نصيت الشيخ اللي يزبن جويـره=الطيـب اللـي يفـعـل الـجـود
رجل يسهـل الامـور العسيـره=يشيل عنك الحمل لاصرت مضهود
يامرحبا بك عد ما فـي الجزيـره=وعد المطر واعداد ماهبت النـود
اقـول ظافـر مايمثـل بغـيـره=وعندي علئ قولي براهين وشهود
لك في مجال الطيب شهره كبيـره=هداج تيما يسقي صـدور و ورود
من لابه يـوم الحرايـب خطيـره=مخاريـم طيبهـم مالـه حــدود
حرابهـم لازم ينـال الكسـيـره=يفطر علـئ دم و ملـح وبـارود
وباقي القبايل ما عليهـا قصيـره=كل معه في الطيب والفعل مجهود
وكم واحد له منصبه صار عيـره=ولاكاسبن من منصبه غير منقود
يمشي مع العالـم باليـا بصيـره=لافايـد نفسـه ولاكاسـب فـود
هذاك شره حال مـن دون خيـره=يالله عسـاه بداخـل القبرملحـود
وصلوا عئ شفيعنا في الحشيـره=نبينا اللي يـوم الاثنيـن مولـود