|
استفسار عاااجل ياالدواااااسر للأهميه
سألني بعض الاخوان من قبائل ثانيه يقولون انه قبل كم سنه قتل امير من ال سعود في
الحدود العراقيه وكان معه خويااااه وانهم هربو وتركوه يقتل وادعو ان اخوياه من قبيلة الدواسر وان الامير من الكبير هل قصة السالفه ومقتل الامير صحيحه هل احد عنده معلومه عنها ؟ ان كانت صحيحه هل اخويا الامير دواسر؟ ملحوظه يقولون السالفه قبل كم سنه يعني قبل الحرب هذي اللي باالعراق تقبلو تقديري وتحياتي |
قصه قديمه و معروفه.. لكن ماهوب كل اللي ذكرته صحيح..
الأمير المغدور رحمة الله عليه كان مشهور بالشجاعه و الكرم.. وفي نهار احد الايام وهم قانصين عند حدود العراق.. نصا مخيمهم رجالين عراقيين راكبين دباب.. ضيفهم الامير واكرمهم و شرهم.. وطلع الامير مع اخوياه يدورون حباري.. ما بقى الا القهوجيه و العراقيين بالمخيم .. استغل العراقيين خلو المكان ودخلوا خيمة الأمير وسرقوا شنطه فيها أمواله و تصادف ان يبيله حاجه من المخيم.. لكن للأسف كان بالسياره لحاله .. ما لقى الشنطه و سأل الموجودين.. عرف ان السارقين هم اللي جوهم على دباب وانتبه لعجتهم من بعيد.. وراح يطاردهم بالسياره لحاله.. طبعا لحقهم ولكن ما كان يدري انهم مسلحين .. كان على ما أظن يبي يوقفهم.. والعراقيين يوم عرفوا انه ماهوب فاكهم ثوروبه برشاش كلاشنكوف ـ على الأتوماتك ـ .. و القهوجيه علموا خوياه على السالفه.. ودوروه و لقوه ولكن بعد فوات الأوان.. والقتله دخلوا الحدود العراقيه و لم يعثر لهم اثر.. السالفه تختلف من راوي لراوي... لكن الأكيد ان رحمة الأمير كان لحاله و قتل غدرا... |
بيض الله وجهك يابوسلمى على ذكر تفاصيل القصة ودحض افتراءات البعض .
تقبل تحياتي،، |
جزاك الله خير ياابو سلمى
باقي عندي استفسار هل اخوياه اللي معه في المقناص دواسر ؟ |
ماحد جاوبني وينك ياابوسلمى
هل اخويا الامير اللي معه في المقناص دواسر؟ |
السلام عليكم ورحمة الله وبركاته اخوي كهف المغاريب انا لم اسمع بالسالفه هذي ونشدت ولا احد رد لي خبر عنها كلن يقول اول مره نسمع بها لكن الاكيد لو خويا الامير دواسر ماراحت القضيه وانتهت ما درينا بها وماهوب اننا اللي نخلي دم خوينا ولو اللي ذابحه عراقي دورناه وانا لقيناه ولاخذينا من طرفهم اللي يسمحنا في خوينا واجد والاشوي وافعول جداننا تشهد ولا اننا باردى منهم والظاهر لو السالفه صحيح كان سمعنا بها في الاخبار وكلن ذكرها العلم اللي مثل ذا مايتغبى والظاهر اهل الامير وجماعبه ماهم بمخلين دم رجالهم يروح والاكيد انا العاقل ينقد على ذا السالفه وراعيها اللي ذكرها الاول اخوك الحر |
آسف على التأخير..
الحقيقه ما أدري اذا كانوا دواسرولا لأ.. لكن أنا ودي أسألك سؤالين.. 1/ بعد ما قريت السالفه اللي ذكرت.. هل تظن ان الخويا بيدهم شي يسوونه؟ 2/ هل يعيب الدواسر.. ان كانهم دواسر؟؟؟ ودي اضيف معلومه.. بعد ما وقعت هذي الجريمه و فرار القتله لموطنهم العراق.. صدام حسين قبض على مجموعة من المشتبه فيهم.. ولم يستطع الشهود التعرف على القتله لتشابههم ـ من نفس الحموله ـ .. فأمر صدام بقتلهم لعدم اعتراف أيا منهم.. الا أن أصحاب الثار تنازلوا لما في هذا الأمر من ظلم وجور لا يرضاه سبحانه و تعالى.. |
صح لسانك اخوى الحر ولا هنت على الرد الشافي
|
الساعة الآن 01:53 AM
 |
Powered by vBulletin® Copyright ©2000 - 2024, Jelsoft Enterprises Ltd.
---