سـلام يامـرزوق 0 والخـد ميـدان 0 ســلام يـامـرزوق
طرقٍ على المسحوب 0 ومروّجع القاف 0 طرقٍ على المسحوب
أوحيت لي منطوق 0 واحتاج تبيـان 0 اوحيـت لـي منطـوق
خل الفنر مشبوب 0 في راس مشراف 0 خل الفنـر مشبـوب



ترحيب لك مسيوق. من قلب ولسان .ترحيب لك مسيـوق
في ماقف الماجوب. والفعل ينشاف .في ماقـف الماجـوب
هات الخبر يالذوق. والصدق ينبان. هات الخبـر يالـذوق
وافصح عن المكتوب. قدام الاشراف. وافصح عن المكتوب




انته ترا محقوق 0 ياذرب الأيمـان 0 انتـه تـرا محقـوق
من لابتك مطلوب 0 والناس عرّاف 0 من لابتـك مطلـوب
اذّنت وسط البوق 0 بالقاب شيخان 0 اذّنت وسـط البـوق
وكلٍ لبس له ثوب 0 من عهد الأسلاف 0 وكلٍ لبس له ثوب


ان كان فيه احقوق. انا عالي الشان . ان كان فيه احقوق
احضر واسد النوب. في كل ميقاف. احضر واسد النـوب
يابو وجه مطلوق. فتحت بيبـان. يابـو وجـه مطلـوق
والبيت بنيه طوب. ماجابه اخلاف . والبيت بنيه طـوب




شافك ولد موثوق 0 من نسل قحطان 0 شافك ولد موثـوق
تاخذ لقب منهوب 0 من ريف الأضياف 0 تاخذ لقب منهوب
واللي خسر فالسوق 0 يافلان رعيان 0 واللي خسر فالسوق
من ومّر المنصوب 0 كان انت هداف 0 من ومّر المنصوب



قلبك ورى محروق . ياولد حيّان . قلبك ورى محـروق
هذا خبر مكذوب. والناس عرّاف . هذا خبـر مكـذوب
مانيب راعي بوق. مع طول الازمان . مانيب راعي بوق
يوم انك انته نوب. هرجتك تنعاف. يوم انك انته نـوب





دون الحقوق حلوق 0 ياولد حمـدان 0 دون الحقـوق حلـوق
يالله عساك اتوب 0 من هرج الاسراف 0 يالله عسـاك اتـوب
ارفع ربوعي فوق 0 من فوق الامتان 0 ارفع ربوعـي فـوق
هرجي سوات الذوب 0 مانيب مزهاف 0 هرجي سوات الذوب



حتـى الكـلام ايـروق . جاوبنـي الآن. حتـى الكـلام يـروق
ما احكي مع المحجوب . من باب الانصاف. ما احكي مع المحجوب
هات اسمك المرفوق . من غير نقصان . هات اسمـك المرفـوق
يالطالـب المطلـوب . خـل التحـذاف. يالطـالـب المطـلـوب





حنّا كسبنا النـوق 0 بسيـوف فرسـان 0 حنـا كسبنـا النـوق
ونعطي من المكسوب 0 من حمّ الأشعاف 0 ونعطي من المكسوب
في دار عزوة روق 0 ساجر وجمران 0 فـي دار عـزوة روق
حصنك عن الاهوب 0 وضلال ولحاف 0 حصنك عن الاهـوب



الرمش فوق الموق- والعقل ميزان - الرمش فـوق المـوق
ترى الخطا محسوب- وايضا التلفلاف- ترى الخطا محسوب
باب القشر مغلوق- عن كل شيطان - باب القشـر مغلـوق
وان كان تبغى ذنوب- رح يم الاحلاف - ان كان تبغى اذنوب





ما تعرف المطفوق 0 وش فيك عميان 0 ما تعرف المطفوق
نبغا القشر مجبوب 0 ونضّم الأطراف 0 نبغا القشر مجبوب
ناسٍ يامال العوق 0 يتلون الأضعان 0 ناسٍ يامـال العـوق
واليوم نفخ ذروب 0 واحزاب واصناف 0 واليوم نفخ ذروب



للمرجله معشوق - في كل الاحيان - للمرجلـه معشـوق
ولاّ الردى مشطوب- من كل الاجلاف- ولاّ الردى مشطوب
انته مافيك عروق- تنبض بالاحسان- انته مافيك عـروق
يلعبّـك الاهوب-وعزومـك اضعـاف- يلعبّـك الاهـوب





خللك ورا مفهوق 0 يابناخـي فـلان 0 خللـك ورا مفهـوق
خصمك قوي جنوب 0 وجنوبك صخاف 0 خصمك قوي جنوب
انته ردي اعموق 0 من عصر بـدران 0 انتـه ردي اعمـوق
بالمرخمه مجذوب 0 من شين الأوصاف 0 بالمرخمه مجـذوب



يالمشلح المشقـوق- بالخبـث مليان.يالمشلـح المشقـوق
مخفي كما الرعبوب -ومكسّر اكتاف - مخفي كما الرعبوب
حوق الرديه حوق- وتروح ندمان - حوق الرديـه حـوق
ضايع مامعك اسلوب- تحذف بنشاف - ضايع مامعك اسلوب