والحكمه الي جتك من راس مرجوج
 

هنيت منهو طول الايام مبهوج = مبسوط بالدنيا ولو يلحقه ذل
مامجها مره ولا مرته نوج = أما ردي احساس ولا ولد دل
وحنا نسارقها وهي بالحشا لوج= نبي لعل وليت والا عسى وعل
والى ان ابو فواز من غبة الموج = قال الخطا قلت الطلب قال لي قل
قلت الله الله يا ازرقٍ تقل راهوج = جمٍ غزير وتارده بل عن بل
يسقي صديرٍ مالها بالروى حوج = والمضميه مابلت حلوقها بل
راجت وداجت لين ملت من الدوج = وشلت ل ميرادٍ بعيدٍ يبي شل
يالله بنوٍ فيه رازم ولاعوج = يزعج فحول الاوديه دق مع جل
يسقي فجوج الارض مايترك فجوج = ادمس نهاره وانعمس كن به غل
وصنت تقل خلفه وبالديد لاهوج =ودرت وحست في نفيع اللبن حل
تسقي من الساحل إلى نقرة الهوج = ديمومةٍ مترخيه كنها ظل
مدات جوادٍ بلا مْن وهروج = يفقر غناوي جاحد ويغني مقل
والا البشر في منزلة جوج ماجوج = الرزق واجد والعرب خيرها قل
يامعدل ارقاب الركايب وهن عوج = البل تموت ارقابها مالها حل
والحكمه الى جتك من راس مرجوج = خذها وقل لله در المهبل>>>>>>(((((الشاعر سليمان بن جبيل البلوي)))))