::: مـنتدى قبيلـة الـدواسـر الـرسمي ::: - قصيدة الشاعر ناصر بن دهيم الغييثات في قبيلة الدواسر

http://www.alduwaser.org/Bsmllah.gif

الحمد لله رب العالمين والصلاة والسلام على سيد الانبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته الى يوم الدين

إخواننا أعضاء وزوّار الموقع الرسمي لقبيلة الدواسر

اضع بين ايديكم قصيدة الشاعر/ناصر بن محمد بن دهيم الغييثات
في قبيلة الدواسر

-------------

الخرج والله ... ما ندوّر بديله=حنا هله قبل الدول والحكومات
الله من .. يومن ... تقادح فتيله=ما ثبته .. الا خيول الغييثات
نرحل ورى الدنيا ولكن نجيله=ونذكر الحاضر على ماضيٍ فات
هذا وانا امضمرن لي أصيله=كن الحديبي فوقها بصوط الأموات
صفرا لك الله من بنات الكحيله=اسبق من اللمحه اذا الخيل عجلات
اخترتها بين القصايد .. جزيله=لأهل الشرف وأهل الكرم والمروات
فالله يعزك دايما من قبيله=ربعي مقاديم الفخر والبطولات
دواسرن ما نكسب الا الفضيله=من عصر ابن بدران قبل الدويلات
اسلومنا كسب الثنا والنفيله=وامجادنا ماهي علومن جديدات
وسم العصا ومد العطا والحصيله=عادات أهلنا .. للقبايل .. منارات
أنٌا زبون اللي ذلوله هزيله=يوم العرب خلوه ماهي حكايات
انزبن المجرم وهذي قليله =لو كان ضد الشرف والا البشاوات
الابل لنا خص الشناح .. الطويله=واوسومها عند الشريطي دعايات
اهل الجهام اللي ما تلقى مثيله=والغرس وحنا اهل المهار الاصيلات
كبيرنا شال الحمول الثقيلة =وصغيرنا قدامه بعشر مرات
يوم الثنا في نجد ... حنا دليله=فينا الضمين اللي عليه الروايات
من قبل لا يأخذ كليب الجليله=العز حنا له ورب السماوات
سلام مني كل ... يومٍ .. وليله=لخطلان الأيدي يوم الايام عسرات
سلامٍ احلى من المطر والمخيله=جا من شمال الخرج واجنب له أصوات
جعله على الافلاج مثل المسيله=والا على الهدار في كل الأوقات
خيرن على بركٍ تزايد هميله=يم السليّل والقصور المبنات
روّح على وادي الدواسر بسيله=جعله عليهم بالفرح والمسرات
الوادي اللي نفتخر ونعني له=واسمه قبل الأوراق معروف واثبات
من لا وقف يا .. لابتي عزتيله=الرأس شايش والقوافي جزيلات
الدوسري بين القبايل قبيله=وختامها مني الثنا والتحيات