قال لي اوصف حلاها وحاول لاتثير=عبرتن من عام الاول تعن اخيالها
قلت له واقعك 00ياصاحبي جداً خطير=والمصيبه من عَشَقْها يجيه اهبالها
منوة اللي من قناها يشكّل بالمدير =ولا بدى له لازمن ماشكت له حالها
يكتب الشيك المصدّق ويعطيه الخبير=لا حصل له فالها مقتفيه اعقالها
مايحسّب للخساير ولايسمع شوير= وعن طويلات الهدب مايحوش اعيالها
جابها الناغي من اديارمعدوم الضمير=لبوةٍ تمغط ظهرها بعكس اقبالها
لستوت بلقاع تفرش وتسحب للأخير= مركب الحكام لاروحت لعمالها
لقبلت كنْها تقول الخلا يلي تغير=ولدبرت تسفط وراها جميع اشكالها
تلبس الديباج بطره وتكشخ بالحرير=وان شعت بالليل ترخي عليك اجلالها
تعطي الملقوف نظره وتضحك للغرير=وان صخت له بالمشاعر يتوق اوصالها
في تناسق لونها شي من لمعة شطير=لستباحت عتمة الليل بان اهلالها
طلقتن منهوسبرها يسلّم للخفير= محتمل بشعاع عينه يعَطب ارسالها
شكل راعيها مبنك وو جهه مستدير=لابغى له حاجتن مارضى ببدالها
عيبها وسط المدينه تلذذ بالمسير=وان قرَبها راعي الذود زاد اجفالها
من سلايل شايبن ماحدَر صوب المحير= فيضتن ريح الخزامى يعطّر جالها
فيضتن من جا لهلها يعيّن كل خير= ولحتمى الميقاف قومن تبين افعالها

المشاركة الأصلية كتبت بواسطة نجــــــــــديه (المشاركة 422675) صح لسانك وعلا شانك ابيات قمه في روعه تسلم يمناك لطرحها ويسلم لنا فكرك دمت مبدعا الله يحفظك

المشاركة الأصلية كتبت بواسطة شافي القويسي المخاريم (المشاركة 422679) صح لسانك يا ابن رويه عزالله قصيده وافيه ووصف راااائعه لاهنت يالذيب على الطرح الجميل تحيااااااااااااتي

المشاركة الأصلية كتبت بواسطة محمد الفايز (المشاركة 448165) صح السانك ابداع

المشاركة الأصلية كتبت بواسطة ابوبدر المصارير (المشاركة 448176) جزل مايجي مه الا جزل صح السانك يابن رويه قصيده جميله جداً الله يعطيك العافيه

المشاركة الأصلية كتبت بواسطة محمد بن سالم بن فهيد (المشاركة 448200) الشاعر ماجد بن رويه صح لسانك وصف فريد ودقيق تقبل مروري