::: مـنتدى قبيلـة الـدواسـر الـرسمي :::

- :: قسم تاريـخ قــبـيـلة الــدواسـر :: (http://alduwaser.org/vb/forumdisplay.php?f=11)

- - ((هية الشملول )) (http://alduwaser.org/vb/showthread.php?t=10131)

((هية الشملول ))

هية الشملول بين الحراجين والسبعان ومن اسم الهيه معروف مكانها
وسالفتها ان ابل الحراجين وردت على الما وقامو السبعان يهججون ابل الحراجين
ويلطمونها ويعدونها الما والبدويغلون الابل مثل اعيالهم ووفعلة السبعان مثل الاهانه وقامو الحراجين عليهم وصارت الهيه والله كتب النصر للحراجين وردو ابلهم للما
يعني نصر وردوها لاد الحريجي واكثر ( ياظفرهم والله )
وفعل بني عمنا انعده فعلنا ونباهي فيه
وتحضرني ثلاث ابيات

السبيعي يلطم الفاطر وماله دعيه = يلطم الفاطر مغويه شيطاني
وهية الشملول مهيب منسيه = لين سال الحزم وجله دماني
نصها لاد الحريجي خصوصيه = يثنون في اللقا لا ثار دخاني

والسموحه والله يا الربع القصايد اللي كانت عندي اقول عسا الله يردها
واعتمدت على الذاكره والظاهر ان الربع صادقين اني شيبت
واطلب من يعرف باقي الابيات يضيفها مشكور
ومن عنده اضافه اقول عساه على القوه
والعذر والسموحه

رد: نصها الحراجين خصوصيه

ارررررحب بوعبدالله

من طول الغيبات جاب الغنايم

كفو بلاد الحريجي بغير قصور بسبيع الغلبا

وبيض الله على السالفة والقصيدة

تقبل تحياتي،،

رد: نصها الحراجين خصوصيه

ابوعبدالله ارحب ارحب مليون تردف مليون

بيض الله وجهك علي السالفه الطيبه وكفوووووووووو بني عمنا يفعلون اكثر

ومن ناحية انك شيبت عزالله انك صدقت الماء قده يطحن لك يابوعبدالله

رد: نصها الحراجين خصوصيه

بيض الله وجهك على هالسالفة الطيبه وعيال عمنا يفعلون أكثر

رد: نصها الحراجين خصوصيه

بيض الله وجهك أخوي الشكري
وكفو بلاد الحريجي

رد: نصها الحراجين خصوصيه

الشكري

مرحبا ثم مرحبا ثم مرحبا

زانت علومك وزان المنتدى بحضورك ..

ويعطيك العافيه على ذكر و ايراد هية الشملول للحراجين

كفو ويفعلونها بني عمنا واكثر جعلهم المعزة ..

ونحن بإنتظارك وانتظار ما تملك من مخزون تاريخي في جعبتك

لا تبخل علينا بها فنحن بنو عمومتك ..

تقبل تحياتي ..

اخوك في الله

محمد الغريري

رد: نصها الحراجين خصوصيه

الاخ الشكرى

بارك الله فيك والنعم بعيال العم الحراجين

ومشكور وماقصرت

رد: نصها الحراجين خصوصيه

اخوي الغالي " ابو عبدالله " الشكري

ارررررحب ياذيبااااااااااان تراحيب المطر والله اني صادق

من طول الغيبات جاب الغنايم

يمال المعزه يابو عبدالله على هذى السرد التاريخي لتاريخ قبيلة

الدواسر العزيزه منوفيك حقك يابوعبدالله فيما تبذله في هذى

التاريخ الزاخر لبطولات وامجاد هذي القبيله العزيزه على قلوبنا

منقول الى الله يعلي شانك ويرفع قدرك ويبيض وجهك

والله يهنيك في عمرك ويجزيك عنا كل خير .

وعزالله العزيز ان الحراجين اتنومسهم الواحد منا جعلهم المعزه

تقبل تحياتي وتقديري واحترامي في شخصك الرائع.

اخــــــوك / فــــــهـــــد الــــــغـــــريــــــري,,,

رد: نصها الحراجين خصوصيه

الاخ الشكرى

بارك الله فيك

ومشكور وماقصرت

رد: نصها الحراجين خصوصيه

الله يعطيك العافية اخوي الشكري

بيض الله وجهك على توثيق الاحداث

تحياتي

رد: نصها الحراجين خصوصيه

نصها لاد الحريجي خصوصيه=يثنون في اللقا لا ثـار دخانـي

كفووووووووووو بلاد الحريجي بغير قصور بسبيع الغلبا

وبيض الله وجهك على السالفة والقصيدة

وهذي عوايدك يا ابو عبد الله السوالف الي ترفع الراس

لك اجمل وارق تحيه

من اخوك/ابن وتيد

رد: ((هية الشملول ))


	الاخ العزيز \ هايف العماني والبقا يا بو مبارك وبيض الله وجهك على المرور والرد الكريم ولا هنت طال عمرك. الاخ العزيز \ تركي الودعاني ابو هادي ابقه عدادها ودبلها وابيض وجه يا بو هادي وصدقت ذي عوايد ربعنا ولا اوصيك على واحد من شيبانك ما يحتاج الوصاه ( اظنك انت اللي شيبت فيني ) اشكرك على مرورك الكريم. الاخ العزيز \ مهند البدراني ووجهك ابيض لا عدمناك جعلك تحيا واشكرك على مرورك اللي افرحني لاهنت . الاخ العزيز \ ابو عبد العزيز الله يعز قدرك وشانك ونعم بك يا بن عمي ولا هنت على كل حال . الاخ العزيز \ يحيى الودعاني ووجهك ابيض ولا عدمناك ولا هنت طال عمرك . اخي الغالي \| ابو صهيب يا الله ان تحييه وتبقيه وجعل حالك يزين ولا يشين وانك غالي من غالين وابشر باللي اقدر عليه وانت تامر امر يا بو صهيب وجعل من ارثك الجنه لا عدمتك يا بو صهيب والله لا يهينك على كل حال . الاخ العزيز الغالي فهد الغريري الله يغليك عند مولاك ابو راشد الله يعز قدرك وشانك والسموحه اعجزتني عن الرد يا بو راشد ولا اقول الا فهد منصاي حزات الثقالي = من لاد غرير زبن كل مغبون وعساني اكون عند حسن ظنك وجعلك والله تسلم وجعل يسلم غاليك . الاخ العزيز \| رعاد الله يبارك في ايامك وجعل يقصر حبل عدوك تسلم تسلم . الاخ الغالي \| الاشعف الله يعافيك ويقويك ووجهك ابيض وتسلم ويسلم غاليك. الاخ العزيز \ ابن وتيد الله يعزك ويرفع قدرك وشهادتك فيني غاليه من غالي واشهد بالله ما عليكم قصور تسلم ويسلم غاليك . وعلى العموم بيض الله وجيهكم عموم ما استثني احد وعز الله شهادتكم يشهد ربي انها غاليه والسموحه منكم يا ربعي

رد: ((هية الشملول ))

كفووووووووووو بلاد الحريجي بغير قصور بسبيع الغلبا

وبيض الله وجهك على السالفة والقصيدة

وهذي عوايدك يا ابو عبد الله السوالف الي ترفع الراس

لك اجمل وارق تحيه

مشاركة: ((هية الشملول ))

كثرووووووووووووووا

شياب المنتدى

هههههههههههههههه

وذالحين ابو عبيد منهم

بيض الله وجهك يالشايب

وياجعل يمناك ما يجيها العطب يالقرم

وتقبل تحياتي

ابو زيد

رد: ((هية الشملول ))

المراقب الغالي على قلوب الجميع : الشكري

مرحباً مليون × مليون ولايكفون ياابو عبدالله

من طول الغيبات جاب الغنايم

وعزالله جبتها ياابن عمي جعل يمناك مايجيها العطب

ولاهنت على ذكر هذه الهيه اللي تنومس جميع الدواسر ماهو بس الحراجين

والله وكفو بلاد الحريجي مسامير الأشده من غير قصور بسبيع الغلبا

وبيض الله وجهك على هذه السالفة والقصيدة المشرفه

تقبل ودي وتقديري وتحياتي العطره لمقامك العالي والرفيع،،

من أخوك ومحبك ومحب الجميع