أبيات قالها الشاعر سالم محمد آل سعد القحطاني
في قصيره وجاره محمد بن راشد النتيفات

ســــلام يــارجــال الــوفـاء يـالـنـتيفات
يـاأهل الوفاء والطيب وأهل الشهامة

وأهــل الـشـجاعة والـكـرم والـمـرؤات
والـــعــز والــنـامـوس نــالــوا وســامــه

قـوم لـهم فـي صـفحة المجد بصمات
مــجـد تـعـلـوا بـــه عـلـى كــل هـامـة

ولا أقــول قـول الا عـلى قـولي إثـبات
ولاخــيـر فـــي رجــل مـايـثبت كـلامـه

إن الـنـتـيفي يـعـشـق الـمـستحيلات
وطـيب الـنتيفي يـعشقه مـن فـطامه

وســــلام يــاشـيـخ مـواقـفـه جـــزلات
طــلـق الـحـجـاج الـــي رفـيـع مـقـامه

الــنـادر . الـلـي . يـرتـكي . لـلـثقيلات
مـحـمـد (ن) ابــقـاه . ربـــي . ودامـــه

جـــاراً عــزيـز ومـــن عـزيـزيـن وغــلات
الـمـحـتـرم يــفـرض عـلـيـك إحـتـرامـه

فـــلا جـيـت بـتـقاصر فـقـاصر انـتـيفات
تـلـقـى . الـمـعـزة عـنـدهم والـكـرامه

دواســــر تــتـعـب ظــهــور الأصــيــلات
لاثـــــور . الــبــارود . مــثــل الـغـمـامـة

عـــيــال زايــــد كـاسـبـيـن الــبـطـولات
حـريـبـهم . مـايـهـتني . فـــي مـنـامه

وانــا مــن الـلـي يـنـطحون الـمـغيرات
قـحـطـان ربــعـي مـحـتمين الـجـهامة

مــن الـشـمال إلــى جـبال الـسروات
ومــن الـخـليج إلــى سـواحـل تـهـامة

وربـعي لـهم فـي الدار صولة وجولات
مـتـزعـمـين الــــدار شــرقـه وشــامـه

نـجـد احـكـموها بـالسيوف الـصقيلات
تـسـعين عــام وهــم شـيوخ الـزعامة

سادات في الماضي وذلحين سادات
ويــبـقـون ســــادات لا يـــوم الـقـيـامة




رد الشاعر /وطبان بن راشد النتيفات
على قصيدة الشاعر /سالم بن محمد آل سعد القحطاني


إعـــداد مــانـادى مـنـادي الـصـلاوات
يـامـرحـبـا وإعــــداد وبــــل الـغـمـامه

يـامـرحبا تـرحيب يـطوي الـمسافات
الـيـن . يـاصـل جـارنـا فــي الـيمامه

حـيا الله الـلي مـنزله فـي الطويلات
سـالم سـماء بـالعز فـي كـل هـامه

ابـومـحـمد فـــي الأمـــور الـصـعيبات
يـاسعد مـنهو فـي الـشدايد حـزامه

الـيا ارتـكى شـال الـحمول الثقيلات
ويـفرض عـلى كـل الـرجال احـترامه

لأنـه مـن الـلي يـكسبون الـجمالات
قـحـطـان قـحـطان الـفـخر والـزعـامه

فـيـما مـضـى يـروون حـد الـصقيلات
يـــوم أنــهـا مـابـين كـسـب ونـدامـه

رسـالتك .. يـابومحمد .. لـنا . جـات
تـمدح بـها . شيخن . تعلا .. مقامه

هــذاك أبـوراشـد لـه الـطيب عـادات
في . كل . ميقاف . عدته . الملامه

تـرفـع لــه الـبـيضاء عـلى كـل رايـات
وتسلم .. يمين .. مدها .. بالكرامه

وانــا افـتـخر بـأفعال ربـعي الـنتيفات
لاد الـعميري .. محتمين .. الجهامه

فــي الـمـملكة مـنـا شـيوخ وقـادات
ونـــادى الـكـويت وجـاوبـته الـمـنامه