قصيده اكثر من رائعــــــــه لشـــــــــــاعر جزل وغنى عن التعريف

وقصائده جميها بدون استثناء اكثر من رائعــــــــــــــــه

الشاعر رشيد الزلامـــــــــــى

ياموزع النعم خل النعم لاصحابـه=ما ينعطي غيـر للـي يستحقونـه
يستاهل النعم رجل(ن) فاتح بابـه=للضيف وليا بغوه بحـال يلقونـه
اللي بوقت اللزوم يبيـن مضرابـه=سيف تحـده لزومـه مايحدونـه
ولا الردي لا تقول ونعم يضرابـه=يرهي على نعم وهوه قاصرا دونه
ليا قلت له نعم قام يفتل اشنابه=يحسبك صادق مايدري نعم وشلونه
يطمع بشي يموت الخبـل ماجابـه=ثم قال انا جبت نعم اللي يقولونـه
بعض البشر يحلمون احلام كذابـه=ومن لا عرف قدر نفسه عد طبلونه
يجيك مسرع مايدري ويش يبلابـه=من قله العرف مايمشي على هونه
اما على اقرب قريب اشتال مشعابه=ولا على الغافلين يسـل مسنونـه
تناول الغايبيـن وكثـروا احزابـه=اللي على قلـه الخيـره يدفونـه
واهل العقول سكتوا ماقالوا الجابه=لا ينقصونـه بشـي ولا يزيدونـه
قالوا هذا فيه عاهـه وابتلشنابـه=والا هذا فيه شـي مـا يعرفونـه

وسلامتكـــــــــــــم