::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)
-   -   مبروك لجميــع الدواســــــر (http://alduwaser.org/vb/showthread.php?t=671)

ناصر بن دهيم 24-04-2005 05:25 AM

مبروك لجميــع الدواســــــر
 
السلام عليكم ورحمة الله وبركاته

شي يشـــــــرف ويثلــج الصدر صراحــــــــه


اسم هالمنتــــدى غالي علينا كلنا وربي تعجز الكلمات عن التعبير لهذا الصرح الكبير انا دخلت لكي اتشرف اني اكون من اعضــاء منتدى الدواسر واتمنى لكم التوفيق اخواني كل الشكر للقائميين على هذا المنتدى وبالاخص اخوي العماني


جديدي وحصريا هالقصيده لمنتدى الدواسر .....


ياصاحبي نايف تقهوى من الكيف = من دلةٍ يطرب لها كل كايف
فل الحجّاج ولا تشل التحاسيف = لا تشيل هم اللي حساب الكلايف
اصحاب ضحك ويعشقون السواليف = من كذبهم تشكي كثير الشفايف
اغث حاجه في الحياه الملاقيف = اوساع الحلوق مفرقيـين الولايف
امصففيين الكذب تصفيف تصفيف = كن كذبهم مثل الفرح والطرايف
الرفقه اللي تنبنى فوق تزييف = لا فرقوها ماعليها حسايف
بعطيك كلمة حق ماهيب تأليف = ترعرعت بين الضلوع النحايف
اشوف لي في هالزمن شي ماشيف = لو غمضت عيني به القلب شايف
كلٍ يبي في قمة المجد تصنييف = والمجد ماجابه من الناس خايف
جالك كلام القلب من دون تحريــف = وياصاحبي نايف عسى العز نايـف

وسلامتــكم
ناصر بن محمد بن دهيم الغييثات

تركي ال فنيس 24-04-2005 05:29 AM

وعليكم السلام ورحمة الله وبركاته

مرحباااااا يابن دهيم شرفت المنتدي واسمك لامع في صفحة الشعراء


صح السانك يابن دهيم والي الامام

الشريف طامي بن ردّه 24-04-2005 05:33 AM

هلا و الله و مرحبا و مسهلا

بالشاعر المعروف ابن الشاعر المعروف محمد بن دهيم الله يرحمه

والنعم والله بكم كلكم يا آلاد دهيم

زدت نور المنتدي نور يابو محمد

صح لسانك ولا وقف ابداعك

اخوك طامي بن ردّه الجودي الجعفري الحسيني الهاشمي

ابو مَيَار

عبدالله الشكري 24-04-2005 06:37 AM

مرحبا مليون ياناصر بن دهيم
وعز الله فرحنا بتواجدك يالقرم
وحياك الله بين اخوانك وبني عمك في منتداك وبيتك الثاني
وانت راعي محل
وعز الله انك اسم لامع في سماء الشعراء

وصح لسانك على القصيدة
قصيده جزله وبيض الله وجهك


وبأنتظار روائعك


اخوك
عبدالله الشكري

سلطان القحطاني 24-04-2005 07:14 AM

الـشـاعر / نـاصـر بن دهـيم

شـاعر غنـي عن التـعريف و وجوده في أي مكـان يعـتـبر كسب

صـح السـانك يا نـاصر مـدد ما هـوب عدد

تـقـبـل تـحـيات أخوك/

سـلـطـان ال عـاطـف القحطاني

نايف 24-04-2005 09:25 AM

صح لسانك ياناصر وبيض الله وجهك ومرحبا ومسهلا بك في منتداك وبين ربعك واخوانك
ولاتحرمنا من ابداعاتك
وتقبل تحياتي ,,,,

أبوفهيد الودعاني 24-04-2005 07:53 PM

صح الله لسانك يابن دهيم وبيض الله وجهك

على القصيده الجزله ولا عدمنــــــــااك


دمت متألقاً ،،،،،

راشد النتيفات 26-04-2005 02:48 AM

صح لسانك ومرحبا والله ومسهلا بوجودك معنا .

أبو محمد شاعر غني عن التعريف, لا تحرمنا وانا خوك من جديدك.

& راشد النتيفات &

الودعاني 26-04-2005 02:47 PM

ناصر بن محمد بن دهيم الغييثات
صــــــــــــ لسانك ــــــــــــــح
ولاهنت على القـــصـ المبدعه ـــيدة

فيصل بن جزاء 13-11-2007 01:17 PM

رد: مبروك لجميــع الدواســــــر
 
صح السانك ياابومحمد على النص الرائع الذي لايجيده سوى ناصر بن دهيم

م/ سيف الجماعيين 13-11-2007 01:26 PM

رد: مبروك لجميــع الدواســــــر
 
كلٍ يبي في قمة المجـد تصنييـف والمجد ماجابه من الناس خايـف
صح السانك يابومحمد. مبدع بمعنى الكلمة.

تحياتي.

ملاحظة : كل ماتذكرت قولك على بالك في "تكساس" انت. اضحك.

ابو زابن المسعري 13-11-2007 01:59 PM

رد: مبروك لجميــع الدواســــــر
 
صح الله السانك وبيض الله وجهك

جزل وماتجيب الا الجزل جعلك تسلم

@الجابر@ 13-11-2007 02:06 PM

رد: مبروك لجميــع الدواســــــر
 
صح لسانك يابن دهيم

والله يحييك بين ربعك

ولاتحرمنا جديدك

ابوهادي الودعاني 13-11-2007 02:45 PM

رد: مبروك لجميــع الدواســــــر
 




صح الله لسانك يابن دهيم وبيض الله وجهك

على القصيده الجزله ولا عدمنــــــــااك


دمت متألقاً ،،،،،

فالح بن فهاد 13-11-2007 02:55 PM

رد: مبروك لجميــع الدواســــــر
 
اقتباس:

المشاركة الأصلية كتبت بواسطة خـالد الودعـاني (المشاركة 237448)
اصحاب ضحك ويعشقون السواليف=من كذبهم تشكي كثيـر الشفايـف
اغث حاجه في الحيـاه الملاقيـف=اوساع الحلوق مفرقيين الولايـف
امصففيين الكذب تصفيف تصفيـف=كن كذبهم مثل الفـرح والطرايـف
الرفقه اللي تنبـى فـوق تزييـف=لا فرقوهـا ماعليهـا حسـايـف




صح الله لسانك يابن دهيم وبيض الله وجهك

على القصيده الجزله ولا عدمنــــــــااك


دمت متألقاً ،،،،،


صح الله لسانك يابن دهيم والله لايهينك على الابيات الفائقه في مجال الحياه والاخلاق


الساعة الآن 10:11 AM

Powered by vBulletin® Copyright ©2000 - 2024, Jelsoft Enterprises Ltd.
---