::: مـنتدى قبيلـة الـدواسـر الـرسمي ::: - انخى بني عمي دواسر زعامه اللي ليا قاموا تخف الثقالي

- :: قسم مناسبات وأخــبار الـدواسـر :: (http://alduwaser.org/vb/forumdisplay.php?f=14)

انخى بني عمي دواسر زعامه اللي ليا قاموا تخف الثقالي

انخى بني عمي دواسر زعامه=اللي ليا قاموا تخف الثقالي
افديع بن شافي سجن في قضيه = في حاجةٍ يرخص لها كل غالي
في قتل من دون الشرف والكرامه = والله يحل معقدات الحبالى

هذه الأبيات مطلع قصيدة للشاعر مشبب بن عرنان المخاريم الدوسري ينخى فيها كل دوسري معرب للتدخل في حل قضية الفديع بن شافي المخاريم والذي يعتبر هذا العام هو العام العاشر له خلف قضبان سجن منطقة نجران حينما قام بقتل شخصين دفاعا عن نفسه
ولمواقف أبناء قبيلة الدواسر المشرفة ومواقف ابنهم البار سمو الأمير عبدالعزيز بن تركي آل سعود والتي أصبحت مضرب للمثل تشجع الشاعر وقام بكتابة القصيده التي يحث فيها همم بني عمه ويدعوهم لمواصلة أفعالهم الغانمة التي عرفوا بها منذ القدم حيث يقول

يالله ياوالي على كل والي = جل جلالك ياعزيز الجلالي
يامخرج ذا النوان من بطن حوته= ويا مرسيٍٍٍ من فوق الأرض الجبالي
فيك الرجا ثمٍ عليك التوكل = رحمتك ياربٍ عليك تكالي
من عقبها تكفون تكفون تكفون = يادرع جنبي كل مالوقت مالي
انخى بني عمي دواسر زعامه = اللي ليا قاموا تخف الثقالي
افديع بن شافي سجن في قضيه = في حاجةٍ يرخص لها كل غالي
في قتل من دون الشرف والكرامه = والله يحل معقدات الحبالي
ومرت سنين طوال من عقب سجنه= وماطول عليه أيامها والليالي
تكفون ياللي تحتمون المواقف = يالابتي ياعزوتي راس مالي
ذي ساعة الفزعة يامال الغنيمه = توجهوا ياهل الوجيه الطوالي
وقفاتكم ياعزوتي شجعتني = واحيان اطش عمامتي والعقالي
قبل امس قمتوا ياطوال اليماني = واليوم قوموا صك جالٍ بجالي
اعوذ بالله من ذرى مايذرى = واقطع شجر ماثمر ولاله ظلالي
واقطع رجالٍ ماينومس عملها =وانا تنومس كل ماجا مجالي
والله مايعذر دوسريٍٍ معرب = مايرتكي للحمل غير الجمالي
وين انت ياعبدالعزيز بن تركي = تكفى تحرك ياكريم السبالي
مع خوالك لك مقامٍ مشرف = ماقلت انا واللي معي دون خالي
وماهي غريبه ياسلايل كحيلان = يابن الملوك مخضبين السلالي
ياطيب فزعاتك وياطيب راسك = تمد مليونٍ وكنه ريالي
لك فزعة تنقش من الكبد عله =ولك مدةٍ تعتق رقاب الرجالي
ولك هيبةٍ يامن بها كل خايف = فانت الذي يطول وان كان قالي
يشهد بفعلك ساكنين الجزيره =شرق وجنوب وغرب والا شمالي
سلام ماغنت حمامه على عود = تنشر لك البيضا على كل عالي
والله يعزك ياعزيز الجنابي = والله يبيض وجهك اول وتالي
انخاك وانخا كل قرمٍ مجرب = يبين لاركب الرشا بالمحالي
يدخل عليكم شايبٍ سم حاله = فرقا الولد واركت على الكبد صالي
وتنخاكم أمٍ باح منها جهدها = على ولدها محكمات القفالي
لامرها في لذة النوم فزت = على ولدها تقول ياصرم حالي
وندخل على اهل الدم طلابة الحق = ندخل عليكم ياعيال الحلالي
بوجيهنا ووجيه كل القبائل= عفو وتلقون الجزا عند والي
لو ان ماجاكم علينا عفينا= وانتم هل الناموس واهل المعالي
بلاوي تبلا العباد ومصايب=والوقت نوب مر واحيان حالي
والعمر يمضي والليالي ركايب = والآدمي نهايته للزوالي
والرابح اللي كاسبٍ له جميله = جميل في الدنيا ويوم السوالي
اقولها وارجي من الله مثوبه = والناس ماتعلم بغيب الليالي

القصيدة بصوت الشاعر /

http://www.7ammil.com/download.php?id=5J0C0ORP5B