::: مـنتدى قبيلـة الـدواسـر الـرسمي ::: - الجهيمي الرجباني يرد على سبيعي

- :: قسم تاريـخ قــبـيـلة الــدواسـر :: (http://alduwaser.org/vb/forumdisplay.php?f=11)

- - الجهيمي الرجباني يرد على سبيعي (http://alduwaser.org/vb/showthread.php?t=8108)

الجهيمي الرجباني يرد على سبيعي

السلام عليكم ورحمة الله وبركاته

مساكم الله بالخير . وأتأسف على الغياب عن المنتدى والكتابة . وأعدكم بالمزيد من المواضيع .

هذي السالفة للفارس المعروف الجهيمي الطوال الرجباني .

فقد قال احد شعراء سبيع قصيدة . يتمنى فيها أن يغير على قبيلة الرجبان . وهي :

ياذيب ردوا لي من المصلوح=ودي نصبح سربة الرجبان
يازين شوف مبارك(1) مطروح=من راس رمحي من على هدبان
لاكلحت الأنياب بعد مزوح=يالله تهيي لي فرس حشان

فلما سمع الجهيمي قصيدته رد عليه وقال:

ياطارش من عندنا بتروح=رد الخبر لبويني الطلحان(2)
كثير هرج العوهلي مزوح=وخضير لامن جا اللقا مابان
وده نزيد جروحهم بجروح=ومناحي(3) زدناه بكماهان(4)
وفضا قعد عقب الرمك مطرح=يكفخ عليه الطير أبو جنحان
وانا على اللي ثلثت بقروح=ولارباع تلحق الليجان

والقصيدتين أطول من ذلك ولكن لم أحصل عليها كاملة .

والمذكورين أعلاه هم :

1/ مبارك بن هقشه الطوال الرجباني وهو من أبناء عم الجهيمي .
2/ بويني من فرسان سبيع .
3/مناحي من سبيع . وقد قتله مطحس بن مصيبيح ال براز .
4/كماهان من سبيع . وقد قتله علوش بن عويس بن وثيله .

وسامحوني على القصور .

مع تحيات......العقيد........

مساك الله بالنور .. وحياك الله يالعقيد

والحمد لله على السلامة

وغيابك طال ... طال عمرك ولا تعودها

وبيض الله وجهك على ذا السالفة وذا القصيد الجزل والله يرحم الفارس المعروف الجهيمي الطوال الرجباني

ياطارش من عندنـا بتـروح=رد الخبر لبويني الطلحان
كثير هرج العوهلـي مـزوح=وخضير لامن جا اللقا مابـان
وده نزيد جروحهم بجـروح=ومناحي زدناه بكماهان
وفضا قعد عقب الرمك مطرح=يكفخ عليه الطير أبو جنحان
وانا على اللي ثلثت بقـروح=ولاربـاع تلحـق الليـجـان

_________

وعليكم السلام اخوي العقيد

يعطيك العافية على توثيق السالفة والقصيده

والله يرحم الفارس الجهيمي الطوال الرجباني.

الف شكر

تحياتي

بيض الله وجهك يالعقيد على هذه السالفة وعوايدك ماتجيب الا النادر

وعندي استفسار منهو خضير اللي ذكره الفارس الجهيمي

ومنهو ((فضى)) وهل هو فضى السبيعي الذي قتل نهار المعتلا؟

نمر بن الأشيب

مشكور على المرور . والله لايهينك .

أخوك .....العقيد.....

الأشعف . الله لايهينك على المشاركه والمرور .

وبيض الله وجهك .

أخوك .....العقيد.....

أبو مبارك . مرحبا ومسهلا .

أما بانسبة لاستفسارك . فماعندي خلفية حاليا ولكن سأستفسر وأردلك .

وتقبل تحياتي .