مرثية في الأمير / فيحان بن خلف بن قويد
السلام عليكم ورحمة الله وبركاته
بسم الله الرحمن الرحيم هذه مرثية في الأمير / فيحان بن خلف بن قويد "رحمه الله "
أبوك ما خليت يا موت فيحان = اللي ورى وادي الدواسر يحامي وادي الدواسر من على عصر بدران= يوم الجهل قدام عصر الكمامي يحسن عزاء الوادي موارث كحيلان = تبكيه هدب الغرس هو والجهامي يابو خلف مرحوم يا طير حوران= عليك يا فيحان مني سلامي يوم راح فيحان وراء الشيخ شيبان = حلوبة الأجناب مثل التهامي لونه حي كان للدار حدان = كان البلاد الراسية ما تضامي غدوبة القيمان رعاية الضان = مهوب روس إلي عليهم كلامي الدار تبغي عقب شيبان شبان = أقولها ما هيب روياء حلامي في جنة الفردوس نوراً وريحان = يالي بلاده للعدا ما تسامي من صلب شارع طيب الساس فيحان = يقفي على القيمان كنهم لدامي يشهد (( دويش مطير)) مهوب غلطان =بفعل الشيوخ الطيبين الكرامي إلي لهم في موقف المجد برهان= حريبهم لا من شكى ما يلامي و السلام ختام ) الشاعر / مبارك بن ناصر بن حمير الدوسري كـــــــــاتــــــــبـــــــــة / خــــــيــــــــال الــــعـــــبــــــــيـــــــــة |
الله يرحم الامير فيحان ويسكنه الجنه بيض الله وجهك وصح السان الشاعر والسانك
اسمحلي علي تنسيق القصيده |
يا مرحبا والله باخوي تركي الودعاني
و الله يرحم الأمير فيحان بن قويد و صح السان الشاعر و مشكور على مرورك أما التنسيق فتمون و ان اخوك.......... |
خيال العبيه
الله يعطيك الف عافيه وصح الله لسان الشاعر |
ارحب يا سعد المقابلة
و الله نور المنتدى بمشاركاتك الطيبة ،،،،،،،،،،،، |
صح السان الشاعر
وسلمت يمنى الناقل والله يرحم الامير فيحان بن قويد ويسكنه فسيح جناته اكرر شكري وتقديري لك ياخيال العبية على مواضيعك المتميزة والله الموفق تحياتي |
صح السان الشاعر
وسلمت يمنى الناقل وبيض الله وجهه والله يرحم الامير فيحان بن قويد ويسكنه فسيح جناته وننتظر جديدك لاعدمناك يالقرم والك تحياتي |
تسلم ياخيال العبية على هذا النقل الرائع
وصح لسان الشاعر قائل القصيدة ورحم الله أبو خلف رحمة واسعة |
يا مرحبا فيك اخوي ابومحمد الودعاني
و صح لسان الشاعر و الله يرحم الأمير فيحان بن خلف بن قويد
|
يا مرحبا باخوي ابن هديهد
ومشكور على مرورك يالغالي و الله يرحم الأمير فيحان بن قويد
|
يا مرحبا والله مسفر الكبيري
والله يرحم ابو خلف و يرحم اموات المسلمين و صح لسان الشاعر يشهد (( دويش مطير)) مهوب غلطان بفعـل الشيـوخ الطيبيـن الكرامـي |
الله يرحمه والبركه فيكم ياعياله (;
|
مشكور اخوي كحيلان على المرور
مثل ما ذكرت البركة في جميع أبناء المنتدى ....... |
الأخ خيال العبيه .
صح الله لسانك ولسان الشاعر على هذه القصيدة . والله يرحم فيحان بن خلف ويسكنه الجنه . فقد كان من خيرة امراء الدواسر ومهما كتب عنه فلن يوفى حقه . أخوك ......العقيد..... |
أرحب والله اخوي العقيد
و صح لسان الشاعر و الله يرحم الأمير فيحان بن خلف مثل ما قلت لن نوفيه حقه رحمه الله ورحم موتى المسلمين ........ |
الساعة الآن 02:32 AM
|
Powered by vBulletin® Copyright ©2000 - 2024, Jelsoft Enterprises Ltd.
---