أبوك ما خليت يا موت فيحان = اللي ورى وادي الدواسر يحامي
وادي الدواسر من على عصر بدران= يوم الجهل قدام عصر الكمامي
يحسن عزاء الوادي موارث كحيلان = تبكيه هدب الغرس هو والجهامي
يابو خلف مرحوم يا طير حوران= عليك يا فيحان مني سلامي
يوم راح فيحان وراء الشيخ شيبان = حلوبة الأجناب مثل التهامي
لونه حي كان للدار حدان = كان البلاد الراسية ما تضامي
غدوبة القيمان رعاية الضان = مهوب روس إلي عليهم كلامي
الدار تبغي عقب شيبان شبان = أقولها ما هيب روياء حلامي
في جنة الفردوس نوراً وريحان = يالي بلاده للعدا ما تسامي
من صلب شارع طيب الساس فيحان = يقفي على القيمان كنهم لدامي
يشهد (( دويش مطير)) مهوب غلطان =بفعل الشيوخ الطيبين الكرامي
إلي لهم في موقف المجد برهان= حريبهم لا من شكى ما يلامي