك الدويش عضيب في قومٍ غـزاه= وخلي طريح فـي نحاهـم شمامـي من فعـل ربـعٍ يمنعـون المخـلاه= لامن غـدا البـارود مثـل الكدامـي والدامر يـوم جـاب جمعـه وقـداه= يضرب على غراتها في المضامـي مع شعب طلحة يمشي السيـل بدمـاه= وعاف الطمع يوم شـاف الدوامـي وراس بن مجفل عندها قـد فقعنـاه= ياطنـه الزلبـات ماعـاد قـامـي والفغم في رعي الشريـدة طرحنـاه= خلي طريـح يـوم ثـار العسامـي وشعوان في الفرشه ركيبـه نهبنـاه= لعيـون عـربٍ وسمهـن الرثامـي حتى السبيعي فـي محلـه سهجنـاه= خوان في العانـي غشـاه الملامـي جنـب محلـه والبيـوت المبـنـاه= في شبرٍ من ممساه وسـط الكعامـي ولعيون عربٍ وردت عقـب مظمـاه= شربت قراحٍ عقب ماهـي احيامـي ولاوزى المجـرم بحمـلٍ نقلـنـاه= ومتيهيـن الجـار دايـم دوامــي مثل بن مطرفٍ يوم جانا من قرايـاه= عليـه حـرام ماتهنـى المنـامـي وزى على السبعان والجمـع يلضـاه= قـالـوا روح مابـهـذا محـامـي ووزى على العتبان من شين ماجـاه= وعطـي ثمـان مهربـاتٍ تمامـي ووزى على قحطان من كبـر بلـواه= قالوا اضرب طريقك دام حل الظلامي ووزى على اللي يرفقـون المجنـاه= على لاد زايـد جارهـم مايضامـي وجاك الشريف ويتبعونـه سرايـاه= يتليه قـومٍ مثـل وصـف التهامـي جاووه بني عمي مناعيـر وعصـاه= وسهج المحل وراح راسـه عدامـي بمصقلاتٍ صاحـي العظـم تشظـاه= وحدب الظهـور مقـذلات النسامـي مع كـل مدغـوشٍ افعولـه مسمـاه= يشري جديد المدح والمـوت حامـي مـن فـوق قـب للحرايـب مغـذاه= قحص الرمك ردات عجل الولامـي والغـرس لا لا فعلـنـا ماسكـنـاه= قبل الكمـام وقبـل كتـب النظامـي فضلٍ من المولى ولاهيـب معطـاه= ورثٍ مـن الجـدان تـون وعامـي ومرسمينه في الفضى مااحـدٍ جـاه= بمصقـلاتٍ يكـسـرن العظـامـي تسعيـن ليـلٍ والخـلايـا مثـنـاه= ولاخير فـي هـرجٍ بليـا تمامـي نعم صحيح مقطع حق ويحظرني بيت لسند بن شجاع في الامير عجب بن مناحي يوم يقول
خوالك مقطع اهل الحق وبوك امير ولد امير = زعيم الاد شكر سعد منهو في اللقاء اعوانه
وللمعلوميه في معركة شعاب طلحا بين الشكره والعجمان شارك فيها بن عزرم وله فعل يذكر حتا وقتنا هذا ولا احد ينساه
والدامر يـوم جـاب جمعـه وقـداه= يضرب على غراتها في المضامـي مع شعب طلحة يمشي السيـل بدمـاه= وعاف الطمع يوم شـاف الدوامـي وال عزرم اشتهرو بالشجاعه والفروسيه ولهم افعال مشهود لهم فيها الاخ العزيز / المبيعيج جعل يمناك ما يجيها العطب ابيض وجه على النقل الطيب وبارك الله فيك وافي والله لا يهينك وننتظر باقي ابداعاتك وتسلم ويسلم غاليك اخوك ابو عبد الله الشكره |
ارحب يابوسعود والله لايهينك على المرور واتمنى انني قدمت مايرضيكم
وان شاء الله نشوف منك كل ماهو جديد وممتع انت والاخوان في المنتدى وتقبل تحياتي اخوك المبيعيج |
ارحب يابوعبدالله والله لايهينك يابن العم على المرور وقراءة الموضوع
ولكن اتمنى منك ومن الاخوان الذين يعرفون ابن عزرم تجيبون سيرته وحياته ومعاركه وقصائدة لانني لم اعرف عنه سوى هذه المعلومات البسيطة وهذه القصيده الملحمة من بعض الشيبان وتقبل فائق تحياتي اخوك المبيعيج |
صح الله لسان الشيخ محمد بن ناصر بن عزرم الشكرة وفي الحقيقة اعتز بكون آل عزرم الكرام اخوال جدي وهذا مما يزيدني فخرا. وبيض الله وجهك يالمبيعيج وماقصرت يالقرم تقبل تحياتي،، |
ارحب ياهايف ارحب ياشمعة الموقع من غير قصور في اخواني الاخرين والله لايهينك على المرور يابن عمي
|
المبيعيج
الله لايهينك وماقصرت على القصيده الطيبه يالغالي وكل عام وانت بخير وعيدك مبارك |
المبيعيج الله لايهينك على هالنقل الأكثر من رائع والحقيقه أنك أفدتني بهذه القصيده حيث ان هناك لقب للدواسر قد أندثر وكنت أبحث له عن مصدر لأن بعض الأخوان طالبني به وأنت أوردت هالمصدر في هالقصيده جعل عمرك طويل والقارء الكريم القب هو (العصاه ) والبيت: جاووه بني عمـي مناعيـر وعصـاه .................................. وسهج المحل وراح راسـه عدامـي وقد أسميت إحدى قصائدي بهذا القب وأرجو من الإخوه المعنيين توثيقه كأحد ألقاب الدواسر المهمه لأن هذه إحدى أهداف المنتدى والمتمثله في توثيق كل مايخص تاريخ الدواسر الزاخر بكل ماهو مشرف . . . |
لاهنت أخوي المبيعيج وبيض الله وجهك
وصح لسان الشاعر |
مشكور أخوي المبيعيج على هذا الموضوع الأكثر من رائع وتسلم يمينك على نقل هذه الملحمه
وكما هو معروف يوجد مقطع حق أيضا للدواسر غير ابن وثيله وابن عزرم وهو من المصارير ولا يحضرني اسمه حاليا والف شكر لك على هذا الموضوع |
|
اخوي المبيعيج لاعدمتك جعل عمرك طويل على طاعة المعبود
وتسلم يمناك على نوادرك الطيبة والثمينه وصح السان الشيخ محمد بن ناصر بن عرزم وفي انتظار جديدك مع خالص الشكر وفائق الاحترام |
اخوي المبيعيج لاعدمتك جعل عمرك طويل على طاعة المعبود وتسلم يمناك على نوادرك الطيبة والثمينه وصح السان الشيخ محمد بن ناصر بن عرزم وفي انتظار جديدك مع خالص الشكر وفائق الاحترام |
المبيعيج
الله يبيض وجهك ويطول بحياتك على أيراد القصيده ينشمي والله يصح السان الشيخ محمد ابن ناصر الشكره في نتظار المزيد منك والك تحياتي |
الساعة الآن 10:43 PM
 |
Powered by vBulletin® Copyright ©2000 - 2024, Jelsoft Enterprises Ltd.
---
