في غزوه من غزوات عقاب بن سعدون الفارس المعروف صادف ثلاثمية فارس من فرسان حرب

وكان عقاب معه ثمانين فارس فوقع الطراد بينهم وحصل خساير بين الجميع .

واثناء رجوعه الى قبيلته اعترضته فتاه تساله عن حليلها وكان من الفرسان المرافقين له

فانشدت تساله بهذه القصيده

ياعقاب ياحبس الظعن باللقا الشين= ياللي حريبـك بالهزيمـه يمنـا
عينت ذيب الخيل يوم الاكاويـن= نور العيون بغية الشمـس عنـا
هو سالـم ولا رمـوه المعاديـن= يا عقاب خبرنـي تـراي اتمنـا

فاجابها بهذه القصيده يخبرها عن حليلها وما وقع لهم

يا بنت ياللي عن حليلـك تساليـن= حنـا لنـا حـي يسالـون عـنـا
خمسة عشر ليله على الوجه مقفين= نـدور وضـح بالاباهـر تحـنـا
وشفنا هل البل شاربين الغلاويـن= مـن دون رخـم للحويـر تحنـا
جونـا ثلاثميـه وحنـا ثمانـيـن= مثل المحوص الشلف منهم ومنـا
وبانت رديتهـن وشفنـا الردييـن= وكلٍ عرفنـا عزوتـه يـوم كنـا
ليتك تراعـي ياعـذاب المزاييـن= يـوم ان عيـدان القنـا يطعنـنـا
منا حليلك طـاح بيـن المثاريـن= في ديرةٍ فيهـا الوضيحـي تثنـا
ومنهم جدعنا عند شوقـك ثلاثيـن= وكم خيرٍ من راس رمحـي يونـا
في ساعةٍ فيها تشيـب الغلاميـن= انطح نحور الخيـل يـوم اقبلنـا
ياما نقلت الديـن والحقتـه الديـن= وحريبنـا فـي نومتـه مـا تهنـا
ارسي لهم يا بنت وانتي تعرفيـن= لياما حمام النصر رفـرف وغنـا

المشاركة الأصلية كتبت بواسطة عبدالله الشكري لاهنت اخوي الشكري وماقصرت على سردك الرائع للقصه والقصيده اخوك عبدالله الشكري

المشاركة الأصلية كتبت بواسطة العياضي الله لا يهينك ولا يحرمنا من مثل هذه المشاركات يعطيك ألف ألف عافية يالشكري