قلت الوداع وجاوبـت دمعـة العيـن=تجـرح بساتيـن الخـدود النديـه
واغضت وشفت بعينهـا الحزن حزنيـن=وصاحت على الفرقا انـا مـو قويـه
وجاوبتها ارجـوك تكفيـن تكفيـن=والله دمعك يشعـل النار فـيّـه
وقالـت تعاهدني عـهـاد المحبـيـن=الله يخـون اللـي يخـون بخويّـه
قلـت ابشري واللـي خلقـك لاتظنيـن=حرااااام ماغيرك عشقـت آدمـيـه
وقصّت شعرها قلت انـا وش تسويـن=قالـت ابـي مـن غرتي لـك هديـه
ونادتنـي الغربه علـى الهـم والبيـن=احسّـب الأيـااااام روحـه وجيّـه
وفي كـل ليله ترتسـم بيـن رمشيـن=خيالها بيـن الـرمـوش الشقـيـه
غربة سنه فـي ذمتـي غربـة سنيـن=متى علـى الله يلتقـي الحـي حيـه
خلاص هانت مابقـى غيـر يومـيـن=خـلااااااااص قفّت غربـةٍ جرهديـه
ورجعت شوقي في خفوقي براكيـن=رجعـت انـا كلـي لها جاذبـيـه
وسألت ما ردّوا وانا اصيح هي وين=وكلٍ نثر مـن داخـل العيـن مَيّـه
وفـي معمعـة حزني تلقيـت رمحيـن=قالـوا توفـت غافلتـهـا المنـيـه
وفـي غرغرتها ماذكرت غيرحرفيـن=تشهـدت بسـمـك شـفـاه البنـيـه
وتزاحمـت فـي داخلي ألـف سكـيـن=والحزن يطويـنـي ثمانيـن طـيّـه
صدمه وجابتنـي على الارض نصفـيـن=وشلـون راحـت دون ذنـب وخطيـه
تكفون دلـونـي علىالقبر هالحـيـن=مـاعـااااد فيـنـي للصبر مقـدريـه
ووقفـت اطالـع قبرها بيـن نصبـيـن=وجلست اضـم اغلـى النصايـب عليّـه
واصيح وش بك يا غلا مـا ترديـن=اشتقـت همس إشفاهك النرجسـيـه
وش فيك جيت من السفر مـا تهليـن=ماهي بلك عـاده ولا انتـي رديـه
وحاولت في لحظة جنون اجـرح الديـن=وازيـح تـربـة قبرهـا فـي يـديّـه
وبالغصب شالوني حشـا تقـل مسكيـن=واصـرخ بهم والله والله حـيّـه
ورجعت لـدروب الشقـا قبـل عاميـن=مدري مـن اللـي صـار فينـا ضحيـه

المشاركة الأصلية كتبت بواسطة ابوشافي الدوسري (المشاركة 652870) الله الله صح لسانك يالنداوي ولبا قلبك على هذا الموضووووع الجميييييل تحياتي وتقديري

المشاركة الأصلية كتبت بواسطة راشد محمد المقابله (المشاركة 652909) النداوي قصه حزينه جدا جدا لاهنت على نقلها

المشاركة الأصلية كتبت بواسطة نسيم الفيافي (المشاركة 652918) قصة حزينة جدا [color="blue"]وصح لسانك تقبل مروري[/color]

المشاركة الأصلية كتبت بواسطة محمد بن فهد الرجباني (المشاركة 652963) من قال سالم يعطيك العافية اخوي النداوي1 على هذا التألق والابداع قصة وقصيدة محزنة والله يكون بعونه بعد فرقاها.. وتستحق التقييم تحياتي وتقديري~ْ،

المشاركة الأصلية كتبت بواسطة ـآلجآدل (المشاركة 653678) الله الله صح الله لسااانه والله يصبره ع فرقااهاا قصييده حزيينه ومؤثره لآآآهنت يالشييخ ع الطرح المميز

المشاركة الأصلية كتبت بواسطة إبن غيااااث (المشاركة 654591) صح الله لسانك اخوي النداوي