::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)
-   -   اهلا الوفاء ....... (http://alduwaser.org/vb/showthread.php?t=29675)

محمد الجبريني 07-06-2008 11:09 AM

اهلا الوفاء .......
 
اعزااااائي الكرام
الله يصبحكم بالخير جميع

للتواصل


ابيات بسيطه

تعبير عن صوره
عن توقيع اعجبتني وحاولت
ان اعبر عنها شعرياً
واعسى ان اكون وافقت في ذالك






ياماحلى بيت الشعر وسط الربيع =في ديرة(ن) واللبل وراه معشيه
منظر قسم بالله جميل وفضيع=والبرق يبرق والمزون منشيه
ماكنها الا ديرة الغلبا سبيع = اللي هواها يطرب المتمشيه
عسى المزون الغرا بمرلله تميع=تمطر سحايبها بذاك الرشيه
حتى يسيل من مطرها كل ريع= واشوف الارض من العشب متكسيه
يالله ياقابل دعنا ياسميع= انزل علينا مزنة(ن) متغشيه
اهل الوفاء مايجحدون اهل الصنيع=يوم النذاله فالبشر متفشيه
وطبعي فنا مشره على الراس الصديع=راس الصديع يجيك دايم هشيه
وانا احمدالله دايم(ن) بالي وسيع=ولاني باحب اغش والا انغشيه
وسوق الغلى ان طبيت فيه اشري وابيع=محسب حساب العالم المترشيه
وان ظاع قليل المعرفه مانظيع=حنا سليم اقروم ماننخشيه
حنا العرب حنا ذراء السد المنيع=عدونا راسه نحشه حشيه
فلازمه نبتع كما السيف البتيع=لامن .. بعض الرمي ضعف وطشيه
واسيوفنا وقت القاء تقرع قريع =لاشاف فارسنا خصيم أيكشيه
النور مايخفى بصيصه له شعيع=والفارغه ياسرع ماتنفشيه
حنا الوالد فينا وهو باقي رضيع= بيت الذراء بيته مايسكن عشيه
أهل سيوفاًحدها يلمع لميع=كم فارس(ن)راسه بسيف انطشيه
واليا فعلنا فعلنا فعل(ن) شنيع=تمسي سباع من الجثث متعشيه
انصوع اللي بالمجابه مايصيع=وان قش راسه من متونه قشيه
وعبدالصمد مايجهل اب عبد الشفيع=والياتجاهل فيه لشه لشيه
وهاذي ترى ابياتي على الوضع السريع= والشعر حبك وسبك ماهوغشيه
ياماحلى بيت الشعر وسط الربيع=في ديرة(ن) واللبل وارااه معشيه


وسلامتكم

ابو فهد الغييثي 07-06-2008 12:50 PM

رد: اهلا الوفاء .......
 
صح السانك والله يعطيك العافيه على القصيده الجزله

محمد الجبريني 10-06-2008 12:24 AM

رد: اهلا الوفاء .......
 
اقتباس:

المشاركة الأصلية كتبت بواسطة ابو فهد الغييثي (المشاركة 341169)
صح السانك والله يعطيك العافيه على القصيده الجزله

ابو فهد الغييثي
صح بدنك والله لايهينك
تقبل شكري وتقديررري

فيصل بن جزاء 10-06-2008 12:36 AM

رد: اهلا الوفاء .......
 
صح لسانك ولاهنت وبيض الله وجهك

قصيده جزله من راس جزل

خالص التقدير والاحترام

عبيدالله العرابي 10-06-2008 08:48 PM

رد: اهلا الوفاء .......
 
رااائع راااائع لله درك
قصيده جميله ورائعه من شاعر أروع
صح لسانك وسلم بنانك
لاهنت

ابو زيد الغييثي 10-06-2008 08:55 PM

رد: اهلا الوفاء .......
 

محمد الجبريني

صح اللسانك واعتلا شانك

وبيض الله وجهك على هذه الابيات

الرااائعه والجميله

وأنعم وأكرم بقبيلة سليم العريقة

أخوكـ / ابو زيد .....

محمد الجبريني 12-06-2008 08:10 AM

رد: اهلا الوفاء .......
 
اقتباس:

المشاركة الأصلية كتبت بواسطة فيصل بن جزاء (المشاركة 341987)
صح لسانك ولاهنت وبيض الله وجهك

قصيده جزله من راس جزل

خالص التقدير والاحترام



اخوي الشاعر
فيصل بن جزاء
صح بدنك وقلبك
وكلك ولاهنت على
مرورك تقبل فائق
تقديرري واحتراامي
اخووووووووك

محمد الجبريني 12-06-2008 08:16 AM

رد: اهلا الوفاء .......
 
اقتباس:

المشاركة الأصلية كتبت بواسطة عبيدالله العرابي (المشاركة 342176)
رااائع راااائع لله درك
قصيده جميله ورائعه من شاعر أروع
صح لسانك وسلم بنانك
لاهنت

اخووووي
الشاعر/عبيدالله
العرابي صح بدنك وقلبك
وكلك ولاهنت اخي تقبل فاائق تقديري

راشد المسعري 12-06-2008 12:02 PM

رد: اهلا الوفاء .......
 
محمد الجبريني


ارحب يامحمد وكفو والله بك وبربعك (سليم) وبخوالي (زعب) ،اشكرك على هذه الأبيات الجزلة والمليئة بالفخر وانت تستاهل


قصيدة رائعة مع وجود ملاحظة بسيطة( مدري انت معي ولا لا ) وهي أنك جبرت آخر كلمة في نهاية بعض الأبيات جبرتها لكي تستقيم القافية مثل ( الرشيه ، حشيه ، مايسكن عشيه ..... إلخ )

واخيراً تسائل عن معنى هذا الشطر:-
والفارغة ياسرع ماتنفشيه !!!!!

( أعرف اللي ينفش هو الشيء المملوء وليس الفارغ !!!)

اخوي محمد ارجو تقبل مداخلتي بكل ودومحبة وتقبى شاعر جزل ومحبوب ولك مني أجمل الود والتقدير ،،،

محمد الجبريني 12-06-2008 12:52 PM

رد: اهلا الوفاء .......
 
اقتباس:

المشاركة الأصلية كتبت بواسطة ابو زيد الغييثي (المشاركة 342180)

محمد الجبريني

صح اللسانك واعتلا شانك

وبيض الله وجهك على هذه الابيات

الرااائعه والجميله

وأنعم وأكرم بقبيلة سليم العريقة

أخوكـ / ابو زيد .....

ابوزيد الغييثي
صح بدنك وقلبك وكلك ومشكور
على مرورك لاهنت تقبل فاائق مودتي واحترامي

محمد الجبريني 12-06-2008 01:14 PM

رد: اهلا الوفاء .......
 
اقتباس:

المشاركة الأصلية كتبت بواسطة راشد المسعري (المشاركة 342581)
محمد الجبريني


ارحب يامحمد وكفو والله بك وبربعك (سليم) وبخوالي (زعب) ،اشكرك على هذه الأبيات الجزلة والمليئة بالفخر وانت تستاهل


قصيدة رائعة مع وجود ملاحظة بسيطة( مدري انت معي ولا لا ) وهي أنك جبرت آخر كلمة في نهاية بعض الأبيات جبرتها لكي تستقيم القافية مثل ( الرشيه ، حشيه ، مايسكن عشيه ..... إلخ )

واخيراً تسائل عن معنى هذا الشطر:-
والفارغة ياسرع ماتنفشيه !!!!!

( أعرف اللي ينفش هو الشيء المملوء وليس الفارغ !!!)

اخوي محمد ارجو تقبل مداخلتي بكل ودومحبة وتقبى شاعر جزل ومحبوب ولك مني أجمل الود والتقدير ،،،

استاذي الكريم والغالي الشاعر راشد المسعري
صح بدنك وقلبك وكلك ومشكووور الف مليون الف شكر على مرورك وانتقادك واستفسارك الواضح والصريح بكل ماتعنيه الكلمه والمعني في بطن الشاعر كما قيل
فاللأيضاح لك اخي ولمن لم يفهم ما ذا أقصدة انا بماقلت في المعني
للتوضيح
الشي المملو بالهواء هو فقط اللذي ينفش .
والهواء هنا معناااه كلام فارغ لا فايده منه ولا ثمررره فيه بمعنى زي قلته زي الزيرررو = (0)صفر. هل له وزن او حساب .
عندما تضغط على هذاا الاناء بسرعه يتضحلك فروغه من ما كنت تراااه ممتلي يه


والشي اللذي بنفش هو المملو صحيح ولاكن بماذا مملو بذهب فهل الذهب ينفش او لايقيم له سعر ولا وزن ام لا؟ وماهو اللذي ينفش الله يكرمك والسامعين هو فقط الاناء او الشي المملو بالهواء فقط والمملو بالهواء لا قيمه ولاوزن له خاااصه في الشعر فلا تقارن بين اناء الشعر والأشياء الاخرى وانت شاعر ولا يخفى عليك شي تقبل فاائق تقديررري واحتراامي

راشد المسعري 12-06-2008 01:42 PM

رد: اهلا الوفاء .......
 
اقتباس:

المشاركة الأصلية كتبت بواسطة محمد الجبريني (المشاركة 342587)
استاذي الكريم والغالي الشاعر راشد المسعري
صح بدنك وقلبك وكلك ومشكووور الف مليون الف شكر على مرورك وانتقادك واستفسارك الواضح والصريح بكل ماتعنيه الكلمه والمعني في بطن الشاعر كما قيل
فاللأيضاح لك اخي ولمن لم يفهم ما ذا أقصدة انا بماقلت في المعني
للتوضيح
الشي المملو بالهواء هو فقط اللذي ينفش .
والهواء هنا معناااه كلام فارغ لا فايده منه ولا ثمررره فيه بمعنى زي قلته زي الزيرررو = (0)صفر. هل له وزن او حساب .
عندما تضغط على هذاا الاناء بسرعه يتضحلك فروغه من ما كنت تراااه ممتلي يه


والشي اللذي بنفش هو المملو صحيح ولاكن بماذا مملو بذهب فهل الذهب ينفش او لايقيم له سعر ولا وزن ام لا؟ وماهو اللذي ينفش الله يكرمك والسامعين هو فقط الاناء او الشي المملو بالهواء فقط والمملو بالهواء لا قيمه ولاوزن له خاااصه في الشعر فلا تقارن بين اناء الشعر والأشياء الاخرى وانت شاعر ولا يخفى عليك شي تقبل فاائق تقديررري واحتراامي





ارحب يامحمد


ارحب مرة اخرى ،ووالله إني ماكتبت ملاحظتي لك إلا بعد ماقرأت قصيدتك أكثر من مرة وأدري إنه مايكتب هذه القصيدة أي شاعر ، لأن قصيدتك تدل على قوة شاعريتك (وليس مجاملة ) وماكل من يكتب ملاحظة معه حق ، والعكس صحيح .

وردكا المتزن دليل على إنك شاعر تقبل النقد وترد بطريقة الفاهم العاقل ، ووجهة نظرك وصلت وكلامك واضح وقصدك أوضح يامحمد.
سجلني متابع لما تكتبه من قصايد رائعة وجزلة وبيض الله وجهك.


وتقبل مني أجمل ود وتقدير ،،،

فارس الكلمه 12-06-2008 02:46 PM

رد: اهلا الوفاء .......
 
حـتـى يسـيـل مــن مـطـرهـا كـــل ريـــع
واشـوف الارض مـن العـشـب متكسـيـه



اخوي محمد الجبريني كتبت وابدعت



انا من اشد المعجبين باقصيدتك الرائعه


ولاكن عندي ملاحظه

واشوف الارض من العشب متكسيه

محمد الجبريني 14-06-2008 07:56 PM

رد: اهلا الوفاء .......
 
اقتباس:

المشاركة الأصلية كتبت بواسطة راشد المسعري (المشاركة 342595)
ارحب يامحمد


ارحب مرة اخرى ،ووالله إني ماكتبت ملاحظتي لك إلا بعد ماقرأت قصيدتك أكثر من مرة وأدري إنه مايكتب هذه القصيدة أي شاعر ، لأن قصيدتك تدل على قوة شاعريتك (وليس مجاملة ) وماكل من يكتب ملاحظة معه حق ، والعكس صحيح .

وردكا المتزن دليل على إنك شاعر تقبل النقد وترد بطريقة الفاهم العاقل ، ووجهة نظرك وصلت وكلامك واضح وقصدك أوضح يامحمد.
سجلني متابع لما تكتبه من قصايد رائعة وجزلة وبيض الله وجهك.


وتقبل مني أجمل ود وتقدير ،،،


مرحبا بك اخوي واستاذي الكريم الشاعر راشد المسعري مره
اخرى ومرورك اخي في متصفحي وانتقادك لي انا اعتبره اكبرشرف لي طال عمرك ولاهنت والمعذرره فأنت ناقد متزن ومولم وامتمكن من طريقة النقد البنا والنقد المفيد ولأيجابي وناجح في طريقة نقدك . ولاهنت واعذرني على تبريري لماقلته واحسب قناعتي بما قلته وحسب اللهجه المحليه والمتعود عليها لساني وانت لك حريت الراااي المطلق في ماتراه اخووي ودمة بخير تقبل فااائق مودتي وتقديرري ولاهنت اخوووك واتلميذك الجبريني

فهد بن بداح الدوسري 14-06-2008 08:00 PM

رد: اهلا الوفاء .......
 
صح السانك والله يعطيك العافيه على القصيده الجزله
واشرك راشد المسعري على مداخلته واشكر محمد
على رده ،،،،،،،


الساعة الآن 05:47 PM

Powered by vBulletin® Copyright ©2000 - 2024, Jelsoft Enterprises Ltd.
---