يابنت لا يغريك والله كذاب=أكبر همومه بس وشلون يلعب
أنتي في عرفه يحسبك ظمن الالعاب=يلعب بها ساعة ويزهق ويتعب
وليا قضى منها رماها بسرداب=ويمكن يكسّرها وهي ما لها ذنب
ويبدا يدور غيرها لنفس الاسباب=والاوله بعد الأكل راح تنكب
ويغير الأولى كذا عادة الداب=تلدغ وتلبد في جحرها ترقّب
والمسألة عنده ترى مالها حساب=اسمن بدل اسمك واسمك بيشطب
وشوفي ترى العريان يشريله ثياب=يكشخ بها ثمن توسخ وتنذب
ويا بنت أنا بانشدك وش سر الاعجاب=هل هو لأنه مغرمن فيك متعب
وإلا عشان الموت في ظل الاهداب=وإلا عشان القلب هايم ومعجب
ويمكن عشان الحسن في وجهك الشاب=ويمكن لأنك موت ويمكنه الحب
هذي حلومن مالها ساس واطناب=هذا خيالك أغرقك كذب في كذب
الوردة اللي في الحديقة بتنصاب=أي شخص يقطفها رضت وإلا بالغصب
أما اللي في المشتل لها قفل وأبواب=ابن امه اللي يقدر إلها يقرب
ما تنقطف من غير قولن وإيجاب=واللي يبي يغلط مصيره يأدب
وحيثي أحبك ذي مشاريه وعتاب=والله يا نارن داخل القلب تشتب
الحب ما يعطى لخاين ونصاب=الحب شين سامين واقصد الحب
حبك لدينك ثم حبك للاقراب=وأخوانك الغالين والأم والأب
يابنت لايغريك والله كذاب=أكبر همومه بس وشلون يلعب

صح لسانك وأعتلا شانك



ولاهنت على هذه الأبيات الهادفه



تسلم يمينك..

المشاركة الأصلية كتبت بواسطة راشد المسعري (المشاركة 313870) صح لسانك يابن فوزان على القصيدة الهادفة والله يحفظ أخواتنا من كل شر وكيد ويحميهن من الشيطان ومكائده ، ولك مني اجمل الود والتقدير ،،،،

المشاركة الأصلية كتبت بواسطة ماجد بن رويه (المشاركة 313871) الفوزان صح السانك نص عذب راقي

المشاركة الأصلية كتبت بواسطة سالم بن صمهود (المشاركة 313887) ابن فوزان صح الله لسانك وحفض الله نسا امة محمدصلى الله عليه وسلم

المشاركة الأصلية كتبت بواسطة أبونواف الدوسري (المشاركة 313890) ابن فوزان صح لسانك وجزاك الله خير وفقك الله

صح لسانك واعتلى شانك

قصيدة رائعة تزيد من مقامك

ويجعلها في ميزان حسناتك