هذي قصيده للشاعر نابت بن حسن بن شجاع الحقباني الدوسري يوم

قاله العصيمي انت من اية ناس ووش هي

قبيلتك فرد عليه

نابت يعلمه وش هي قبيلته

اليكم القصيده

قال العصيمي انت من اية الناس = اصلك وفصلك انت باية قبيله
قلت احتار المردود باكر بقرطاس= بعطيك ردي وافي في مكيله
حنا بني تغلب بوايل لنا ساس = اهل العلوم الطيبه والجميله
من عصر ابن كلثوم والناس تحتاس = لا قيل تغلب جات حزة رحيله
والزير سجل في التواريخ نبراس = للتغلبي والوايلي من طويله
وكليب ذيب الحرب لاشم مقباس = مقباس حرب قام شب الفتيله
وان كان تبغي علم بقريب الساس = اللي بتغلب تلتحم به تجيله
حنا تغالب نسقي الضد من كاس = كاس الندم والخوف كاس الغشيله
ولا كبرت القاله وضاقن الانفاس = عيال زايد لنا ضلع ٍ بعيد ٍ مسيله
هم درعنا لاجاك وقت به مراس = وقت الصمايل والامور الهويله
كل ابلج في مرقب الطيب عساس = يبغى فعول الطيب لو مات حيله
وإنا وهم في الدوسريه لنا ساس = دواسر يا ناس نعم القبيله
دواسر في الضيم وقت التعوماس = وقت الحروب الطاحنات الطويله
ناقف مواقف دونها الضد جلاس = وانشيل حمل غيرنا ما يشيله
هذا عطيتك موجزي وسط قرطاس = يفهم به الجاهل بليا دليله
واختامها صلوا على خير نبراس = الشافع اللي ما نظرنا مثيله

وسلامتكم

الخييلي

ووجهك ابيض

وتسلم على ردك الجميل

اللي يشرفني

ولاهنت


عبد الله الشكري

( بو محمد )

ما عليك قاصر يابن العم

وتسلم


العماني

تسلم على الاشاده

وعساك على القوه

( يابو مبارك )

المبيعيج

ولا انت واشكرك على

ردك الطيب

وشهادتك اعتز فيها


بن رشود

ووجهك ابيض

وصح بدنك

( يابو حمد )


وعساكم على القوه

المشاركة الأصلية كتبت بواسطة تركي الودعاني لاهنت يابو عبدالله علي القصيده الجزله وعزالله ان اعلومك غانمه دايم يابو عبدالله و سجل اعجابي فيك يالقرم

ولا انت يابو هادي

وشهادتك اعتز فيها

من رجال عزيز علي

ال جزاء

صح بدنك

ووجهك ابيض

وجعلك تسلم

يابن العم

الزير سالم

الف شكر لمرورك

وان شا الله تكون عضو فعال معنا في المنتدى

ولا تخلينا من مشاركاتك الطيبه

ومنك نستفيد يا بن العم