::: مـنتدى قبيلـة الـدواسـر الـرسمي ::: - ريشة ابن قويد / الريشة اللي تجيك اخبار راعيهـا

- :: قسم تاريـخ قــبـيـلة الــدواسـر :: (http://alduwaser.org/vb/forumdisplay.php?f=11)

ريشة ابن قويد / الريشة اللي تجيك اخبار راعيهـا

السلام عليكم ورحمة الله وبركاته

( وصف للريشه )

الريشة عبارة عن هودج يتكون من عدة أقسام لها كتب الذي يشد على الجمل
و لها أجنحة من اليمين و من اليسار كل جناح طوله مترين و نصف تقريباً
و لها مؤخرة طولها متر ونصف في مترين ملبسة من الجلد و الجوخ الأحمر
و عليها نظم من الودع الأبيض و لها عود قنا مرتفع فوق بطول مترين
في رأسة كوره معدنية ومن فوقها على ارتفاع نصف متر ريشة نعام
وفي أسفل عود القنا جُّب من حديد يركز في بطن الهودج العطفة .

http://www.t7mel.com/Files4/d69fd559d3.jpg

( سالفة الريشه )

سنة من السنين ادهرت ديار الدواسر واشملوا للقيعان اللى جايها حيا طيب
فرحلوا شمال صوب (( واره )) وارتعوا مع العجمان.

امير الدواسر(( شارع ابن قويد )) راعي الحصان ومسمى براعى الحصان
لانه ماركب له فرس طول حياته .
والدواسر معروفين اهل بكار جرد وخيل حرد , واهل سنان واهل عنان
والا طاح الحيا يروحون له وين ماكان.

ابن شعلان وربعه الروله جوك معنزين على الدويش وجايين معه واجتمعوا فى ذاك المكان
اربع قبايل الدواسر والعجمان ومطير والروله .
حصل بين العجمان مطير محاكة ,فاستحمى الدويش بابن شعلان وحمى له ،
والعجمان استعانوا بالدواسر , وصبحوا مطير ومن معهم الدواسر على غفله وركبوا
عليهم الدواسر وصارت معركة كبيره ذبح فيها ناس واجد منهم(( وطبان الدويش))
أمير مطير اللى ذبحه الامير مروان الخوير أمير آل بوسباع وأخذت الريشة
((ريشة ابن شعلان)) في تلك المعركة .

يقول الشاعر سعيد بن خذيعان المساعره

الدويش وطبان جاب مطير غازينا
ـــــــــــــــــــــ مع ابن شعلان بالريشـة يقّديهـا
حاولانـا بليـل ٍ فـي مماسيـنـا
ــــــــــــــــــــــــ على صباح بيوت ٍ فـي مبانيهـا
ألفيـن خيـال وإنّـا يـوم عدينـا
ــــــــــــــــــــــــــــــ بـلا ثمانميـة ٍ للحـرب نبغيهـا
نركب على الخيل ماشـيٍ بيلهينـا
ــــــــــــــــــــــــــ من وقعة حربتـه ماعـاد يثنيهـا
مية وخمسين قلـع ٍ مـن يمانينـا
ــــــــــــــــــــــــــ وحصان (وطبان) غلقهـا يوفيهـا
ياذيب ياللي مع الصفـرا تبارينـا
ــــــــــــــــــــ عشاك ( وطبان) في مقدم نواصيها
معاد هاشوا لا سمعـوا عزاوينـا
ــــــــــــــــــــــــ قفت مطير ٍ تشمامت في نعاويهـا
اما ابن شعلان يومه جاهلن فينـا
ــــــــــــــــــــــ يشمت نصيبه ومن جابه بعد فيهـا
دون العشاير قلعنا الخيل وإنحينا
ـــــــــــــــــــــ ما نضرب إلا الجماجم من علابيها
هذا لعينـاك يـا منهـو يوصينـا
ـــــــــــــــــــــ بالريشة اللي تجيك اخبار راعيهـا
بارماحنا اللـي توردهـا يمانينـا
ـــــــــــــــــــــــ أخذ المزين وعطفة ريشتـه فيهـا

وسلامتكم

عبدالله الـخـييـلات