قصيده جديده
السلام عليكم ورحمة الله وبركاته اخواني واخواتي في منتدانا الرسمي اعتذر لكم عن غيابي (وياكثر ماعتذر) لكن الظاهر انه طبع والطبع يغلب التطبع مثل مايقولون واقدم لكم هالقصيده وعساها تنال اعجابكم
وش حيلتي لاطول الهم فالبال=غير القصيد وسج رجلي لحالي سجيتها في درب ماتلمح ازوال=ماشوف فيه من المخاليق والي الريح تلعب بي على كل موال=واقول هبي ياهبوب الشمالي قمت اتذكر رسم خلي والاطلال= ذكرت زولن مانمسح من خيالي اول جهاز اعرفه مع خط جوال= البرج برجي والمواصل وصالي معها تعلمت الرسايل والارسال= وصندوقي الوارد قبل كان خالي كم ساعتن فيها سرحنا بالامال=نبني بيوت ونهدم البيت تالي قفا وقفينا وكلن على فال=وتقطعن من دون وصله حبالي الوصل زال ولكن الحب لازال=الحب مستولي على كل حالي ذكرت ذاك العرف باكبار واجلال=اطهر من المي القراح الزلالي واليوم دار الوقت والوقت ختال=ومافيه رجلن عن عنا الوقت سالي مرت علي انواع واصناف واشكال=جربتهم ماقول غيري حكالي وعرفت ليه الناس تنطق بالامثال=اثرالتجارب مكسبي راس مالي رجلن يحسب ان المراجل بالاقوال=والا بغيته راغ مثل الثعالي ورجلن يجيك احوال ويغيب باحوال=في غيبته عذره والاجاك غالي ورجلن على الدانين سون وغربال=ولا مع القاصين ريفن ظلالي ورجلن صدوق اقوال واقواله افعال=ومن دون ربعه يرتكي للثقالي ولاتحسب انك يارفيقي على جال=وتقول عندي من ربوعي غوالي خلك على ماقيل حلال فتال=واحسب حسابك عن صدوف الليالي لاترتجي جاهن ورى غيرك ومال=الجاه جاهك والهلل والريالي شربك على ماقيل من كفك زلال=ومن كف غيرك مر لوكان حالي ومن لايحسب مخرجه قبل مدخال=لايزعل ان داسو عليه الرجالي ومن لايميز بين منصح وعذال=بيشوف من وقته سمومن وصالي قلته وانا لي لابتن روسها طوال=ولامن بدا لي لازمن ينقضالي لكن طراة القرم للحمل شيال=ومن بد ربعه شايلن مايشالي |
رد: قصيده جديده
اقتباس:
الله الله يامرحبا يافارس ابطيت وجيت بالجزلة صح لسانك صح لسانك صح لسانك جزالة وحكمة وإبداع لاعاد تغيب ياكحيلان ننتظر جديدك طال عمرك تقبل ودي وتقديري ،،، |
رد: قصيده جديده
ارحب يافارس
اللي لـ ابطا جاب مثل هذي بيعذره جمهوره ومتابعيه صح لسانك حتى ترضى لاتبطي بجديدك وانا اخوك تقبل مروري المتواضع |
رد: قصيده جديده
الله الله الله
صح لسانك يابو فهد على هذه الدره ... كتبت فأبدعت ولاهوب غريب عليك الابداع الحقيقه يابوفهد انت مقل في طرح قصائدك ... فـ جمهورك متشوق لكل مافي جعبت فارس الجزاله نتمنى ان حبيسات الادراج تتنفس هنا في منتدانا لتمتع بها متابعيك .. محبتي واحترامي . |
رد: قصيده جديده
الله الله يا ابو فهد
صح لسانك واعتلى قدرك وشانك ما أزود عن الربع قصيدة جمعت الجزاله والحكمه ما نعذرك يا ابو فهد لأن وجودك اضافه وإفادة لاهنت يا ابو فهد .. |
رد: قصيده جديده
الله الله يا ابو فهد
صح لسانك واعتلى قدرك وشانك ,, ما أزود عن الربع قصيدة جمعت الجزاله والحكمه ما نعذرك يا ابو فهد لأن وجودك اضافه وإفادة ,لاهنت يا ابو فهد .. |
رد: قصيده جديده
اقتباس:
البقا ياراشد ومشكور على مرورك اللي يشرفني وانشالله ان تواصلي بيكون افضل ان عاني الله على دخول النت لان صداقتي معه لك عليها:d4: |
رد: قصيده جديده
اقتباس:
|
رد: قصيده جديده
اقتباس:
|
رد: قصيده جديده
اقتباس:
|
رد: قصيده جديده
اقتباس:
|
رد: قصيده جديده
صح الله لسانك على جزالة الابيات وجزالت المعاني ولاكني وصيك وصات اخ لخوه لاخبيت فعليك بالطرق الرسمية المستقيمة حتى تتم السعادتين الدنيوية والاخرويه
|
رد: قصيده جديده
اقتباس:
ووصاتك مقبوله وغلى الراس والعين...لكن انت شكلك ماتحب القصايد الغزليه...ترانا نكذب وانا اخوك نقول انا نحب وحنا ماحبينا ونقول انا عرفنا وحنا ماعرفنا ..نسيت ان الشعراء يقولون مالا يفعلون... واشكرك جزيل الشكر على مرورك وكلامك الطيب ونصيحتك اللي اسعدتني وحببتني فيك يشهد الله |
رد: قصيده جديده
فارس الفصام
صح الله لسانك انت بين عليك شاعر مبدع ولاكن انت رجل من رجال معروفين وقبل ذلك انت مسلم الكلام انت محاسب عليه بارك الله فيك |
رد: قصيده جديده
الـمـي الـقـراح الـزلالـي---وقصيدتك يافارس مثل المي القراح
فارس الفصام شاعر له كاريزما خاصه تجمع بين الموروث والتجديد = ابداع ودي ومحبتي |
الساعة الآن 06:52 AM
|
Powered by vBulletin® Copyright ©2000 - 2024, Jelsoft Enterprises Ltd.
---