::: مـنتدى قبيلـة الـدواسـر الـرسمي ::: - بن عون وبن جدلان وبن عباد

السلام عليكم ورحمه الله وبركاته

هذه قصيده للشاعر عبدالله بن عون التي جاراها سعد بن جدلان ومحمد بن عباد السلولي

واترككم مع قصائد اطواد الشعر

عبدالله بن عون العتيبي

شعتني علوم الصيف وارقلت للمسناد
ولاعاد يعذل واحـد طافـح شبلـه
آبي عبلة ضافي عليها كما السجـاد
ديار يرود عدودها من يحـب ابلـه
ولاعاد لي من يوم سال الشفا مقعـاد
عتيبي وداري فـوق ونحيتـي قبلـه
مادامه وكد لي سيل وادي قليب عنادا
نا ويش يحرمني شفا نجـد والعبلـه
ابتبع هوى وضحا تحط البيد سنـاد
لها غير زين طبوعهـا خـدة قبلـه
ليا سمعت الحادي نده ندهة الميـراد
تقود اول الزعجول لول وتقرب لـه
ابيها ترفع فوق عن ساخـن الانفـاد
وتجي في فياح كل مصلاح يطرب له
انا في الديار الطامنه في تعب وجهاد
على كثر مرعاها مداخيلهـا خبلـه
عساها يساقيها المطر ديرة الاجـواد
ولابيها لون ثمامهـا ينقلـب ربلـه

سعد بن جدلان الاكلبي

شعتني قصيدة شاعر عـذ ّب القصـاد
ماحد يستلذ السالفـه ليـن تنسـب لـه
علومك يا بو نايف قراح ٍ على الأكبـاد
لكن تجرح قلوب ٍ مع الوضـح منهبلـه
مواليف وضح ٍ كنها وضحى بن عبّـاد
لا شافها راعي الدبـش طيـرت شبلـه
تواغض مع الريضان كنها خيام أسيـاد
لونها بعيد ٍ بـادي الرجـم تقـرب لـه
أو حمّـى مغاتيـر ٍ مقاديمهـا شـراد
هريب السحاب اللـي تواليـه منسبلـه
قبلهـا ليـا مـن المنـاره سناهـا زاد
قبل الاشهب المرشوش لا فضوا اصطبله
عنقا مارق ٍ نسنوسهـا سدوهـا منقـاد
مع طـول خدتهـا خراطيمهـا سبلـه
شنـاح ٍ طفـوح شبلهـا دايـم ٍ خـدّاد
لونها مع ذود ابن عمـي خذيـت ابلـه
لا ضاقت براعيها الوسيعه بكـل بـلاد
يحوّم و كبده من هـل المـدن مندبلـه
لا منه نطحها عصر و لا هجد مهجـاد
ليا شافته قامـت تـرازم ترحـب لـه
هذي تنطحه تبغـى تقبّلـه جـد عمـاد
وهذي تنهب شماغه و هذيك تلعب لـه
و الله ما يهني من حكم عاصمة بغـداد
اللي له مزامير الفخر تضـرب الطبلـه

محمد بن ناصر بن عباد السلولي

جذبني صدى صوت ٍ تلاحت به الأطواد
يتعّب هواة الشعـر بعـده و مـن قبلـه
صدى صوت عرّافٍ لشعـر الأدب روّاد
منابع عيون الشعـر و الكلمـه الذبلـه
تلاحوا على وضح ٍ عليها العيون حـداد
ولوف ٍ على صوت الموده تراقـب لـه
دقـاق العنـوق اللـي خراطيمهـا ورّاد
على حب راعيها شغـوف ٍ و منجبلـه
تقدم لها بن عون فـي وصفهـا نشّـاد
و شعا الأكلبي و الأكلبـي تلنـي حبلـه
و انا قبل صوته ماشي ٍفي الطريق حياد
على ما تقول الناس كـل ٍ علـى هبلـه
و بعد زعزع الوضحى فلا عاد لي صدّاد
سلولي و قلبي طاري الوضح يرغب لـه
ابتعب واحاول لو لحقني عنـا و انكـاد
على منهج ًٍ ما كل قـاف ٍ يناسـب لـه
و انا في هواها مغـرم ٍ هايـم ٍ منقـاد
لو اكثر علي اللـوم فـي حبهـا الابلـه
اوقـع لهـا بالعشـر واشهّـد الأشهـاد
انه لاعـب ٍ بـي حبهـا لعبـة السبلـه