في حمص كيماوي وفسفور والغــــام
 

في حمص كيماوي وفسفور والغام
مع جوع مع ترويع والوضع قاسي

الله يرحم سالف الذكر ضرغام
اللي على روس الملمات راسي

اكتب وسجل فالمراسيم مرسام
عند التقاء الهم تبدأ المآسي

أشهد شهادة حق في حق صدام
أنه على روس الخبيثين داسي

دار الزمان ولحقت الحرب للشام
وعاثت جيوش الفرس في كل باسي

صالوا وجالوا والمجازر بالاكوام
والله ماينسى مع الوقت ناسي

لكن نسو في وسط هالجمع مقدام
ينسيهم أركان النظام الرئاسي

جيشه يشابه جيش طالوت لاقام
متعود يخوض الحروب الرواسي

واحد من جنوده يساوي له أقوام
عند احتدام الحرب للحرب جاسي

ياشيخ يااللي بالنواصي والاقدام
ننصاك في ليلٍ غشيه الدماسي

درب الحقيقه ضاع فاضغاث الاحلام
نبغى نعيد لواقع الحق ساسي


على قواميس الزمن تكتب أقلام
لابدما نشرب من الموت كاسي

ومادام لحظه في الليالي والايام
نذوقها وش عاد نبغى نواسي

مانملك إلا فالصواريخ قسام
ماغيرت وضع القرار السياسي

لكن على دين النبي دين الاسلام
يزيدنا خوض المعارك حماسي

يكفي صلاه وحج ونكون صيام
والنصر قد التضحيه بالمقاسي


(سالم صعيكر الوابصي البلوي)

رد: في حمص كيماوي وفسفور والغــــام