مساجلة ابن مدعث آل عمار والحيدري
 

⚡⚡⚡⚡⚡⚡⚡ سلام لك يالحيدري معطر(ن)بالياسمين
يالنادر اللي قدركم عن البسيطه نرفعه

ابنشدك يالحيدري ياوين غايب ذالسنين
ماتتصل وانا اتصل ياصاحبي ماترفعه


الشاعر/ناصر بن مدعث آل عمار



⚡⚡الرد⚡⚡


حي الجواب اللي لفا من صاحبي ذرب اليمين
ناصر ابوناجي وقدره فوق راسي وارفعه

يامرحبا والف هلا بك من ضمير(ن) مخلصين
انت الرفيق اللي بذور الطيب دايم تزرعه

بلغ سلامي لك وابوك وكل اخوانك اجمعين
يالله عساك بطيب حال وكل امورك منعمه

لو الخطاوي ابعدت ولا شفناكم شوف عين
حبل الموده والتواصل بيننا مانقطعه


لي جيت لك ان كتبه الله رب العالمين
وانا قريب الخد بين ارياضها والمجمعه

الشاعر /عبد الله بن عبد الرحمن الحيدري