شامان قرب جديدً ما قد حدً ساقه = فكسار حول بعيد القاع لادناها
توه امورد من اليابان بوراقه= ما هوب حول الشريطيه ولا حذاها
لامن سرا يجذب الساري من اعماقه= وهمومه المرمسه ما عاد يلقاها
نفسي على البر لواحه وتواقه = قطع الخرايم غذا نفسي وسقياها
واتوق للبر لامن لاح براقه = وأرخا امتونه على المشهاه ورواها
كفا احياضه وعزل راعي الناقه = واستعجلت بالشديد وربي اذراها
شمر كمومه وخف الثوب عن ساقه= لوهي تصعب ادروب الطيب ياطاها
في شفها ما يحسب البعد وإرهاقه = بعد المسافات ما كسر نواياها
يراعابها زاهرن ما قد حدً ذاقه = قلايد الوسم تاجً في شغاياها
تدرعت الارض ثوب تلعب احلاقه=يضيع عساسها من وين ماجاها
وتفتق العشب والبل من تفتاقه= في كل يوم تشوف الزود في ارهاها
قطع ضرمها عمود العشب وحداقه = تعاطفت والحواير شاخ فدناها
جاها من الراس ما جاها على سراقه=تبي تخلص من الطارف ولا امداها
من سطرت العشب تاقفله على فاقه= داها غشاها وزين الدل داواها
مرباعها حول العرا للهاقه= فيها حجوز الشحم من طيب مرعاها
وعساسهم دور المنزل ولا عاقه= رجله على طلعت المرقاب عناها
وشافولهم منزلً في راس عملاقه =كشافةً تجذب الطرقي وينصاها
وبيت الشعر علقو في وسطه ارواقه =وقام المقهوي على المقهاه واحياها
جزل الحطب ولعو من تحته ادقاقه = ما ولعوها من الديزل ولا جاها
وجذالهن جمرتين معهن ارفاقه =يحمس عليهن وعينه ما تعادها
بين المقهوي وبين الحمسه اعلاقه =في حمسته ما يخلي النار تلاها
عرقت ومثل الذهب في يدين دقاقه =وهوا عليها النجر من عقب نقاها
وفاحت وزانت وطاب الكيف ووفاقه= عقب اركدت زلها في جوف لاماها
صفرا ادقاقه غريبه لون وارقاقه = يا جمرتن خلت الهيل ايتغشاها
البن منقي وينقى الهيل ورناقه = وينقا معاميلها ويصون مبداها
في المجلس اللي هله تفرح بطراقه = كثر المسايير ما بيح خفاياها
يصير فنجالها لضارم اشفاقه = ماودك الا مع التمره تقهواها

أقول من مبدا القصيده والسلام= سلام ونجوم الشعر حول قمره
لكبر قدر في المجتمع وارفع مقام= الشعر في حضرة جنابه اشهره
ومن باب تقدير الشعر والاحترام= اتعب معه طول الليالي واسهره
اندره.. وانقى.. الدرر عند الحشام= وسوق نوه .. ويتقفاه امطره
واقول ما عندي وثمن للكلام= لجل الشعر اروي يباسه وشجره
والشعر في عماش ماخذ له وسام= من حقه الشاعر ليا زاد فخره
واقول يا عماش دام العز دام= والله يعز اللي محله اعمره
في كل يوم وكل شهر وكل عام= وكل جهد وكل فعلن ما اذخره
مهوب حكر مدحه على بعض الأنام=مدحه لقا في مسلك الشعر اسفره
شيخً شهر بين القبايل والعوام= كل مدلى براي جا فيه اثمره
مجمل آل محمد ودار الامام= لاد العميري فعلهم ما نحصره
سقم المعادي عز حماي الجهام= في نهارن كل ربحن يخسره
لجل الوطن والدين جلاي الظلام= ومن حدته دنياه والوقت اعسره
يقوله الشاعر ولا ظني يلام= لامن حمد ربه على العز اشكره