يالله يامــــــــنهو علــــــــى الظد فزاع = ياواحــــــــد امرة على الكل مطيوع
فرج على قــــــلبً غدا فــــــــيه رماع = من كثــــــر مابه من دوكيك وارموع
اشوف لامــــــني بغيته للـــــــــسناع = لهو كمـــــــــاطير به السبق مربوع
نشري الثـــــــنا من مال بياعت الصاع = حيث ان جانبـــــهم من الوم مطبوع
من مالهم ناخــــــذ ونلقــــــي توساع = وكــــــم واحد نشبع وهو ميت جوع
يالي تسوم الغـــــــرس مانيـــب بياع = يامهبـــــلك يالي تسومه بمقطوع
الغرس لابعـــــــته فلانيب نجـــــــــاع = وين اغـــــــــدي الارحتنا من مقلوع
خمس موجيــــــبه علينا لــــــها اتباع = مانيب صعب مــــــير قدني لها طوع
اماعلى خصة رفيـــــــق الـــــي جاع = ولاضعيف فيـــــــــــــه للخير منفوع
ونجاو اهل هجن من البــــــــعد خراع = يشكون من حر الــــواهيب والجوع
يلقونه الاقراب الاجـــــــــاو شــــــراع = وسوره على الجيران ماهوب مرفوع
نسعالهم بالبــــــن قبـــل التمـــــــتاع = بن يسوى باطيب الهـــــــيل منشوع
وبعده يباشرهم جنــــــى كل مسراع = هدب الجريد اللي لهن اصل وافروع
ولاعلى بر به السمن ينـــــــــــــــداع = ولاعلى كــــــبش من الظان مفدوع
ياغرس ياللي في الفضا مثل الاقطاع = مثل الجهـــام اللي علىالعد مقروع
ماغز في الجدران من كل طــــــــماع = لوكــــــان في ريدا فلاهوب مطموع
سورة بني عمي مسويت الافنــــــاع = اللي لهم صعب القبايل يجي طوع
وسورة مواصيل مع كل صعصــــــــاع = ومســـــــــــلبات زادها كل مميوع
دفاعت لاصار لشـــــــر دفـــــــــــــاع = وفعــــــــــالت لاصار مافيه مدفوع

المشاركة الأصلية كتبت بواسطة دوسري نت الأخ العزيز / مبارك بن سيف السلام عليكم ورحمة الله وبركاته أشكرك على ذكر هذه السالفه والقصيدة الجميلة لكن !!!!!!!!!!!!!!!!!؟؟ قائل هذه القصيدة هو ناجي بن سلطان بن كليب ال مانع آل عمار الدوسري وهو كما ذكرت شيخ شهم كريم وكان أميراً لقرية سويدان وهو جد أمير سويدان حالياً عبدالله بن مبارك بن ناجي المشهور بأبن كليب والذي يملك من صفات الكرم والجود والشجاعة والدين ماجعله من أشهر أمراء الدواسر حالياً حيث إشتهر ببذل جاهه للأصلاح بين القبائل والكرم ونصرة الضعيف وذا الحاجة . والأمير ابن كليب يرقد الآن في المستشفى العسكري بالرياض اثر جلطة مفاجئة وهو ولله الحمد في تحسن كما جائني اليوم من أحد أبناءه نسأل الله له الشفاء العاجل . أرجو منك أخي مبارك أن تطلب من المشرف تغيير الأسم في العنوان ولكم فائق الإحترام والتقدير وسوف أحاول أن أجمع القصيدة كاملة في المستقبل القريب . و السلام عليكم ورحمة الله وبركاته أخوكم / دوسري / الأفلاج

خمسً مواجيبه علينا له اتباع = منيب صعبً مير قدني لها طوع

خمسً مواجيبه علينا له اتباع = شرعً لنا مهوب توه بمبدوع