ياهجوس فكري حني أرجوك حني=لا تتعبين الفكر ياهجوس تفكين
اسهر واهوجس والدموع أفضحني=كله سبايب بعد مريوشة العين
بنات فكري دايم( ن )تمتحني=لا شفت نظرة عينه ورسمه الزين
الصاحب اللي في خفوقي مبني=صروح عشق ونايفات المحبين
ياهل الهوى ياليتها بالتمني=لن أمنياتي هي لقى نازح البين
اللي غلاها بالحشى مرجهني=بين الضلوع ومنزله بالشرايين
متمكن( ن )في وسط جوفي ومني=يسوى جميع الخلق الأقصى والأدنيين
أبكي فراقة والدموع أفضحني=ابكي فراقه وين أنا والفرح وين
أشكي أفراقة ليل( ن )أظلم وأوني=ونة يتيم( ن )صابة الفقر والدين
فياوجد حالي وجد عود( ن )مسني=عود( ن )غزوه القوم الناس ممسين
هذي تصاريف الزمان اذهلني=توي شباب وتهتنا بين شيين
الأوله وصل الغضي وخاب ظني=ابغيه لكن ما كتب لزم يبين
والثانية فرقى ولا هيب مني=منه عسى الله يحفظه قولوا آمين

متمكن( ن )في وسط جوفي ومنـي=يسوى جميع الخلق الأقصى والأدنيين
أبكـي فراقـة والدمـوع أفضحنـي=ابكي فراقه وين أنا والفـرح ويـن