بـديت بـسم الله حـسين الــتدابير = الــواحد المعبود ورب الــبريــة
ثم أنشر البيضاء لهلها المشاهير = اللــي لـــهم مني سـلام وتــحية
ويا باغي الجيرة وحشمة وتقدير = على سلامة قلب وطيب السجية
آل دريبي أنــصهم يــاملا الخير = أهــل الــعلوم الـــطيبات الـنقيــة
وأهل البشاشة والـوجية المسافير = بـقولة هــلا واهـلين ويا لله حـية
وأهل الصياني والدلال المباهيـر = ذبــاحة الخرفان صبح وعـشـيـــة
الـجار يكرم و الضيوف ومساييـر = والكـل عـند آل دريـبي هـنية
صغيرهم يغذى على الطيب ويسير = يـشب ويكبر والـمكارم طرية
هــواشــل يقر لهم الطيـب تقريـــر = أولاد زايــد بالـمكـارم حــريــة
والله أمـرنا وساق لامـره تـباشير = وأوصى على الجيران أشد الوصية
وسلم العرب بالطيب ما فيه تقصير = أثــنى عــلـيهم ثم مـــدحهم نـــبية
و لا يـــكرم الــجيرة كود الـمناعير = أهــل الوفاء والطيب وأهل الحمية
ولا يوذي الجيران غير المعاثــير = خباث المبادي والنفوس الرديــــة
وآخر كلامي يا ولي المقاديـــــر = الخير لأهل الطيب يا الله هنيـــــة