ألا يالله سألتـك ياعظيـم المقـدرة والــذاتْ=وتعلم كل شيّ(ن) لم يكن لـو كـان والكايِـنْ
ألا يالله تجلى عن ضميري واهـج الحسـراتْ=ألا ياشيب راسي والعيـون تشـوف وتعايـنْ
أشوف الجيل خلف الجيل تكثر فيهم الخمـلات=بعد ماكان صلب(ن) في العقيدة صار متلايـنْ
ألا ياكيف يا احفـاد المثنـى ياهـل النّعـرات=نعيّـد عيـد مـن سمّـوه بالبابـا ( فلنتايـن )
نمـوت ولا تعيّدنـا بعيـد الحـب والنغمـات=عسى من عيّد بعيده تكـوده شَلّـة ( الفايـن )
أحب الجادل اللي ماتحب السـوق والدّوجـات=ولا تغضي بطرف العين للسّربـوت والخايـن
عسى يفدى مواطيها بنات الحـب والموضـات=بنات الجنز والسفرات والتجديف في ( الرّاين )
زهمت القاف يا قاف المعاني جاوب العبـرات=وقال القاف : ما ظنّي تعدى نمبـر ( النايـن )