|
الصمت حكمه والحكي مــــــصدر إفلاس
الصمت ـــــــــــــــــــــــــــــــــــــــ قالوا علامك صــــــــــــامت وقلت ياناس = كثر الكلام يقل لاجـــــــــــــــــــــله مقامي الصمت حكمه والحكي مــــــصدر إفلاس = ولقيت في صـــــــــمـــــتي يزيد احترامي الصمت له معنى وله ذوق وإحســــــاس = مركب نجاتك في بحـــــــــــــور الظلامي ترى الرجل صوره من الـــراس للساس = ثم يتبين جوهــــــــــــــــــــــــره بالكلامي إما نطق في كلمة ترفـــــــــــــــع الرأس = تضفي على شكله جــــــديــــــــد الاسامي وإلا يعود معدنه مـــعـــــــــــــــدن نحاس = يرميه سهمه بــــــــعـــــــــد ماكان رامي لا صار عندك من ثمـــيـــــنــات الألماس = خله بــــــــصــــــدرك لين وقت التمامي أخاف يطلعلك مــــــــــــــن الناس بلاس = وإلا ســــــــــــــفـــــــــيه ما يرد السلامي الله خلق خلقه على عـــــــــــــدة أجناس = وكلن يسوقه مذهـــــــبــــــــــــه للأمامي والله خلق بالطير قمري وقــــــــــرناس = ووقت الهدد ما ينغزي بالحـــــمــــــــامي لا جال في صدرك من الهم هوجـــــاس = وعينك يحاربــــهـــــــــــــا لذيذ المنامي ونفسك عليله والفــــــكر صار محتاس = اترك طمان القــــــــــــاع وارق السنامي عليك بالعالي ليا هب نســـــــــــــــناس = يبري الجروح الخـــــــــــافيه والعظامي وخلك لربــــــعـــــك دايم الدوم نـبراس = وخص القريب وخص ولد العـــــــمامي خلك لهم في داجــــــــي الليل مقـباس = ولصاحب أصدق من حقوق الغمـــــامي ربعك ذراك ليا لحق راســــــك البـاس = قدم لهم شربك ولو كنت ضـــــــــــــامي وخلك لثوب الطيب والعز لبـــــــــاس = واترك دروبٍ تنـــــــــــــــتهي بالحرامي وفعل الجميل وواجب الضيف نومـاس = ومن لا نفع بالضــــــــــــيق نفعه عدامي بيت الكريم أبوابه بدون حــــــــــراس = وبيت البخيل يــــــــعـــــــد مثل الهدامي كلٍ بها الدنيا نصيبه بـمـــــــــــــقياس = ياخذ نصيبه لوجـــــــفــــــــــوه الأنامي |
كلامت في غايره الروعه
تسلم يمناك ياالشيخ وماقصرت |
صح لسانك ولاهنت اخوي ( لشيب ) على هذه القصيده . . .
الله يعطيك العافيه . . . تقبل تحيات اخوك محمد الموسى |
لشيب
سلمت يمناك جعناء مانعدمك صح الله السانك ولسان قايلها ونشهد ان الشاعر صدق ان الصمت حكمه لاهنت يابو محمد ننتظر جديدك الي دايم في قمت الروعه تقبل تحياتي وتقديري ابن هديهد |
وخلك لربــــــعـــــك دايم الدوم نـبراس = وخص القريب وخص ولد العـــــــمامي خلك لهم في داجــــــــي الليل مقـباس = ولصاحب أصدق من حقوق الغمـــــامي ربعك ذراك ليا لحق راســــــك البـاس = قدم لهم شربك ولو كنت ضـــــــــــــامي وخلك لثوب الطيب والعز لبـــــــــاس = واترك دروبٍ تنـــــــــــــــتهي بالحرامي لشيب صح لسانك ولسان قايلها مشكور على النقل المميز الذي يدل على ذوقك الرفيع |
الأخ العزيز الغالي : لشيب سلمت يمناك جعلنا والله مانفقدك وصح الله السانك ولسان قايلها وأنشهد إن الشاعر صادق إن الصمت حكمه لاهنت يابو محمد ننتظر جديدك اللي دايم في قمة الروعه تقبل تحياتي وتقديري محب الجميع : دغش البطي |
السلام عليكم ورحمة الله وبركاته اولاً:اسف على عدم الرد في نفس الوقت. بيض الله وجه الجميع(الذيابه) على هذا الرد الكريم ومايزيدنى هذا الرد الا احترام وتقدير للجميع. الأخ العزيز الغالي :ابن هديهد.....الأخ العزيز الغالي :دغش البطي... الأخ العزيز الغالي:ابن وتيد......الأخ العزيز الغالي ال بوزمام....الأخ العزيز الغالي :عـ دوسري ـيناوي |
|
الساعة الآن 12:01 PM
 |
Powered by vBulletin® Copyright ©2000 - 2024, Jelsoft Enterprises Ltd.
---