ياجار كانك طعتني برقع الطير= طيرك وحش واقلوبنا مستميته
لولاي رجلٍ من رجال بهم خير= ماصد واغض النظر من بخيته
ياجار طيرك كل ماعرّض اعصير= مدري علامه يلتفت مادعيته
يمر كنّه شارد الصيد لاذير= لابوه لابو حي حيّه وميته
اغيروانذر ، وانذر القوم ، واغير= وابيع روحي ، وانهزم لابغيته
يردّني ياجار طبعٍ لنا غير= الجار ماندرج لغرات بيته
يبقا على حشمه وشيمه ، وتقدير= ويروح عنّي بالردا ماقفيته
من خوف شيِ مابعد صار ، ويصير= يامّا هدمت البيت ، والاّ بنيته
بعدٍ عن الهيّن معزّه وتوقير= ورجمٍ على غير النقا مابديته
يحدني يم الخطا دون تبرير= الي بلاني بالهوى ، مابليته
وانا بشر مني خطايا وتقصير= الله يغفر كل ذنبٍ جنيته .

أخي الشاعر المميز , عبدالرحمن بن فلاح آل بريك

صح لسانك وسلم بيانك
قصيدة حكيمة وغنية بالكنوز الابداعية
ومافيك حيلة يالسّمي السامي



وانا بشر منـي خطايـا وتقصيـر .. الله يغفـر كـل ذنـبٍ جنيـتـه


هذا البيت منفردا يعتبر كقصيدة
سلم فكرك وبيض الله وجهك
لاعدمناك