اخير مابدي به على كل مقصود = ذكر الاله اللي خلق سبع الاكوان
ثم الصلاة عداد ماهبّت النّود = على النبيّ الهاشمي نسل عدنان
وخلاف ذا ببدي وبابيّح سدود = بيوت شعر مالها اليوم كتمان
برحّب بربعي هل الطيب والجود = ترحيب صافي قلب من صادق لسان
فيامرحبا مامرّت البيض والسود = بمن سطّروا في صفحة المجد عنوان
يامرحبا مليون بالعد وتزود = باللاّبة اللي في العرب شانهم شان
دواسر كنيوا على دوسر العود = اهل الفعول مطوّعة كل فسقان
حنا الدواسر طيبنا ترثة جدود = متوارثينه من مناعير جدّان
من جود ربي نكرم الضيف ونجود = في حاضر الطفره وفي غبر الازمان
وبالسيف نحمي طارف الحد ونذود = وصيّة الجدّان في رسوم الاوطان
يشهد لنا التاريخ والعالم شهود = بفعايل معها على الحق برهان
لو قلت ماتحصى فلا جيت في زود = ولا نيب لا مخطي ولا نيب غلطان
فعايل من روضها بقطف ورود = ورده على ماقيل من كل بستان
الاوّله حنا ذرى كل مطرود = لو كان طلاّبه زعيم وسلطان
وحنا ودينا الجار من جدر مهدود = من غيرنا يادى من اسباب جدران؟
وحنا الخوي لا خان به خاين عهود = ياخذ بثاره داني الناس واخوان
والريشة اللي جا لها يوم مشهود = وخذت من الشيخان بفعول شيخان
وجمالنا بالحرب ترثع بها قيود = يشهد بها الفرسان في كل ميدان
وناسم عصاة الجار ويروح ويعود = محد نشد من وين ؟ ويش انت يافلان
وبدّ القبايل حن لنا سبعة فهود = من اربعين داهموا قصر عجلان
واخر مواقفنا فعل كاسب الفود = ابن حباب اللي رقى راس مابان
يوم انتخت مابين فاقد ومفقود = بنت تشوف الموت شوف بالاعيان
في موقف يبغي شجاعه ومجهود = وعزم وصلابة راس واحسان وايمان
قال ابشري بالعزّ وعضودي عضود = نعيش ولاّ نموت سيّان سيّان
ولو كان خلاّها فلا هوب منشود = مير الحميّه ماتخلي كحيلان
ثم شالها والموج يزمي كما الطود = والناس حوله بين هالك وغرقان
والطيب عند الناس دين ومردود = والاحسان عند الله يجازى بالاحسان
والله عطانا حب الاسلام ونذود = عن حوزته بالسيف الاملح وبالزان
وان كان به من يحسن الظن بحيود = فحنّا على التوحيد شيب وشبّان
من فضل ربي ركّع دوم وسجود = يوم ان بعض الناس يجهل بالاركان
يشهد بها فلبي قبل سبعة عقود = ينطق بها دفتر وصفحه وديوان
وحنّا لنا عادات نرقى بها سنود = نسبق على العليا شباب وشيبان
مجالس ما الباب فيها بمردود = لكنّها مبنيّة دون بيبان
لعب الورق فيها رزيّه ومنقود = وماتعرف الشيشه ولا شرب دخّان
دخّانها سمر الحطب وازرق العود = وبريّة تجلى عمس كل عمسان
وحيل الى من علّقت تكسر العود = ولاّ على كبش سمين من الضان
هذا مضى والقاف حاضر و موجود = خلّوني ابرد حر كبدي بالالحان
ماكلّ يوم عيد ياخوك ياحمود = مير اتركوني والقوافي والاوزان
ابرد بهنّ كبود واحرّق كبود = وارضي بهنّ اصحاب واغيظ عدوان
واذكر بعض مادار في البال واعود = للاّبة اللي في العرب شانهم شان
واذكر بعض ماجاد به خير معبود = على هل العادات ذربين الايمان
الله عطانا الما مشاريع وعدود= حلو قراح مثل هتّان الامزان
والله عطانا اللي تهزّع من النود = هدب الجريد اللي ثمرها له الوان
والدوسري ذوده يجي خيرة الذود= عند القبايل ماتقدّر بالاثمان
ومضامي بيد الى ماله حدود = شرق وشمال وغرب وحدود نجران
ومادامها ميراث والد لمولود = فانا العريمي صلب ناصر وودعان
اهل الحميّه سعد من كان مضهود = ولا خير في قول على غير برهان
يشهد بها راع المعمّ ابن عبود = يومه يهوز الدار بثياب الاخوان
هدّف على الفرعه رجال ال مسعود = لعلّها تصبح مقر لقحطان
مير اعترض دربه صناديد ويسود = واجلوه والراضي من القوم زعلان
هذا وصلّوا عد وارد ومورود = على النبي وزبدة الهرج نيشان

المشاركة الأصلية كتبت بواسطة ابو عبدالرحمن الودعاني قصيده بمناسبه حفل الدواسر الاول في النعيريه لعام1417 هـ اخير مابدي به على كل مقصود = ذكر الاله اللي خلق سبع الاكوان ثم الصلاة عداد ماهبّت النّود = على النبيّ الهاشمي نسل عدنان وخلاف ذا ببدي وبابيّح سدود = بيوت شعر مالها اليوم كتمان برحّب بربعي هل الطيب والجود = ترحيب صافي قلب من صادق لسان فيامرحبا مامرّت البيض والسود = بمن سطّروا في صفحة المجد عنوان يامرحبا مليون بالعد وتزود = باللاّبة اللي في العرب شانهم شان دواسر كنيوا على دوسر العود = اهل الفعول مطوّعة كل فسقان حنا الدواسر طيبنا ترثة جدود = متوارثينه من مناعير جدّان من جود ربي نكرم الضيف ونجود = في حاضر الطفره وفي غبر الازمان وبالسيف نحمي طارف الحد ونذود = وصيّة الجدّان في رسوم الاوطان يشهد لنا التاريخ والعالم شهود = بفعايل معها على الحق برهان لو قلت ماتحصى فلا جيت في زود = ولا نيب لا مخطي ولا نيب غلطان فعايل من روضها بقطف ورود = ورده على ماقيل من كل بستان الاوّله حنا ذرى كل مطرود = لو كان طلاّبه زعيم وسلطان وحنا ودينا الجار من جدر مهدود = من غيرنا يادى من اسباب جدران؟ وحنا الخوي لا خان به خاين عهود = ياخذ بثاره داني الناس واخوان والريشة اللي جا لها يوم مشهود = وخذت من الشيخان بفعول شيخان وجمالنا بالحرب ترثع بها قيود = يشهد بها الفرسان في كل ميدان وناسم عصاة الجار ويروح ويعود = محد نشد من وين ؟ ويش انت يافلان وبدّ القبايل حن لنا سبعة فهود = من اربعين داهموا قصر عجلان واخر مواقفنا فعل كاسب الفود = ابن حباب اللي رقى راس مابان يوم انتخت مابين فاقد ومفقود = بنت تشوف الموت شوف بالاعيان في موقف يبغي شجاعه ومجهود = وعزم وصلابة راس واحسان وايمان قال ابشري بالعزّ وعضودي عضود = نعيش ولاّ نموت سيّان سيّان ولو كان خلاّها فلا هوب منشود = مير الحميّه ماتخلي كحيلان ثم شالها والموج يزمي كما الطود = والناس حوله بين هالك وغرقان والطيب عند الناس دين ومردود = والاحسان عند الله يجازى بالاحسان والله عطانا حب الاسلام ونذود = عن حوزته بالسيف الاملح وبالزان وان كان به من يحسن الظن بحيود = فحنّا على التوحيد شيب وشبّان من فضل ربي ركّع دوم وسجود = يوم ان بعض الناس يجهل بالاركان يشهد بها فلبي قبل سبعة عقود = ينطق بها دفتر وصفحه وديوان وحنّا لنا عادات نرقى بها سنود = نسبق على العليا شباب وشيبان مجالس ما الباب فيها بمردود = لكنّها مبنيّة دون بيبان لعب الورق فيها رزيّه ومنقود = وماتعرف الشيشه ولا شرب دخّان دخّانها سمر الحطب وازرق العود = وبريّة تجلى عمس كل عمسان وحيل الى من علّقت تكسر العود = ولاّ على كبش سمين من الضان هذا مضى والقاف حاضر و موجود = خلّوني ابرد حر كبدي بالالحان ماكلّ يوم عيد ياخوك ياحمود = مير اتركوني والقوافي والاوزان ابرد بهنّ كبود واحرّق كبود = وارضي بهنّ اصحاب واغيظ عدوان واذكر بعض مادار في البال واعود = للاّبة اللي في العرب شانهم شان واذكر بعض ماجاد به خير معبود = على هل العادات ذربين الايمان الله عطانا الما مشاريع وعدود= حلو قراح مثل هتّان الامزان والله عطانا اللي تهزّع من النود = هدب الجريد اللي ثمرها له الوان والدوسري ذوده يجي خيرة الذود= عند القبايل ماتقدّر بالاثمان ومضامي بيد الى ماله حدود = شرق وشمال وغرب وحدود نجران ومادامها ميراث والد لمولود = فانا العريمي صلب ناصر وودعان اهل الحميّه سعد من كان مضهود = ولا خير في قول على غير برهان يشهد بها راع المعمّ ابن عبود = يومه يهوز الدار بثياب الاخوان هدّف على الفرعه رجال ال مسعود = لعلّها تصبح مقر لقحطان مير اعترض دربه صناديد ويسود = واجلوه والراضي من القوم زعلان هذا وصلّوا عد وارد ومورود = على النبي وزبدة الهرج نيشان الشاعر الفذ / ابراهيم بن عبدالرحمن بن ذيب ال عريمه الودعاني الدوسري 10/1/1427 9/2/2006