لا واهنيـك يالحويـر هنـيـاه =يوم انت في شوقك لقيت البدابل
وانا وليفـي ماحصلـي حلايـاه=لو دوجوا بي في قفـار وحايـل
وليفي اللي كل ماجيـت ابنسـاه=دعوا سميـه ذاهبيـن الحمايـل
يفز قلبي كل ماوحيـت طريـاه=فز المحبب من خشـوم الفتايـل
قلت أظهره يالقبر ليـن آتحـلاه=حال اللحد من دون سمر الجدايل
ياطول ماني في ذرا البيت ويـاه=من بيننا ينثـر جثيـل الجدايـل
قال.انت شالح قلت له أيه انا أياه=قال..انقلع لاعاد عنـدي تخايـل
مادام في شقـراء دلال مراكـاه=ومادام فالحوطه غروس ظلايـل
ومادامت الحضران للبر تـذراه=ومادامت البدوان تقنى الرحايـل
كن الزباد الخلص داخل شفايـاه=من مبسم مايدهلـه كـل سايـل