::: مـنتدى قبيلـة الـدواسـر الـرسمي ::: - شيلة الرفيق للشاعرخالد بن مدعث الدوسري اداء/جريم المصارير وجبر المصارير

شيلة الرفيق للشاعرخالد بن مدعث الدوسري اداء/جريم المصارير وجبر المصارير

بسم الله الرحمن الرحيم

السلام عليكم ورحمة الله وبركاته

اقدم لكم شيلة (الرفيق) للشاعر/خالد بن مدعث الدوسري

أداء: جبر المصارير -جريم المصارير

الرفيق اللي ظنونه ماتغيّر في رفيقه
كامل ٍ والكامل الله منسب ودنيا ودينا

من يبور بصاحبه يبور بكره في شقيقه
قاطع حبال الصداقه مثل مقطوع اليمينا

والعديم اللي يسرّ العين وينومس صديقه
نشتريه ونشتري عِرفه وحنّا الرابحينا

خوّةً تبنى على التقدير بحبالٍ وثيقه
عارفٍ حقّي عليه وعارفٍ حقّه علينا

انتواجه بالمعزّه والمحبّه والحقيقه
وانتفارق بالوجيه اللي عليهنّ التقينا

نلحق الشرهه بعضنا والخطا محدٍ يطيقه
يسبق العذر النصيحه قبل مايخطي حدينا

مثل هذا والله انّا مانجنّب عن طريقه
وانّه اغلى من نزوره وانّه اغلى من يجينا

الوفي نوفي حقوقه والمنافق في حريقه
من يصدّ بوجهه يقابل به ظهور السنينا

مشاهدة

http://www.youtube.com/watch?v=n14E89hDa9o

تحميل

أرق التحايا

رد: شيلة الرفيق للشاعرخالد بن مدعث الدوسري اداء/جريم المصارير وجبر المصارير

كلمات في قمة الجزاله من ابو مدعث

واصوات رائعه للشباب جريم وجبر المصارير

بيض الله وجيههم على الإصوات والإخراج المميز

لاهنت يبو حمـــــد ،،،،

رد: شيلة الرفيق للشاعرخالد بن مدعث الدوسري اداء/جريم المصارير وجبر المصارير

الله الله يآسلآآم

قصيدهـ جـزلـه من شـآعر جـزل مـآهـي غريبـه عليـه هالجـزآلـه .. شـآعـر ووآفـي يآبومدعث وصح لسآنك مليووون !!

والمصآرير عز الله أن أصواتهم جميله ومبدعين والى الأمآم ...

أبوحمد لا هنت ع النقل الرآئع !!

رد: شيلة الرفيق للشاعرخالد بن مدعث الدوسري اداء/جريم المصارير وجبر المصارير

صح لسان الشاعر قصيده جزله
و صوت طيب